ನಮ್ಮಲ್ಲಿಗೆ ಬಂದರೆ ಇಸ್ರೇಲ್‌ ಪ್ರಧಾನಿ ಬಂಧನ: ಬ್ರಿಟನ್‌!

Team Udayavani, Nov 23, 2024, 12:42 AM IST

ವಾಷಿಂಗ್ಟನ್‌: ಗಾಜಾದಲ್ಲಿ ಯುದ್ಧಾಪರಾಧ ಎಸಗಿದ್ದಾರೆ ಎಂಬ ಕಾರಣಕ್ಕೆ ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ವಿರುದ್ಧ ಅಂತಾರಾಷ್ಟ್ರೀಯ ಅಪರಾಧಗಳ ಕೋರ್ಟ್‌ ಹೊರಡಿಸಿರುವ ಬಂಧನ ವಾರಂಟ್‌ ಅನ್ನು ಬ್ರಿಟನ್‌ ಸೇರಿ 12 ರಾಷ್ಟ್ರಗಳು ಬೆಂಬಲಿಸಿವೆ. ಇಸ್ರೇಲ್‌ ಪ್ರಧಾನಿ ನಮ್ಮ ದೇಶಕ್ಕೆ ಬಂದರೆ ಅವ ರನ್ನು ವಶಕ್ಕೆ ಪಡೆಯಲಾಗುತ್ತದೆ ಎಂದು ಬ್ರಿಟನ್‌ ಹೇಳಿದೆ.

ಐರ್ಲೆಂಡ್‌, ಇಟಲಿ, ನೆದರ್ಲೆಂಡ್‌, ಕೆನಡಾ, ಸ್ಪೇನ್‌, ನಾರ್ವೆ, ಬೆಲ್ಜಿಯಂ, ಟರ್ಕಿ, ಐರೋಪ್ಯ ಒಕ್ಕೂಟ, ಚೀನ ಕೂಡ ನಿರ್ಣಯ ಸ್ವಾಗತಿಸಿವೆ. ಫ್ರಾನ್ಸ್‌, ಜರ್ಮನಿ ನಿರ್ಣಯ ಪರಿಶೀಲಿಸುತ್ತೇವೆ ಎಂದಿವೆ. ಇದೇ ವೇಳೆ ನೆತ ನ್ಯಾಹುರನ್ನು ಬಂಧಿಸಿದರೆ ಬ್ರಿಟನ್‌ ಪ್ರತಿಕೂಲ ಪರಿಣಾಮ ಎದುರಿಸಬೇಕಾ ಗುತ್ತದೆ ಎಂದು ಅಮೆರಿಕದ ರಿಪ ಬ್ಲಿಕನ್‌ ಸಂಸದ ಲಿಂಡ್ಸೆ ಗ್ರಹಾಂ ಎಚ್ಚರಿಸಿ ದ್ದಾರೆ.

ಗಾಜಾದಲ್ಲಿ ಪ್ಯಾಕೆಟ್‌ ಬ್ರೆಡ್‌ಗೆ 1,097ರೂ.!
ಜೆರುಸಲೇಂ: ಇಸ್ರೇಲ್‌-ಹಮಾಸ್‌ ಯುದ್ಧದಿಂದ ಗಾಜಾದಲ್ಲಿ ಸಾವಿರಾರು ಕುಟುಂಬಗಳು ಹಸಿವಿನಿಂದ ನರಳುತ್ತಿವೆ. ಜನ ದಿನಕ್ಕೆ ಕೇವಲ ಒಪ್ಪೊತ್ತಿನ ಊಟ ಮಾತ್ರ ಮಾಡುತ್ತಿದ್ದಾರೆ ಎಂದು ವಿಶ್ವಸಂಸ್ಥೆ ಹೇಳಿದೆ. ಆಹಾರ ಪದಾರ್ಥಗಳ ಬೆಲೆಯೂ ಗಗನಕ್ಕೇರಿದ್ದು, ಬರೀ ಒಂದು ಪ್ಯಾಕೆಟ್‌ ಬ್ರೆಡ್‌ಗೆ 1,097ರೂ.ಗಳಾಗಿದೆ. ಕೆ.ಜಿ. ಈರುಳ್ಳಿಗೆ 844 ರೂ., ಒಂದು ಬಾಟಲಿ ಅಡುಗೆ ಎಣ್ಣೆ ಬೆಲೆ 1,266 ರೂ.ಗೆ ಏರಿಕೆಯಾಗಿದೆ ಎನ್ನಲಾಗಿದೆ.