Kharge: ನಾವು ಸಂವಿಧಾನ ರಕ್ಷಿಸದಿದ್ದರೆ ಮೋದಿ ಚಹಾ ಮಾರಿಕೊಂಡೇ ಇರಬೇಕಿರುತ್ತಿತ್ತು

Team Udayavani, Nov 17, 2024, 8:46 PM IST

ಮುಂಬೈ: ” ನಾವು ಸಂವಿಧಾನ ರಕ್ಷಿಸಿದ್ದರಿಂದಲೇ ಮೋದಿ ಪ್ರಧಾನಿಯಾಗಲು ಸಾಧ್ಯವಾಯಿತು. ಇಲ್ಲದಿದ್ದರೆ ಅವರು ಚಹಾ ಮಾರಿಕೊಂಡೇ ಇರಬೇಕಾಗಿರುತ್ತಿತ್ತು’ ಎಂದು ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಪ್ರಧಾನಿ ಮೋದಿ ಅವರನ್ನು ಲೇವಡಿ ಮಾಡಿದ್ದಾರೆ.

ಮಹಾರಾಷ್ಟ್ರದ ಉಮ್ರದ್‌ನಲ್ಲಿ ನಡೆದ ಚುನಾವಣಾ ರ್‍ಯಾಲಿಯಲ್ಲಿ ಮಾತನಾಡಿರುವ ಖರ್ಗೆ, ಪ್ರಧಾನಿ ಮೋದಿ ಹಾಗೂ ಬಿಜೆಪಿ ವಿರುದ್ಧ ವಾಗ್ಧಾಳಿ ನಡೆಸಿದ್ದಾರೆ. ಮೋದಿ ಹೆಸರು ಉಲ್ಲೇಖಿಸದೆಯೇ “ಗುಜರಾತನ್ನು 24 ವರ್ಷ ಒಬ್ಬರೇ ವ್ಯಕ್ತಿ 24 ವರ್ಷ ಆಳಿದರೂ, ಅಲ್ಲಿ ಇನ್ನೂ ಬಡತನ ಏಕಿದೆ? ಮಹಾರಾಷ್ಟ್ರದಲ್ಲಿ ಏನೇ ಅಭಿವೃದ್ಧಿಯಾಗಿದ್ದರೂ ಅದು ಕಾಂಗ್ರೆಸ್‌ನಿಂದ ಆಗಿದೆ. ಸಂವಿಧಾನ ಇಲ್ಲದಿದ್ದರೆ ನನ್ನಂತ ಒಬ್ಬ ವ್ಯಕ್ತಿ ಎಲ್ಲೋ ಕೆಲಸ ಮಾಡಿಕೊಂಡು ಇರಬೇಕಿರುತ್ತಿತ್ತು’ ಎಂದು ಖರ್ಗೆ ಹೇಳಿದ್ದಾರೆ.