Renukaswamy case: ದರ್ಶನ್‌ ವಿರುದ್ಧ ಸಾಕ್ಷ್ಯ “ಸೃಷಿ’: ವಕೀಲ ವಾದ

Team Udayavani, Nov 29, 2024, 2:16 PM IST

ಬೆಂಗಳೂರು: “ಚಿತ್ರದುರ್ಗದ ರೇಣುಕಸ್ವಾಮಿ ಕೊಲೆ ಪ್ರಕರಣದಲ್ಲಿ ತನಿಖಾಧಿಕಾರಿಗಳು ಮೊದಲ ದಿನದಿಂದಲೇ ಸಾಕ್ಷ್ಯಾಧಾರಗಳನ್ನು ಕಲೆ ಹಾಕಿಲ್ಲ. ಬದಲಿಗೆ “ಸೃಷ್ಟಿ ಮಾಡಿ ರುವುದು’ ಸ್ಪಟಿಕ ಸತ್ಯವಾಗಿದೆ. ಮುಂದುವರಿದ ಹೆಚ್ಚುವರಿ ತನಿಖೆ ಎಂಬುದು ಹಿಂದಿನ ತನಿಖೆಯಲ್ಲಿನ ಲೋಪಗಳನ್ನು ಮರೆಮಾಚುವ ಪ್ರಯತ್ನ ಬಿಟ್ಟರೆ ಬೇರೇನೂ ಇಲ್ಲ. ಘಟನೆಯ ಕುರಿತು ಪ್ರತ್ಯಕ್ಷ ಸಾಕ್ಷಿಗಳ ಹೇಳಿಕೆ ಯಲ್ಲಿ ಹೆಜ್ಜೆ-ಹೆಜ್ಜೆಗೂ ವಿರೋ ಧಾಭಾಸಗಳಿವೆ’ ಎಂದು ನಟ ದರ್ಶನ್‌ ಪರ ಹಿರಿಯ ವಕೀಲ ಸಿ.ವಿ. ನಾಗೇಶ್‌ ಪ್ರಬಲ ವಾದ ಮಂಡಿಸಿದ್ದಾರೆ.

ಪ್ರಕರಣದಲ್ಲಿ ಜಾಮೀನು ಕೋರಿ ನಟ ದರ್ಶನ್‌ ಹಾಗೂ ಇತರರು ಸಲ್ಲಿಸಿರುವ ಅರ್ಜಿ ಗಳನ್ನು ನ್ಯಾಯಮೂರ್ತಿ ಎಸ್‌. ವಿಶ್ವಜಿತ್‌ ಶೆಟ್ಟಿ ಅವರಿದ್ದ ಏಕಸದಸ್ಯ ನ್ಯಾಯಪೀಠ ಗುರುವಾರ ವಿಚಾರಣೆ ನಡೆಸಿತು.

