Raichuru: ಆರ್‌ಟಿಪಿಎಸ್ ಬೂದಿ ಹೊಂಡದ ನೀರು ಕೃಷ್ಣಾ ನದಿಗೆ; ಜನರಲ್ಲಿ ಆತಂಕ

Team Udayavani, Nov 10, 2024, 7:50 PM IST

ರಾಯಚೂರು: ತಾಲೂಕಿನ ರಾಯಚೂರು ಶಾಖೋತ್ಪನ್ನ ಕೇಂದ್ರ (ಆರ್‌ಟಿಪಿಎಸ್‌)ದ ಬೂದಿ ಹೊಂಡದ ನೀರು ಭಾರೀ ಪ್ರಮಾಣದಲ್ಲಿ ಕೃಷ್ಣಾ ನದಿಗೆ ಸೇರುತ್ತಿದ್ದು, ನದಿ ತೀರದ ಜನರು ಆತಂಕಗೊಂಡಿದ್ದಾರೆ.

ಕೃಷ್ಣಾ ನದಿ ಸೇತುವೆ ಮೇಲ್ಬಾಗದಲ್ಲಿ ಹಾರುಬೂದಿ ಹೊಂಡದ ನೀರು ನದಿಗೆ ಹರಿಯುತ್ತಿದೆ. ಇದರಿಂದ ನದಿ ತೀರದ ನೀರೆಲ್ಲ ಕಲುಷಿತಗೊಂಡಿದೆ. ಈ ನೀರನ್ನೇ ದೇವಸೂಗೂರು ಸೇರಿದಂತೆ ಕೆಳಭಾಗದ ಗ್ರಾಮಗಳ ಜನರು ಬಳಸುತ್ತಿದ್ದು, ಮುಂದೆ ಹರಿದು ಜುರಾಲಾ ಜಲಾಶಯ ಸೇರಿಕೊಳ್ಳುತ್ತಿದೆ. ಮುಂದೆ ಆಂಧ್ರಕ್ಕೆ ಹರಿಯಲಿದೆ.

ಈ ಕುರಿತು ಆರ್‌ಟಿಪಿಎಸ್ ಅಧಿಕಾರಿಗಳ ಸಂಪರ್ಕಿಸಲು ಯತ್ನಿಸಿದರೂ ಸೂಕ್ತ ಸ್ಪಂದನೆ ಸಿಕ್ಕಿಲ್ಲ. ಕೆಲ ದಿನಗಳ ಹಿಂದೆ ಸೋನೆ ಮಳೆಯ ರೀತಿಯಲ್ಲಿ ಹಾರು ಬೂದಿ ಹರಡಿಕೊಂಡು ಸುತ್ತಲಿನ ಗ್ರಾಮಸ್ಥರು ಕಂಗಾಲಾಗಿದ್ದರು. ಈಗ ಭಾರೀ ಪ್ರಮಾಣದ ನೀರು ಹೊಂಡ ನದಿಗೆ ಸೇರಿಕೊಳ್ಳುತ್ತಿರುವುದು ಆತಂಕದ ವಾತಾವರಣ ನಿರ್ಮಾಣಕ್ಕೆ ಕಾರಣವಾಗಿದೆ.