Lahore; ಭಗತ್‌ ಸಿಂಗ್‌ ಉಗ್ರವಾದಿ: ಕೋರ್ಟ್‌ಗೆ ಪಾಕ್‌ ವರದಿ

Team Udayavani, Nov 13, 2024, 5:21 AM IST

ಲಾಹೋರ್‌/ಹೊಸದಿಲ್ಲಿ: ಸ್ವಾತಂತ್ರ್ಯ ಹೋರಾಟಗಾರ ಭಗತ್‌ ಸಿಂಗ್‌ರನ್ನು  ಪಾಕಿಸ್ಥಾನ “ಭಯೋತ್ಪಾದಕ’ ಎಂದು ಕರೆದಿದೆ. ಹೀಗಾಗಿ ಪಾಕಿಸ್ಥಾನದ ಲಾಹೋರ್‌ನ ಶಾದ್ಮನ್‌ ಚೌಕಕ್ಕೆ ಅವರ ಹೆಸರನ್ನು ಇರಿಸಲು ನಿರಾಕರಿಸಿದ ಪ್ರಕರಣ ನಡೆದಿದೆ. ಈ ಬೆಳವಣಿಗೆಗೆ ಭಾರತದ ಬಿಜೆಪಿ ಹಾಗೂ ಆಮ್‌ ಆದ್ಮಿ ಪಾರ್ಟಿ(ಆಪ್‌) ತೀವ್ರ ಆಕ್ರೋಶ ವ್ಯಕ್ತಪಡಿಸಿವೆ.

ಪಾಕಿಸ್ಥಾನ ಸೇನೆಯ ನಿವೃತ್ತ ಅಧಿಕಾರಿ ಲಾಹೋರ್‌ ಹೈಕೋರ್ಟ್‌ಗೆ ನೀಡಿದ ವರದಿಯಲ್ಲಿ ಭಗತ್‌ ಸಿಂಗ್‌ ಅವರನ್ನು ಭಯೋತ್ಪಾದಕ ಎಂದು ನಮೂದಿಸಲಾಗಿದ್ದು, ಭವಿಷ್ಯದಲ್ಲೂ ಅವಹೇಳನಕಾರಿ ಹೇಳಿಕೆ ಬಾರದಂತೆ ತಡೆಯುವ ದೃಷ್ಟಿಯಿಂದ ಈ ವರದಿಯನ್ನು ಸರಿಪಡಿಸಬೇಕು. ಈ ನಿಟ್ಟಿನಲ್ಲಿ ಕೇಂದ್ರ ಸರಕಾರ ಮಧ್ಯ ಪ್ರವೇಶಿಸಬೇಕೆಂದು ಒತ್ತಾಯಿಸಿದೆ.

ಭಯೋತ್ಪಾದಕರಿಗೆ ಆಶ್ರಯ ನೀಡುವು­ದರೊಂದಿಗೆ ಭಯೋ­ತ್ಪಾದನೆಗೆ ಕುಮ್ಮಕ್ಕು ಕೊಡುವ ದೇಶವೊಂದು ಅಖಂಡ ಭಾರತದ ಸ್ವಾತಂತ್ರ್ಯಕ್ಕಾಗಿ ಪ್ರಾಣತೆತ್ತ ನಾಯಕನನ್ನು ಭಯೋ­ತ್ಪಾದಕ ಎನ್ನುವುದು ಆ ದೇಶದ ಆಷಾಡಭೂತಿತನವನ್ನು ತೋರುತ್ತದೆ’ ಎಂದು ಬಿಜೆಪಿ ಟೀಕಿಸಿದೆ. ಆಪ್‌ ಕೂಡ ಪಾಕಿಸ್ಥಾನ ವಿರುದ್ಧ ಕಿಡಿಕಾರಿದೆ.