Kasaragod: ನಗ-ನಗದು ಕಳವು; ಆರೋಪಿ ಬಂಧನ

Team Udayavani, Nov 28, 2024, 10:10 PM IST

ಕಾಸರಗೋಡು: ಮಧೂರು ಸಮೀಪದ ಅರಂತೋಡಿನ ಫೆಲಿಕ್ಸ್‌ ರೋಡ್ರಿಗಸ್‌ ಅವರ ಮನೆಯಿಂದ ನಾಲ್ಕು ಲಕ್ಷ ರೂ. ಮೌಲ್ಯದ 8 ಪವನ್‌ ಚಿನ್ನಾಭರಣ ಮತ್ತು 60 ಸಾವಿರ ರೂ. ಕಳವು ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ ಪಕ್ಕದ ಮನೆಯ ನಿವಾಸಿ ರೋಬರ್ಟ್‌ ರೋಡ್ರಿಗಸ್‌(53)ನನ್ನು ವಿದ್ಯಾನಗರ ಪೊಲೀಸರು ಬಂಧಿಸಿದ್ದಾರೆ.

ಮನೆಯವರು ಕೆಲಸಕ್ಕೆ ಹೋದ ಸಂದರ್ಭದಲ್ಲಿ ಮನೆಗೆ ನುಗ್ಗಿ ಕಳವು ಮಾಡಲಾಗಿತ್ತು. ಮನೆಯ ಕಪಾಟಿನಲ್ಲಿರಿಸಿದ ನಗ, ನಗದು ಕಳವು ಮಾಡಲಾಗಿದೆ. ಕೂಲಿ ಕಾರ್ಮಿಕರಾಗಿರುವ ಫೆಲಿಕ್ಸ್‌ ರೋಡ್ರಿಗಸ್‌ ಮತ್ತು ಅವರ ಪತ್ನಿ ಮನೆಗೆ ಬೀಗ ಹಾಕಿ ಕೆಲಸಕ್ಕೆ ಹೋಗಿದ್ದರು. ಈ ಸಂದರ್ಭದಲ್ಲಿ ಕಳವು ಮಾಡಲಾಗಿದೆ. ಈ ಬಗ್ಗೆ ವಿದ್ಯಾನಗರ ಪೊಲೀಸರಿಗೆ ದೂರು ನೀಡಲಾಗಿತ್ತು. ತನಿಖೆ ನಡೆಸಿದ ಪೊಲೀಸರು ರೋಬರ್ಟ್‌ ರೋಡ್ರಿಗಸ್‌ನನ್ನು ಬಂಧಿಸಿದರು.