Oxford University Press: ಆಕ್ಸ್‌ಫ‌ರ್ಡ್‌ನ 2024ರ ವರ್ಷದ ಪದ “ಬ್ರೈನ್‌ ರಾಟ್‌”

Team Udayavani, Dec 4, 2024, 7:25 AM IST

ಹೊಸದಿಲ್ಲಿ: ಕೆಲಸಗಳ ಮಧ್ಯೆ ಪದೇ ಪದೇ ಮೊಬೈಲ್‌ ನೋಡುವುದು, 1 ಬೈಟ್‌ನಷ್ಟಿದ್ದರೂ ವೀಡಿಯೋಗಳನ್ನು ಸ್ಕಿಪ್‌ ಮಾಡುತ್ತಾ ಗಂಟೆಗಟ್ಟಲೆ ಕಳೆಯು ವುದನ್ನು “ಬ್ರೈನ್‌ ರಾಟ್‌’ ಎಂಬ ಪದ ದಿಂದ ಗುರುತಿಸಲಾಗುತ್ತಿದೆ. ಈ ಪದ ಇದೀಗ ಆಕ್ಸ್‌ಫ‌ರ್ಡ್‌ನ ವರ್ಷದ ಪದ ಎನಿಸಿಕೊಂಡಿದೆ. ಈ ವರ್ಷ ಈ ಪದದ ಬಳಕೆ ಶೇ.230ರಷ್ಟು ಹೆಚ್ಚಳವಾಗಿದೆ ಎಂದು ಆಕ್ಸ್‌ಫ‌ರ್ಡ್‌ ಸಂಸ್ಥೆ ಹೇಳಿದೆ.

ಆಕ್ಸ್‌ಫ‌ರ್ಡ್‌ ವಿವಿ ಪ್ರಸ್‌ನ ಪ್ರಕಾರ, ಈ ಪದ ಮನುಷ್ಯನ ಮಾನಸಿಕ ಮತ್ತು ಬೌದ್ಧಿಕ ಸ್ಥಿಮಿತತೆ ಹಾಳಾಗುತ್ತಿರುವುದನ್ನು ಇದು ಸೂಚಿಸುತ್ತದೆ. ಅಲ್ಲದೆ ಹೆಚ್ಚಿನ ಪ್ರಮಾಣದಲ್ಲಿ ಆನ್‌ಲೈನ್‌ನಲ್ಲಿ ಹೆಚ್ಚು ಕಾಲ ಕಳೆಯುವ ಮೂಲಕ ಸಾಮಾನ್ಯ ಜೀವನದಿಂದ ವಿಮುಖವಾಗುವುದನ್ನು ಸೂಚಿಸುತ್ತದೆ.

ಬಳಕೆ ಶೇ.230ರಷ್ಟು ಹೆಚ್ಚಳ:
ಈ ನುಡಿ ಗಟ್ಟಿನ ಬಳಕೆ ಹೆಚ್ಚಾಗುವಲ್ಲಿ ಸಾಮಾ ಜಿಕ ಜಾಲತಾಣಗಳ ಕೊಡುಗೆಯೂ ಸಹ ದೊಡ್ಡದಿದೆ. “ರಾಟಿಂಗ್‌ ಬ್ರೈನ್‌’ ಹೆಸರಲ್ಲಿ ಈ ವರ್ಷ ಅತಿಹೆಚ್ಚು ಮೀಮ್‌ಗಳು ಹರಿದಾಡಿವೆ. ಹೊಸ ತಲೆಮಾರಿನ ವಿದ್ಯಾರ್ಥಿಗಳು ಸಹ ಈ ಬಗ್ಗೆ ಹಾಸ್ಯ ಮಾಡುತ್ತಾ, ಆನ್ಲ„ನ್‌ನಲ್ಲೇ ಕಾಲ ಕಳೆಯತ್ತಿದ್ದಾರೆ. ಇದನ್ನು ತಡೆಗಟ್ಟಲು ಪರಿಣಾಮಕಾರಿ ಕ್ರಮ ಕೈಗೊಳ್ಳಬೇಕು ಎಂದು ಆಕ್ಸ್‌ಫ‌ರ್ಡ್‌ ಹೇಳಿದೆ.