BBK11: ಸೆಡೆಗಳನ್ನೆಲ್ಲ ಕಳ್ಸಿಯೇ ನಾನು ಮನೆಗೆ ಹೋಗೋದು- ಮತ್ತೆ ಗುಡುಗಿದ ರಜತ್

Team Udayavani, Nov 22, 2024, 8:16 AM IST

ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ವಾರದ ಕಳಪೆ ಯಾರು ಎನ್ನುವುದರ ಬಗ್ಗೆ ಸ್ಪರ್ಧಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಇಬ್ಬರು ವೈಲ್ಡ್ ಕಾರ್ಡ್ ಸ್ಪರ್ಧಿಗಳು ಬಂದ ಒಂದು ವಾರದೊಳಗೆ ಮಾತಿನ ಮೂಲಕ ತಮ್ಮ ಛಾಪನ್ನು ಮೂಡಿಸಿದ್ದಾರೆ. ಆದರೆ ಆಟದ ಮೂಲಕ ತಮ್ಮನ್ನು ತಾವು ಸಾಬೀತು ಪಡಿಸಲು ವಿಫಲರಾಗಿದ್ದಾರೆ.

ರಜತ್ – ಕಿಶನ್ ನಡುವೆ ಶೋಭಾ ಅವರು ಆಟದ ವಿಚಾರದಲ್ಲಿ ಮನೆಯವರ ಮನ ಗೆದ್ದಿದ್ದಾರೆ. ಆದರೆ ರಜತ್ ತಮ್ಮ ಅತಿಯಾದ ವರ್ತನೆಯಿಂದ ಮನೆಮಂದಿಯ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಟಾಸ್ಕ್ ಆಡುವ ವಿಚಾರದಲ್ಲಿ ಸುರೇಶ್ ಅವರೊಂದಿಗೆ ವಾಗ್ವಾದಕ್ಕಿಳಿದ ರಜತ್ ಗುಗ್ಗು, ಸೆಡೆ ಎಂದು ಪದವನ್ನು ಬಳಸಿದ್ದರು. ಇದು ಸುರೇಶ್ ಸೇರಿದಂತೆ ಮನೆಮಂದಿಯ ಆಕ್ರೋಶಕ್ಕೆ ಕಾರಣವಾಗಿತ್ತು.

ಇದೇ ವಿಚಾರ ಕಳಪೆ ನೀಡುವಾಗ ರಜತ್ ಅವರಿಗೆ ಮುಳುವಾಗಿದೆ.

ಮೋಕ್ಷಿತಾ, ಹನುಮಂತು, ,ಸುರೇಶ್, ಶೋಭಾ, ಶಿಶಿರ್, ಐಶ್ವರ್ಯಾ ಅವರು ರಜತ್ ಅವರಿಗೆ ಈ ವಾರದ ಕಳಪೆ ‌ನೀಡುತ್ತೇವೆ ಎಂದಿದ್ದಾರೆ.

ಒಂದಷ್ಟು ಪದಗಳನ್ನು ಬಳಸಿದ್ದಾರೆ. ಅದು ನಮಗೆ ಅರಗಿಸಿಕೊಳ್ಳಲು ಆಗುತ್ತಿಲ್ಲವೆಂದು ಸ್ಪರ್ಧಿಗಳು ಹೇಳಿದ್ದಾರೆ.

ನೀವು ‌ಮಾತನಾಡೋದೆ ಹಾಗೆ ಅಂಥ ಹೇಳಿದ್ದೀರಾ ಆದರೆ ಈ ಮನೆಗೆ ಅದು ಸೂಕ್ತವಾಗಲ್ಲವೆಂದು ಶಿಶಿರ್ ಕಾರಣವನ್ನು ನೀಡಿದ್ದಾರೆ.

ಸೆಡೆ ನನ್ಮಗ ಅಂದ್ರೆ ಯಾರು. ವೈಯಕ್ತಿಕವಾಗಿ ಬಂದ ಮಾತನ್ನು ತೆಗೆದುಕೊಳ್ಳಲು ಆಗಿಲ್ಲವೆಂದು ಸುರೇಶ್ ಹೇಳಿದ್ದಾರೆ.

ಎಲ್ಲರ ಕಾರಣವನ್ನು ಕೇಳಿ ರಜತ್ ಗರಂ ಆಗಿದ್ದಾರೆ.‌ ಹುಡುಗಿಯರ ಕೈ ಹಿಡಿದುಕೊಂಡು ಓಡಾಡಿದ್ದಷ್ಟು ಸುಲಭವಲ್ಲ ಬಿಗ್ ಬಾಸ್ ಗೆಲ್ಲೋದು. ಸೆಡೆಗಳನ್ನು ಕಳ್ಸಿಯೇ ನಾನು ‌ಮನೆಗೆ ಹೋಗುವುದು. ಹುಟ್ಟಿದಾಗಿನಿಂದ ಹೀಗೆಯೇ ಇರೋದು. ಮುಂದೆಯೂ‌ ಹೀಗೆ ಇರುತ್ತೇನೆ. ಇನ್ಮುಂದೆ ಇದಕ್ಕಿಂತ ತ್ರಿಬಲ್ ಮಾತನಾಡುತ್ತೇನೆ. ಇನ್ಮುಂದೆ ಆಟ ಶುರುವೆಂದಿದ್ದಾರೆ.

ಒಂದೇ ವಾರದಲ್ಲಿ ಒಂಟಿಯಾದ್ರಾ ರಜತ್ ಕಿಶನ್?

ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ ರಾತ್ರಿ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKPromo pic.twitter.com/K1fH2Ylu09

— Colors Kannada (@ColorsKannada) November 22, 2024