Kota: ಗೋಪೂಜೆ ಮಾಡಿ ಮೇಯಲು ಬಿಟ್ಟ ಗೋವುಗಳು ಕಳವು

Team Udayavani, Nov 9, 2024, 9:29 PM IST

ಕೋಟ: ಇಲ್ಲಿನ  ನಿವಾಸಿ ಸುಧಾಕರ ಅವರು ಗೋ ಪೂಜೆ ಮಾಡಿ ಸಂಪ್ರದಾಯದಂತೆ ಮೇವಿಗಾಗಿ ಬಿಟ್ಟ ನಾಲ್ಕು ಗೋವುಗಳಲ್ಲಿ ಎರಡು ಗೋವುಗಳನ್ನು ಕಳ್ಳರು ಕಾರಿನಲ್ಲಿ ಕದ್ದೊಯ್ದ  ಘಟನೆ  ಕೋಟ ಪೊಲೀಸ್‌ ಠಾಣೆ ವ್ಯಾಪ್ತಿಯ ಹೊಂಬಾಡಿ-ಮುಂದಾಡಿಯಲ್ಲಿ  ನಡೆದಿದೆ.

ಒಂದೆರಡು ದಿನ ಹುಡುಕಾಡಿದ ಬಳಿಕವೂ ಸಿಗದಿದ್ದಾಗ ಅಕ್ಕಪಕ್ಕದಲ್ಲಿದ್ದ ಸಿಸಿಟಿವಿ ಪರಿಶೀಲಿಸಿದಾಗ, ನ.3ರಂದು ಬೆಳಗಿನ ಜಾವ  ಸಮೀಪದ  ತಲ್ಮಕ್ಕಿಯ ಬಸ್‌ ನಿಲ್ದಾಣದ ಬಳಿ ಮಲಗಿದ್ದ ಎರಡು  ದನಗಳನ್ನು  3 ಮಂದಿ ಕೆಂಪು ಬಣ್ಣದ ಕಾರಿನಲ್ಲಿ   ತುಂಬಿಸಿಕೊಂಡು ಹೋಗಿರುವುದು ಕಂಡುಬಂದಿದೆ. ಅನಂತರ ಸುಧಾಕರ ಅವರು ಕೋಟ ಪೊಲೀಸ್‌ ಠಾಣೆಗೆ ಈ ಬಗ್ಗೆ ದೂರು ನೀಡಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ.