Declaration Of Martial Law: ದಕ್ಷಿಣ ಕೊರಿಯಾದಲ್ಲಿ ತುರ್ತು ಪರಿಸ್ಥಿತಿ ಘೋಷಣೆ

Team Udayavani, Dec 4, 2024, 6:45 AM IST

ಹೊಸದಿಲ್ಲಿ: ದಕ್ಷಿಣ ಕೊರಿಯಾದ ಅಧ್ಯಕ್ಷ ಯೂನ್‌ ಸುಕ್‌ ಯಿಯೋಲ್‌ ಮಂಗಳ­ವಾರ ತುರ್ತು ಮಿಲಿಟರಿ ಕಾನೂನು ಘೋಷಿಸಿದ್ದಾರೆ. ವಿಪಕ್ಷಗಳು ನೆರೆಯ ಉತ್ತರ ಕೊರಿಯಾ ಮೇಲೆ ಸಹಾನು­ಭೂತಿ ಹೊಂದಿರುವುದಲ್ಲದೇ ದೇಶದ ಸಾಂವಿಧಾನಿಕ ಕ್ರಮಗಳನ್ನು ಹಾಗೂ ಆಡಳಿತವನ್ನು ದುರ್ಬಲಗೊಳಿಸುತ್ತಿವೆ ಎಂದು  ಆರೋಪಿಸಿದ್ದಾರೆ.

ಉತ್ತರ ಕೊರಿಯಾದ ಕಮ್ಯುನಿಸ್ಟ್‌ ಶಕ್ತಿಗಳ ಬೆದರಿಕೆಗಳಿಂದ ಉದಾರವಾದಿ ದಕ್ಷಿಣ ಕೊರಿಯಾ ರಕ್ಷಿಸಲು ಹಾಗೂ ದೇಶ ವಿರೋಧಿ ಚಟುವಟಿಕೆ ಗಳನ್ನು ಮಟ್ಟಹಾಕಲು ದೇಶದಲ್ಲಿ ತುರ್ತು ಮಿಲಿಟರಿ ಕಾನೂನು ಘೋಷಣೆ ಮಾಡ­ಲಾಗುತ್ತಿದೆ. ಈ ಕಾನೂನಿನ ಮೂಲಕ ಮಕ್ತ ಹಾಗೂ ಪ್ರಜಾಪ್ರಭುತ್ವದ ದೇಶ­ವನ್ನು ಮರು ನಿರ್ಮಾಣ ಮಾಡಲಾಗು­ವುದು ಎಂದು ಮಂಗಳವಾರ ರಾತ್ರಿ ಮಾಧ್ಯಮಗಳೆದುರು ಅಧ್ಯಕ್ಷ ಸುಕ್‌ ಯಿಯೋಲ್‌ ಹೇಳಿದ್ದಾರೆ.

ದಕ್ಷಿಣ ಕೊರಿಯಾದಲ್ಲಿ ರಾಜಕಾರಣ ದಲ್ಲಿ ಪ್ರಕ್ಷುಬ್ದತೆ ಉಲ್ಬಣಗೊಂಡಿರು ವುದರ ಸೂಚನೆಯಾಗಿದೆ. ಮುಂದಿನ ಬಜೆಟ್‌ ವಿಚಾರವಾಗಿ ಯಿಯೋಲ್‌ ನೇತೃತ್ವದ ಪೀಪಲ್‌ ಪವರ್‌ ಪಾರ್ಟಿ ಹಾಗೂ ವಿಪಕ್ಷದ ನಡುವೆ ತೀವ್ರ ವಿವಾದ ಸೃಷ್ಟಿಯಾಗಿತ್ತು. ಈ ವಿವಾದದ ಬೆನ್ನಲ್ಲೇ ಈ ಘೋಷಣೆ ಮಹತ್ವ ಪಡೆದಿದೆ.