Pakistan;ಬಲೂಚಿಸ್ಥಾನದಲ್ಲಿ ಉಗ್ರರ ವಿರುದ್ಧ ಸಮಗ್ರ ಕಾರ್ಯಾಚರಣೆಗೆ ಮುಂದಾದ ಪಾಕ್

Team Udayavani, Nov 20, 2024, 4:22 PM IST

ಬಲೂಚಿಸ್ಥಾನ: ಮಾರಣಾಂತಿಕ ಸರಣಿ ದಾಳಿಗಳ ನಂತರ ಬಲೂಚಿಸ್ಥಾನದ ನೈಋತ್ಯ ಪ್ರಾಂತ್ಯದಲ್ಲಿ ಉಗ್ರರ ವಿರುದ್ಧ ಸಮಗ್ರ ಕಾರ್ಯಾಚರಣೆ ನಡೆಸಲು ಪಾಕಿಸ್ಥಾನ ನಿರ್ಧರಿಸಿದೆ.

ಮಂಗಳವಾರ ರಾಷ್ಟ್ರೀಯ ಕ್ರಿಯಾ ಯೋಜನೆಯ ಫೆಡರಲ್ ಅಪೆಕ್ಸ್ ಸಮಿತಿಯು ಸಮಗ್ರ ಮಿಲಿಟರಿ ಕಾರ್ಯಾಚರಣೆಯನ್ನು ಅನುಮೋದಿಸಿದೆ ಎಂದು ಹೇಳಿಕೆಯೊಂದು ತಿಳಿಸಿದೆ. ಪ್ರಧಾನ ಮಂತ್ರಿ ಶೆಹಬಾಜ್ ಷರೀಫ್ ನೇತೃತ್ವದ ಸಭೆಯಲ್ಲಿ ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ಸೇರಿದಂತೆ ಹಿರಿಯ ನಾಗರಿಕ ಮತ್ತು ಮಿಲಿಟರಿ ಅಧಿಕಾರಿಗಳು ಸಭೆಯಲ್ಲಿ ಭಾಗವಹಿಸಿದ್ದರು.

ಮಜೀದ್ ಬ್ರಿಗೇಡ್, ಬಲೂಚಿಸ್ಥಾನ್ ಲಿಬರೇಶನ್ ಆರ್ಮಿ (BLA), ಬಲೂಚಿಸ್ಥಾನ್ ಲಿಬರೇಶನ್ ಫ್ರಂಟ್ (BLF), ಮತ್ತು ಬಲೂಚಿಸ್ಥಾನ್ ರಾಜಿ ಅಂಜೌ-ಆರ್-ಸಂಗರ್ (BRAS) ಸೇರಿದಂತೆ ಬಲೂಚಿಸ್ಥಾನದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪ್ರಮುಖ ಉಗ್ರ ಸಂಘಟನೆಗಳು ಬ್ಲಿಟ್ಜ್‌ನ ಗುರಿಯಾಗಿರಲಿವೆ. ಪ್ರತಿಕೂಲ ಬಾಹ್ಯ ಶಕ್ತಿಗಳ ಆಜ್ಞೆಯ ಮೇರೆಗೆ ಅಭದ್ರತೆಯನ್ನು ಸೃಷ್ಟಿಸುವ ಮೂಲಕ ಪಾಕಿಸ್ಥಾನದ ಆರ್ಥಿಕ ಪ್ರಗತಿಯನ್ನು ಹಾಳುಮಾಡಲು ಅವಕಾಶ ನೀಡುವುದಿಲ್ಲ ಎಂದು ಸಮಿತಿ ಹೇಳಿದೆ.

ಈ ಬಹುಮುಖಿ ಸವಾಲುಗಳನ್ನು ಪರಿಣಾಮಕಾರಿಯಾಗಿ ಎದುರಿಸಲು ಏಕೀಕೃತ ರಾಜಕೀಯ ಧ್ವನಿ ಮತ್ತು ಸುಸಂಘಟಿತ ರಾಷ್ಟ್ರೀಯ ನಿರೂಪಣೆಯ ಅಗತ್ಯವನ್ನು ಸಮಿತಿಯು ಎತ್ತಿ ತೋರಿಸಿದೆ.