Punjalkatte: ಮಳೆಗೆ ಮನೆಯ ಗೋಡೆ ಕುಸಿತ

Team Udayavani, Dec 3, 2024, 10:21 PM IST

ಪುಂಜಾಲಕಟ್ಟೆ: ಸೋಮವಾರ ಸುರಿದ ಮಳೆಗೆ ಬಂಟ್ವಾಳ ತಾಲೂಕಿನ ಅರಳ ಗ್ರಾಮದ ಕಂಡದಬೆಟ್ಟು ಎಂಬಲ್ಲಿ ರಾಧಾ ಎಂಬವರ ಮನೆಯ ಗೋಡೆ ಜರಿದು ಬಿದ್ದು, ಮನೆ ಭಾಗಶಃ ಹಾನಿಯುಂಟಾದ ಘಟನೆ ಡಿ.2ರಂದು ಸಂಭವಿಸಿದೆ.

ರಾಧಾ ಅವರ ಮನೆಯನ್ನು ಕೆಂಪು ಕಲ್ಲಿನ ಜತೆ ಕಚ್ಛಾ ಮಣ್ಣಿನಿಂದ ಕಟ್ಟಿದ್ದು, ಛಾವಣಿಗೆ ಮರದ ಸಲಾಖೆಯಿಂದ ಹಂಚು ಹಾಸಲಾಗಿದೆ. ಮಳೆಯಿಂದಾಗಿ ಶಿಥಿಲಗೊಂಡಿದ್ದ ಸಲಾಖೆ ಮುರಿದು ಹಂಚಿನ ನಛಾವಣಿ ಸಹಿತ ಕಲ್ಲಿನ ಇಟ್ಟಿಗೆಯ ಗೋಡೆ ಕುಸಿದು ಬಿದ್ದಿದೆ. ಮನೆಯ ಛಾವಣಿಯ ಹಂಚುಗಳು ಬಿದ್ದು ತುಂಡಾಗಿದೆ. ಮನೆಯಲ್ಲಿ ರಾಧಾ ಅವರ ಪುತ್ರ ಮತ್ತು ಸೊಸೆಯವರಿದ್ದು, ಯಾರಿಗೂ ಅಪಾಯವಾಗಿಲ್ಲ. ತೀರಾ ಬಡಕುಟುಂಬದ ರಾಧಾ ಅವರು ವೃದ್ಧೆಯಾಗಿದ್ದು, ಪುತ್ರ ಕೂಲಿ ಕಾರ್ಮಿಕರಾಗಿದ್ದಾರೆ.