ಈ ವೇಳೆ ನಟ ದರ್ಶನ್‌ ಪರ ಸುದೀರ್ಘ‌ ವಾದ ಮಂಡಿಸಿದ ಹಿರಿಯ ವಕೀಲ ಸಿ.ವಿ. ನಾಗೇಶ್‌, ಪ್ರತ್ಯಕ್ಷ ಸಾಕ್ಷಿಗಳು ತನಿಖಾಧಿಕಾರಿಗಳ ಮುಂದೆ ನೀಡಿದ ಸ್ವ ಇಚ್ಛಾ ಹೇಳಿಕೆಗೂ, ಮ್ಯಾಜಿಸ್ಟ್ರೇಟ್‌ ಮುಂದೆ ದಾಖಲಿಸಿದ ಸ್ವ ಇಚ್ಛಾ ಹೇಳಿಕೆಗೂ ವ್ಯತ್ಯಾಸಗಳಿವೆ. ಮುಖ್ಯವಾಗಿ ಸಾಕ್ಷಿಗಳ ಹೇಳಿಕೆಯಲ್ಲಿ ತನಿಖಾಧಿಕಾರಿಗಳು ಸಾಕಷ್ಟು ವಿಳಂಬ ಮಾಡಿದ್ದಾರೆ. ಪ್ರಕರಣದ ಕೇಸ್‌ ಡೈರಿಯ ನಿರ್ವಹಣೆಯಲ್ಲಿ ಲೋಪಗಳಾಗಿವೆ. ಇಂತಹ ಸಂದರ್ಭಗಳಿದ್ದಾಗ ದೇಶದ ಬೇರೆ-ಬೇರೆ ನ್ಯಾಯಾಲಯಗಳು ಆರೋಪಿಗಳಿಗೆ ಜಾಮೀನು ನೀಡಿದ ಉದಾಹರಣೆಗಳಿವೆ. ಇದೇ ಆಧಾರದಲ್ಲಿ ಈ ಪ್ರಕರಣದಲ್ಲೂ ಆರೋಪಿಗಳಿಗೆ ಜಾಮೀನು ಮಂಜೂರು ಮಾಡ ಬೇಕು ಎಂದು ಕೋರಿದರು. ದರ್ಶನ್‌ ಅವರ ವ್ಯವಸ್ಥಾಪಕ ಹಾಗೂ ಪ್ರಕರಣದ 11ನೇ ಆರೋಪಿ ನಾಗರಾಜ್‌ ಪರ ವಾದ ಮಂಡಿಸಿದ ಹಿರಿಯ ವಕೀಲ ಸಂದೇಶ್‌ ಚೌಟ, ಯಾವ ಕಾರಣಕ್ಕಾಗಿ ಆರೋಪಿ ಗಳನ್ನು ಬಂಧಿಸಲಾಗಿದೆ ಎಂಬ ವಿಚಾರ ವನ್ನು ರಿಮ್ಯಾಂಡ್‌ ಅರ್ಜಿಯಲ್ಲಿ ತನಿಖಾಧಿಕಾರಿಗಳು ಉಲ್ಲೇಖಿಸಿಲ್ಲ. ಈ ವಿಚಾರ ವನ್ನು ವಿಚಾರಣಾಧೀನ ನ್ಯಾಯಾಲಯವು ಪರಿ ಗಣಿಸಿಲ್ಲ. ಬಂಧನಕ್ಕೆ ಕಾರಣಗಳನ್ನು ನೀಡದಿ ರುವುದು ಗಂಭೀರ ಲೋಪವಾಗಿದೆ. ಆದ್ದರಿಂದ ಆರೋಪಿಗಳಿಗೆ ಜಾಮೀನು ಮಂಜೂರು ಮಾಡಬೇಕು ಎಂದರು. ವಾದ-ಪ್ರತಿವಾದ ಆಲಿಸಿದ ನ್ಯಾಯಪೀಠ ವಿಚಾರಣೆಯನ್ನು ನ. 29ರಂದು ಮಧ್ಯಾಹ್ನ 2.30ಕ್ಕೆ ಮುಂದೂಡಿತು.

ದರ್ಶನ್‌ ಬಿಪಿ ಏರುಪೇರು ಶಸ್ತ್ರ ಚಿಕಿತ್ಸೆ ನಿರ್ಧರಿಸಿಲ್ಲ

ದರ್ಶನ್‌ ಅವರ ರಕ್ತದೊತ್ತಡದಲ್ಲಿ ಏರಿಳಿತವಾಗುತ್ತಿರುವುದರಿಂದ ಶಸ್ತ್ರಚಿಕಿತ್ಸೆಯ ಬಗ್ಗೆ ವೈದ್ಯರು ನಿರ್ಧರಿಸಿಲ್ಲ ಎಂದು ಹಿರಿಯ ವಕೀಲ ಸಿ.ವಿ. ನಾಗೇಶ್‌ ಹೈಕೋರ್ಟ್‌ಗೆ ತಿಳಿಸಿದರು. ನ್ಯಾಯಮೂರ್ತಿ ಎಸ್‌. ವಿಶ್ವಜಿತ್‌ ಶೆಟ್ಟಿಯವರು, ದರ್ಶನ್‌ಗೆ ನೀಡಲಾದ ಮಧ್ಯಂತರ ಜಾಮೀನಿನ ಕುರಿತು ಪ್ರಶ್ನಿಸಿತು. ದರ್ಶನ್‌ ರಕ್ತದೊತ್ತಡದಲ್ಲಿ ಏರುಪೇರು ಆಗುತ್ತಿರುವುದರಿಂದ ಶಸ್ತ್ರಚಿಕಿತ್ಸೆ ಬಗ್ಗೆ ವೈದ್ಯರು ನಿರ್ಧರಿಸಿಲ್ಲ ಎಂದರು.

