Jio domain ಗಲಾಟೆ ನಡುವೆಯೇ “ಜಿಯೋಸ್ಟಾರ್‌’ ಹೊಸ ವೆಬ್‌ಸೈಟ್‌ ಪ್ರತ್ಯಕ್ಷ!

Team Udayavani, Nov 13, 2024, 6:54 AM IST

ನವದೆಹಲಿ: ವಯಕಾಮ್‌-18 ಮತ್ತು ಸ್ಟಾರ್‌ ಇಂಡಿಯಾ ಸಂಸ್ಥೆಗಳು ವಿಲೀನವಾದ ಬಳಿಕ ದೇಶದಲ್ಲಿ “ಜಿಯೋಹಾಟ್‌ಸ್ಟಾರ್‌’ ಡೊಮೈನ್‌ಗೆ ಸಂಬಂಧಿಸಿದಂತೆ ಗಲಾಟೆಗಳು ಸೃಷ್ಟಿಯಾಗಿದ್ದವು. ಇದರ ನಡುವೆಯೇ “ಜಿಯೋಸ್ಟಾರ್‌’ ಹೆಸರಿನ ಹೊಸ ವೆಬ್‌ಸೈಟ್‌ ಪ್ರತ್ಯಕ್ಷವಾಗಿದ್ದು, “ಶೀಘ್ರದಲ್ಲೇ ಆರಂಭ’ ಎಂದು ಘೋಷಿಸಿಕೊಂಡಿದೆ.

ಈ ವೆಬ್‌ಸೈಟ್‌ ಸ್ಟಾರ್‌ ಇಂಡಿಯಾ ಮತ್ತು ಜಿಯೋ ಹೊಸದಾಗಿ ಆರಂಭಿಸಿರುವ ವೇದಿಕೆ ಎಂದು ವರದಿಗಳು ತಿಳಿಸಿದ್ದರೂ 2 ಕಂಪನಿಗಳು ಈ ಬಗ್ಗೆ ಯಾವುದೇ ಸ್ಪಷ್ಟನೆ ನೀಡಿಲ್ಲ.

ಈ 2 ಬೃಹತ್‌ ಕಂಪನಿಗಳ ವಿಲೀನದ ಬಳಿಕ ದೆಹಲಿ ಮೂಲಕ ಟೆಕಿ ಜಿಯೋಹಾಟ್‌ಸ್ಟಾರ್‌ ಡೊಮೈನ್‌ ಸೃಷ್ಟಿಸಿ 1 ಕೋಟಿ ರೂ.ಗೆ ಮಾರಾಟ ಮಾಡುವುದಾಗಿ ಹೇಳಿದ್ದ, ಈತನ ವಿರುದ್ಧ ಜಿಯೋ ಕಾನೂನು ಕ್ರಮದ ಬೆದರಿಕೆಯೊಡ್ಡಿತ್ತು. ಇದಾದ ಬಳಿಕ ದುಬೈನ ಮಕ್ಕಳು ಜಿಯೋಹಾಟ್‌ಸ್ಟಾರ್‌ ಒಡೆತನ ತಮ್ಮ ಬಳಿ ಇರುವುದಾಗಿ ಹೇಳಿಕೊಂಡಿದ್ದರು.