Vidyapati Kannada Movie: ಹಾಡಿನಲ್ಲಿ ವಿದ್ಯಾಪತಿ ಕಿತಾಪತಿ

Team Udayavani, Nov 12, 2024, 10:18 AM IST

ಡಾಲಿ ಧನಂಜಯ್‌ ಹೊಸ ಸಿನಿಮಾವೊಂದನ್ನು ನಿರ್ಮಿಸುತ್ತಿದ್ದಾರೆ, ಅದುವೇ ವಿದ್ಯಾಪತಿ. ಸದ್ಯ ಚಿತ್ರದ ಹಾಡೊಂದು ಬಿಡುಗಡೆಯಾಗಿ, ಸೊಶಿಯಲ್‌ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. “ಟಗರುಪಲ್ಯ’ ಸಿನಿಮಾದಲ್ಲಿ ನಾಯಕನಾಗಿದ್ದ ನಟ ನಾಗಭೂಷಣ್‌ ಈ ಚಿತ್ರದಲ್ಲೂ ಮತ್ತೆ ನಾಯಕನ ಹೊಣೆ ಹೊತ್ತಿದ್ದಾರೆ.

ಈಗಾಗಲೇ ಹಾಡಿನ ಟೀಸರ್‌, ಮೇಕಿಂಗ್‌ ವಿಡಿಯೋನಿಂದ ಪ್ರೇಕ್ಷಕರ ಗಮನ ಸೆಳೆದಿತ್ತು ಚಿತ್ರತಂಡ. “ಅಯ್ಯೋ ವಿಧಿಯೆ’ ಎಂಬ ವಿದ್ಯಾಪತಿ ತಲಹರಟೆಯ ಹಾಡಿಗೆ ಧ್ವನಿಯಾಗಿರುವುದು ನಟ ಜಗ್ಗೇಶ್‌. ಹಾಡಿನಲ್ಲಿ ನಟ ರಂಗಾಯಣ ರಘು ಸಹ ಹೆಜ್ಜೆ ಹಾಕಿದ್ದು, ಹಾಡು ಹಾಸ್ಯಮಯವಾಗಿ ಮೂಡಿಬಂದಿದೆ.

ನಾಗಭೂಷಣಗೆ ಚಿತ್ರದಲ್ಲಿ ಜೋಡಿಯಾಗಿದ್ದಾರೆ ನಟಿ ಮಲೈಕಾ ವಸುಪಾಲ್‌. ಈ ಹಿಂದೆ “ಇಕ್ಕಟ್‌’ ಸಿನಿಮಾ ನಿರ್ದೇಶಿಸಿದ್ದ ಇಶಾಂ ಹಾಗೂ ಹಸೀಂ ಖಾನ್‌ ಈ ಚಿತ್ರಕ್ಕೂ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.

ಚಿತ್ರಕ್ಕೆ ಬರವಣಿಗೆ ಹಾಗೂ ಸಂಕಲನವೂ ಇವರದ್ದೆ. ಲವಿತ್‌ ಅವರಛಾಯಾಗ್ರಹಣ, ಡಾಸ್ಮೋಡ್‌ ಸಂಗೀತ

ನ ರ್ದೇಶನ, ಮುರುಳು ನೃತ್ಯ ಸಂಯೋಜನೆ, ಸುಜಿತ್‌ ಸಾಹಿತ್ಯ, ಅರ್ಜುನ್‌ ಅವರ ಸಾಹಸ ಸಂಯೋಜನೆ ಚಿತ್ರಕ್ಕಿದೆ. ಇದೊಂದು ಆ್ಯಕ್ಷನ್‌ ಕಂ ಕಾಮಿಡಿ ಸಿನಿಮಾ ಎಂದು ಚಿತ್ರತಂಡ ಹೇಳಿಕೊಂಡಿದೆ.