ಶಸ್ತ್ರಚಿಕಿತ್ಸೆ ಮಾಡಲು ಯಾವುದೇ ಸಮಸ್ಯೆಯಿಲ್ಲ ಎಂದು ವೈದ್ಯರು ನೀಡಿರುವ ವರದಿಯಲ್ಲಿ ಇದೆಯಲ್ಲ ಎಂದು ನ್ಯಾಯಮೂರ್ತಿಗಳು ಪ್ರಶ್ನಿಸಿದರು. ಅದನ್ನು ಅಲ್ಲಗಳೆದ ವಕೀಲ ಸಿ.ವಿ. ನಾಗೇಶ್‌, ದರ್ಶನ್‌ಗೆ ಎಂಆರ್‌ಐ ಮಾಡಿಸಲಾಗಿದೆ. ದರ್ಶನ್‌ ಅವರ ರಕ್ತ ದೊತ್ತಡದಲ್ಲಿ ಏರಿಳಿತವಾಗುತ್ತಿರು ವುದರಿಂದ ಶಸ್ತ್ರಚಿಕಿತ್ಸೆ ಮಾಡಿಲ್ಲ. ಯಾವಾಗ ಶಸ್ತ್ರಚಿಕಿತ್ಸೆ ಮಾಡಬೇಕು ಎಂಬುದನ್ನು ವೈದ್ಯರು ನಿರ್ಧರಿಸಬೇಕಿದೆ ಎಂದು ಸಮರ್ಥನೆ ನೀಡಿದರು.

ದರ್ಶನ್‌ ಪರ ವಕೀಲರ ವಾದ

ದರ್ಶನ್‌ ಅವರಿಗೆ ರೇಣುಕಸ್ವಾಮಿ ಕೊಲೆ ಮಾಡುವ ಉದ್ದೇಶವಿದ್ದರೆ ಘಟನಾ ಸ್ಥಳದಲ್ಲಿ ಆತನಿಗೆ ನೀರು ಕೊಡಿ, ಊಟ ತಂದು ಕೊಡಿ, ಆತನ ಚಿತ್ರ ಸೆರೆ ಹಿಡಿಯಿರಿ, ವಿಡಿಯೋ ಮಾಡಿ, ಆತನನ್ನು ಪೊಲೀಸ್‌ ಠಾಣೆಗೆ ಕರೆದುಕೊಂಡು ಹೋಗಿ ಬಿಡಿ ಎಂದು ಹೇಳುತ್ತಿದ್ದರೆ? ಇದು ದರ್ಶನ್‌ ನಡತೆಯಾಗಿದ್ದು, ದಾಖಲೆಯ ರೂಪದಲ್ಲಿ ಸಾಕ್ಷ್ಯವಿದೆ.

