Bantwala: ಶಾಲಾ ವಾಹನ ಢಿಕ್ಕಿ; ಸ್ಕೂಟರ್‌ ಸವಾರ ಸಾವು

Team Udayavani, Nov 16, 2024, 2:53 AM IST

ಬಂಟ್ವಾಳ: ಬಿ.ಸಿ.ರೋಡು-ಪುಂಜಾಲಕಟ್ಟೆ ಹೆದ್ದಾರಿಯ ಮೂಡನಡುಗೋಡು ಗ್ರಾಮದ ಕೊಪ್ಪಳದಲ್ಲಿ ಸ್ಕೂಟರ್‌ಗೆ ಶಾಲಾ ವಾಹನ (ಟೆಂಪೋ ಟ್ರಾವೆಲರ್‌) ಢಿಕ್ಕಿ ಹೊಡೆದ ಪರಿಣಾಮ ಸ್ಕೂಟರ್‌ ಸವಾರ ಕೊಪ್ಪಳ ನಿವಾಸಿ ಬಾಳಪ್ಪ (63) ಅವರು ಮೃತಪಟ್ಟ ಘಟನೆ ನ. 14ರ ರಾತ್ರಿ ಸಂಭವಿಸಿದೆ.

ಕೊಪ್ಪಳದಲ್ಲಿ ಅವರು ಹೊಟೇಲನ್ನು ನಡೆಸುತ್ತಿದ್ದರು. ನ. 14ರಂದು ರಾತ್ರಿ ಹೊಟೇಲ್‌ಗೆ ದಿನಸಿ ಸಾಮಗ್ರಿ ತರುವುದಕ್ಕಾಗಿ ಸ್ಕೂಟರ್‌ನಲ್ಲಿ ವಗ್ಗಕ್ಕೆ ತೆರಳಿ ಮರಳುತ್ತಿದ್ದಾಗ ಬಿ.ಸಿ.ರೋಡು ಕಡೆಯಿಂದ ತೆರಳುತ್ತಿದ್ದ ಶಾಲಾ ವಾಹನ ಢಿಕ್ಕಿ ಹೊಡೆದಿದೆ.

ಗಂಭೀರ ಗಾಯಗೊಂಡ ಬಾಳಪ್ಪ ಅವರನ್ನು ತತ್‌ಕ್ಷಣ ಬಂಟ್ವಾಳ ಸರಕಾರಿ ಆಸ್ಪತ್ರೆಗೆ ಸಾಗಿಸಲಾಗಿದ್ದು, ಪರೀಕ್ಷಿಸಿದ ವೈದ್ಯರು ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ. ಘಟನೆ ಕುರಿತು ಹೊಟೇಲ್‌ ಕಾರ್ಮಿಕ ಅವಿ ಡಿ’ ಸೋಜಾ ಪೊಲೀಸರಿಗೆ ದೂರು ನೀಡಿದ್ದು, ಬಂಟ್ವಾಳ ಸಂಚಾರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.