Nation’s interests ರಕ್ಷಿಸಲು ಮಿಲಿಟರಿಯಲ್ಲದೆ ತಜ್ಞ ನಾಗರಿಕ ಸೇನೆ ಅಗತ್ಯ:ಸುಪ್ರೀಂ ಜಡ್ಜ್

Team Udayavani, Dec 8, 2024, 4:39 PM IST

ಹೊಸದಿಲ್ಲಿ: ‘ದೇಶದ ಹಿತಾಸಕ್ತಿಗಳನ್ನು ರಕ್ಷಿಸಲು ಮಿಲಿಟರಿಯಷ್ಟೇ ಸಾಲದು, ತಜ್ಞರ ನಾಗರಿಕ ಸೈನ್ಯ ಕೂಡ ಅಗತ್ಯವಿದೆ’ ಎಂದು ಸುಪ್ರಿಂಕೋರ್ಟ್  ನ್ಯಾಯಮೂರ್ತಿ ಸೂರ್ಯ ಕಾಂತ್ ರವಿವಾರ(ಡಿ8) ಹೇಳಿದ್ದಾರೆ.

ರಾಷ್ಟ್ರೀಯ ರಕ್ಷಾ ವಿಶ್ವವಿದ್ಯಾನಿಲಯದಲ್ಲಿ ಅಂತಾರಾಷ್ಟ್ರೀಯ ಮೂಟ್ ಕೋರ್ಟ್ ಸ್ಪರ್ಧೆಯ ಸಮಾರೋಪ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದ ನ್ಯಾಯಮೂರ್ತಿ ಸೂರ್ಯ ಕಾಂತ್ “ಆರ್ಥಿಕವಾಗಿ, ರಾಜಕೀಯವಾಗಿ, ಕಾನೂನಿನ ಆಳ್ವಿಕೆಯಲ್ಲಿ ಮತ್ತು ಉತ್ತಮ ಆಡಳಿತದಲ್ಲಿ ಬೆಳೆಯುತ್ತಿರುವ ರಾಷ್ಟ್ರಕ್ಕೆ ಸಮವಸ್ತ್ರದಲ್ಲಿರುವ ಮಿಲಿಟರಿ ಮಾತ್ರವಲ್ಲದೆ, ಒಳಗೆ ಮತ್ತು ಹೊರಗೆ ತನ್ನ ಹಿತಾಸಕ್ತಿಗಳನ್ನು ಶ್ರದ್ಧೆಯಿಂದ ಮತ್ತು ಬುದ್ಧಿವಂತಿಕೆಯಿಂದ ನೋಡಿಕೊಳ್ಳಲು ತಜ್ಞರ ನಾಗರಿಕ ಸೈನ್ಯದ ಅಗತ್ಯವಿದೆ ಎಂದರು.

“ನೀವು ಕಾನೂನು ಪದವೀಧರರಾಗಿರಿ, ಕ್ರಿಮಿನಲ್ ಕಾನೂನು/ ಅಂತಾರರಾಷ್ಟ್ರೀಯ ಕಾನೂನಿನಲ್ಲಿ ಪರಿಣಿತರಾಗಿರಿ, ಪ್ರಾಧ್ಯಾಪಕರಾಗಿರಿ, ವಿಜ್ಞಾನಿಯಾಗಿರಿ, ಎಂಜಿನಿಯರ್ ಆಗಿರಿ ಅಥವಾ ಯಾವುದೇ ಜವಾಬ್ದಾರಿಯುತ ಸ್ಥಾನವನ್ನು ಹೊಂದಿರಿ, ನೀವು ಆ ನಾಗರಿಕ ಸೈನ್ಯದ ಭಾಗವಾಗುತ್ತೀರಿ, ಅದು ಬಹಳ ಎಚ್ಚರಿಕೆಯಿಂದ, ಬುದ್ಧಿವಂತಿಕೆಯಿಂದ, ಬಹಳ ಶ್ರದ್ಧೆಯಿಂದ ಒಳಗೆ ಮತ್ತು ಹೊರಗೆ ರಾಷ್ಟ್ರದ ಹಿತಾಸಕ್ತಿಗಳನ್ನು ನೋಡಿಕೊಳ್ಳುತ್ತದೆ, ” ಎಂದು ಹೇಳಿದರು.