ಭಯಭೀತನಾಗಿ ತಾನು ಪುಣೆ, ತಿರುಪತಿ, ಹುಬ್ಬಳ್ಳಿ ಅಲ್ಲಿ ಹೋದೆ ಇಲ್ಲಿ ಹೋದೆ ಎಂದು ಪ್ರತ್ಯಕ್ಷ ಸಾಕ್ಷಿ ಎಂದು ಹೇಳಲಾಗಿರುವ ಪುನೀತ್‌ ಎಂಬಾತ ಹೇಳಿದ್ದಾನೆ. ಆದರೆ ಜೂನ್‌ 11ರಿಂದ 19ರವರೆಗೆ ಊರು ತಿರುಗಿ ಬಂದಿದ್ದಾನೆ. ಆತನ ಮೊಬೈಲ್‌ ಟವರ್‌ ಲೊಕೇಷನ್‌ ಮಾತ್ರ ಹಲವೆಡೆ ಹೋಗಿದೆ. ಆದ್ರೆ ಒಂದೇ ಒಂದು ಮೊಬೈಲ್‌ ಕರೆಯೂ ಆ ನಡುವೆ ಆತ ಬೇರೆಯವರಿಗೆ ಮಾಡಿಲ್ಲ. ಅಸಲಿ ಸತ್ಯ ಎನೆಂದರೆ ಆತನ ಮೊಬೈಲ್‌ ಬೆಂಗಳೂರಿನಲ್ಲಿಯೇ ಇತ್ತು. ಈ ಬಗ್ಗೆ ಸಾಕ್ಷಿಗಳನ್ನ ನಾನು ಕೊಡುತ್ತೇನೆ. ಪೊಲೀಸರ ಹೇಳುವ ಸುಳ್ಳಿಗೂ ಒಂದು ಇತಿಮಿತಿ ಇರಬೇಕು.

ನರೇಂದ್ರ ಸಿಂಗ್‌, ಮಲ್ಲಿಕಾರ್ಜುನ್‌, ವಿಜಯ್‌ ಕುಮಾರ್‌, ಮಧುಸೂಧನ್‌, ಪುನೀತ್‌ ಸೇರಿದಂತೆ 6 ಮಂದಿ ಪ್ರತ್ಯಕ್ಷ ಸಾಕ್ಷಿಗಳ ಹೆಸರು ದೋಷಾರೋಪ ಪಟ್ಟಿಯಲ್ಲಿ ಉಲ್ಲೇಖಿಸಲಾಗಿದೆ. ಆದರೆ ಈ 6 ಮಂದಿ ತನಿಖಾಧಿಕಾರಿಗಳ ಮುಂದೆ ನೀಡಿರುವ ಹೇಳಿಕೆಗೂ ಹಾಗೂ ನ್ಯಾಯಾಲಯದ ಮುಂದೆ ಹೇಳಿರುವ ಮಾತಿಗೂ ಸಾಕಷ್ಟು ವ್ಯತ್ಯಾಸವನ್ನು ಗಮನಿಸಬಹುದು.

ಒಂದರಲ್ಲಿ ಮರ್ಮಾಂಗಕ್ಕೆ ಹೊಡೆದಿರುವುದಾಗಿ ಹೇಳಿದ್ದಾರೆ. ಆದರೆ ಮತ್ತೂಂದರಲ್ಲಿ ಆ ಬಗ್ಗೆ ಯಾವುದೇ ಮಾಹಿತಿ ದಾಖಲಿಸಲಿಲ್ಲ. ಒಟ್ಟಾರೆಯಾಗಿ ಈ ಎಲ್ಲ ಪ್ರತ್ಯಕ್ಷದರ್ಶಿಗಳ ಹೇಳಿಕೆಗಳಲ್ಲಿ ವೈರುಧ್ಯಗಳಿವೆ ಎಂಬುವುದನ್ನು ಸ್ಪಷ್ಟವಾಗಿ ಗಮನಿಸಬಹುದು. ಮಾತ್ರವಲ್ಲದೆ ಘಟನೆ ಸಂಭವಿಸಿ ಹಲವು ದಿನಗಳ ನಂತರ ಪೊಲೀಸರು ಸಾಕ್ಷಿಗಳಿಂದ ಹೇಳಿಕೆ ಪಡೆದಿದ್ದಾರೆ.

 ಸಾಕ್ಷಿಗಳಿಂದ ಸ್ವ ಇಚ್ಛಾ ಹೇಳಿಕೆ ಪಡೆದಾಗ ತನಿಖಾಧಿಕಾರಿ ಅದನ್ನು ನಿತ್ಯ ಕೇಸ್‌ ಡೈರಿಯಲ್ಲಿ ದಾಖಲಿ ಸಬೇಕು. ಇದನ್ನು ಪಾಲಿಸಿಲ್ಲ