Pushpa 2 The Rule; ಅಲ್ಲು ಅರ್ಜುನ್‌ ಚಿತ್ರದ ಟ್ರೇಲರ್‌ ಬಿಡುಗಡೆಗೆ ದಿನಾಂಕ ನಿಗದಿ

Team Udayavani, Nov 11, 2024, 4:40 PM IST

ಹೈದರಾಬಾದ್:‌ ನಟ ಅಲ್ಲು ಅರ್ಜುನ್‌ (Allu Arjun) ಅವರ ಬಹು ನಿರೀಕ್ಷಿತ ಪ್ಯಾನ್‌ ಇಂಡಿಯಾ ʼಪುಷ್ಪ-2 ದಿ ರೂಲ್ʼ (Pushpa 2 The Rule) ಚಿತ್ರತಂಡದಿಂದ ದೊಡ್ಡ ಅಪ್ಡೇಟ್‌ ಒಂದು ಬಂದಿದೆ. ಅದು ಎಲ್ಲಾ ಸಿನಿ ಅಭಿಮಾನಿಗಳು ಕಾಯುತ್ತಿರುವ ಚಿತ್ರದ ಟ್ರೇಲರ್‌ ಬಗ್ಗೆ.

ಹೌದು, ಸುಕುಮಾರ್‌ ನಿರ್ದೇಶನದ ಪುಷ್ಪ-2‌ ದಿ ರೂಲ್ ಚಿತ್ರದ ಟ್ರೇಲರ್‌ ಇದೇ ತಿಂಗಳ 17ರಂದು ಬಿಡುಗಡೆಯಾಗಲಿದೆ. ನ.17ರ ಸಂಜೆ 6.03ರ ಸಮಯದಲ್ಲಿ ಟ್ರೇಲರ್‌ ರಿಲೀಸ್‌ ಆಗಲಿದೆ.

ಸದ್ಯ ಪುಷ್ಪ 2‌ ದಿ ರೂಲ್ ಚಿತ್ರಕ್ಕೆ ದಕ್ಷಿಣ ಭಾರತದಲ್ಲಷ್ಟೇ ಅಲ್ಲದೇ ಉತ್ತರ ಭಾರತದ ರಾಜ್ಯಗಳಲ್ಲೂ ಕ್ರೇಜ್‌ ಹೆಚ್ಚಾಗಿದೆ. ಅಲ್ಲಿನ ಸಿನಿಪ್ರಿಯರು ಸಹ ಪುಷ್ಪ 2‌ ದಿ ರೂಲ್ ಟ್ರೇಲರ್‌ಗೆ ಕಾತುರದಿಂದಕಾಯುತ್ತಿದ್ದಾರೆ.

ಅಲ್ಲು ಅರ್ಜುನ್‌, ಫಾಹದ್‌ ಫಾಸಿಲ್‌ ಮತ್ತು ರಶ್ಮಿಕಾ ಮಂದಣ್ಣ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಚಿತ್ರವು ಡಿಸೆಂಬರ್‌ 5ರಂದು ವಿಶ್ವಾದ್ಯಂತ ಬಿಡುಗಡೆಗೊಳ್ಳಲಿದೆ. ಈಗಾಗಲೇ ಅಮೆರಿಕ, ಯುಕೆ, ಆಸ್ಟ್ರೇಲಿಯಾ ದೇಶಗಳಲ್ಲಿ ಚಿತ್ರದ ಪ್ರಿಮಿಯರ್‌ ಶೋಗಳ ಟಿಕೆಟ್‌ಗಳು ಬಹುತೇಕ ಮಾರಾಟವಾಗಿವೆ.

Dropping an EXPLOSIVE BANGER before the MASS festival begins in Cinemas ❤‍🔥

Experience the MASSIVE #Pushpa2TheRuleTrailer on 17th November at 6:03 PM 🌋🌋

With a Blasting Event at PATNA 💥💥#Pushpa2TheRule#Pushpa2TheRuleOnDec5th

Icon Star @alluarjun @iamRashmika… pic.twitter.com/nCFKC4kYA5

— Pushpa (@PushpaMovie) November 11, 2024

ಪುಷ್ಟ-1 ಚಿತ್ರದಲ್ಲಿ ಸಮಂತಾ ಸೊಂಟ ಕುಣಿಸಿದ್ದ ʼಊ ಅಂಟವಾʼ ಹಾಡು ಬೇರೆಯದ್ದೇ ರೀತಿಯ ಹವಾ ಕ್ರಿಯೇಟ್‌ ಮಾಡಿತ್ತು. ʼಪುಷ್ಪ 2 ದಿ ರೂಲ್ʼ ನಲ್ಲೂ ಇದೇ ರೀತಿಯ ಹಾಡು ಇರಲಿದೆ. ಪುಷ್ಟ-2 ಚಿತ್ರದಲ್ಲಿ ಕನ್ನಡದ ಬೆಡಗಿ ಶ್ರೀಲೀಲಾ ಕಾಣಿಸಿಕೊಂಡಿದ್ದಾರೆ.