Accusation: ಸೊರೊಸ್‌ ನೆರವು ನೀಡುವ ಸಂಘಟನೆಗೆ ಸೋನಿಯಾ ಉಪಾಧ್ಯಕ್ಷೆ: ಬಿಜೆಪಿ

Team Udayavani, Dec 9, 2024, 7:10 AM IST

ಹೊಸದಿಲ್ಲಿ: ಕಾಶ್ಮೀರ ಪ್ರತ್ಯೇಕ ರಾಷ್ಟ್ರವಾಗಬೇಕು ಎಂದು ಪ್ರತಿಪಾದಿಸುತ್ತಿದ್ದ ಫೋರಂ ಆಫ್ ದ ಡೆಮಾಕ್ರಾಟಿಕ್‌ ಡೆಮಾಕ್ರಾಟಿಕ್‌ ಲೀಡರ್ಸ್‌ ಇನ್‌ ಏಷ್ಯಾ ಪೆಸಿಫಿಕ್‌ (ಎಫ್‌ಡಿಎಲ್‌-ಎಪಿ) ಎಂಬ ಸಂಘಟನೆ ಜತೆಗೆ ಕಾಂಗ್ರೆಸ್‌ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿಗೆ ಲಿಂಕ್‌ ಇದೆ ಎಂದು ಬಿಜೆಪಿ ಟ್ವೀಟ್‌ ಮೂಲಕ ಆರೋಪಿಸಿದೆ.

ಆ ಸಂಘಟನೆಗೆ ಸೋನಿಯಾ ಗಾಂಧಿಯವರು ಸಹ ಅಧ್ಯಕ್ಷೆಯಾಗಿದ್ದಾರೆ. ರಾಜೀವ್‌ ಗಾಂಧಿ ಪ್ರತಿಷ್ಠಾನಕ್ಕೂ ಅವರೇ ಮುಖ್ಯಸ್ಥರಾಗಿರುವುದರಿಂದ ಎಫ್ಡಿಎಲ್‌-ಎಪಿ ಜತೆಗೆ ಸಂಪರ್ಕ ಉಂಟಾಗಲು ಸಾಧ್ಯವಾಯಿತು ಎಂದು ಆರೋಪಿಸಿದೆ. ಅದಕ್ಕೆ ಉದ್ಯಮಿ ಜಾರ್ಜ್‌ ಸೊರೊಸ್‌ ಧನಸಹಾಯ ಮಾಡುತ್ತಿದ್ದಾರೆ ಎಂದು ಅದು ಆರೋಪಿಸಿದೆ.

ಇದೇ ವೇಳೆ, ದೇಶವನ್ನು ಅಸ್ಥಿರಗೊಳಿಸುವ ಶಕ್ತಿಗಳ ಜತೆಗೆ ರಾಹುಲ್‌ ಗಾಂಧಿ ಕೈಜೋಡಿಸುತ್ತಿರುವುದೇಕೆ ಎಂದು ಲೋಕಸಭೆಯಲ್ಲಿ ಅವರಿಗೆ 10 ಪ್ರಶ್ನೆಗಳನ್ನು ಕೇಳಲು ಮುಂದಾಗಿರುವುದಾಗಿ ಬಿಜೆಪಿ ಸಂಸದ ನಿಶಿಕಾಂತ್‌ ದುಬೆ ಭಾನುವಾರ ತಿಳಿಸಿದ್ದಾರೆ.