Siddaramaiah; ನಾನೀಗ ರಾಜಕೀಯದ ಕೊನೆಗಾಲದಲ್ಲಿ: ಅಭಿಮಾನಿಗೆ ಹೇಳಿದ ಮಾತು ಚರ್ಚೆಗೆ ಕಾರಣ

Team Udayavani, Dec 8, 2024, 6:55 AM IST

ಚಾಮರಾಜನಗರ/ಕೊಳ್ಳೇಗಾಲ: ‘ನಾನೀಗ ರಾಜಕೀಯದ ಕೊನೆಗಾಲದಲ್ಲಿದ್ದೇನೆ’ ಎಂದು ಸಿಎಂ ಸಿದ್ದರಾಮಯ್ಯ ಹೇಳಿ ಅಚ್ಚರಿ ಮೂಡಿಸಿ ದ್ದಾರೆ. ಇದು ರಾಜಕೀಯ ವಲಯದಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ.

ಹನೂರು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಸತ್ತೇಗಾಲದಲ್ಲಿ ನಡೆದ ಸಮಾರಂಭದಲ್ಲಿ ಶನಿವಾರ ಅವರು ಮಾತನಾಡುತ್ತಿರುವಾಗ ನಡುವೆ, “ನೀವು ಮೂರನೇ ಬಾರಿ ಮುಖ್ಯಮಂತ್ರಿಯಾಗುತ್ತೀರಿ’ ಎಂದು ಅಭಿಮಾನಿಯೊಬ್ಬರು ಕೂಗಿದರು. ಆಗ ಸಿದ್ದರಾಮಯ್ಯ, “ನಾನೀಗ ರಾಜ ಕೀಯದ ಕೊನೆಗಾಲದಲ್ಲಿದ್ದೇನೆ’ ಎಂದು ಹೇಳುವ ಮೂಲಕ ಅಚ್ಚರಿ ಮೂಡಿಸಿದರು.

ಆರ್ಥಿಕ ಶಕ್ತಿ ತುಂಬುವ ಗ್ಯಾರಂಟಿ
ಗೃಹಲಕ್ಷ್ಮಿ ಯೋಜನೆಯಿಂದ 1.22 ಕೋಟಿ ಕುಟುಂಬದ ಮಹಿಳೆಯರಿಗೆ ತಿಂಗಳಿಗೆ 2 ಸಾವಿರ ರೂ.ಗಳನ್ನು ಕೊಡಲಾಗುತ್ತಿದೆ. ಅಕ್ಕಿಗೆ ಬದಲಾಗಿ ಪ್ರತೀ ವ್ಯಕ್ತಿಗೆ 34 ರೂ.ಗಳಂತೆ 170 ರೂ.ಗಳನ್ನು ನೀಡಲಾಗುತ್ತಿದೆ. 1.62 ಕೋಟಿ ಜನರಿಗೆ 200 ಯೂನಿಟ್‌ ವರೆಗೆ ಉಚಿತ ವಿದ್ಯುತ್‌ ನೀಡ ಲಾಗುತ್ತಿದೆೆ ಎಂದರು.

ಸಿಎಂ ಸ್ಥಾನ ಗಟ್ಟಿಯಾಯಿತು
ಚಾಮರಾಜನಗರಕ್ಕೆ ಭೇಟಿ ನೀಡಿದ ಸಿಎಂಗಳು ಅಧಿಕಾರ ಕಳೆದು ಕೊಳ್ಳುತ್ತಾರೆ ಎಂಬ ಕಳಂಕವನ್ನು ಹೊರಿಸಲಾಗಿದೆ. ನಾನು ಇಲ್ಲಿಗೆ ಬಂದ ಬಳಿಕ ಎರಡು ಬಾರಿ ಸಿಎಂ ಆದೆ. ಅನಂತರ 20 ಬಾರಿಯಾದರೂ ಆಗಮಿಸಿದ್ದೇನೆ. ಮುಖ್ಯಮಂತ್ರಿ ಸ್ಥಾನ ಹೋಗುವ ಬದಲು ಇನ್ನೂ ಗಟ್ಟಿಯಾಯಿತು ಎಂದರು.