Shivanna; ಡಿ.24ರಂದು ಅಮೆರಿಕಾದಲ್ಲಿ ಶಿವರಾಜಕುಮಾರ್‌ಗೆ ಸರ್ಜರಿ

Team Udayavani, Dec 12, 2024, 11:05 AM IST

ನಟ ಶಿವರಾಜ್‌ಕುಮಾರ್‌ ಅವರು ಅನಾರೋಗ್ಯಕ್ಕೆ ತುತ್ತಾಗಿದ್ದು, ಅದರ ಚಿಕಿತ್ಸೆಗಾಗಿ ಅಮೆರಿಕಾಕ್ಕೆ ತೆರಳಲಿರುವ ವಿಚಾರ ನಿಮಗೆ ಗೊತ್ತೇ ಇದೆ. ಈಗ ಅವರು ಅಮೆರಿಕಾಕ್ಕೆ ತೆರಳುವ ಹಾಗೂ ಸರ್ಜರಿ ನಡೆಯುವ ದಿನಾಂಕ ಅಂತಿಮವಾಗಿದೆ.

ಶಿವಣ್ಣ ಡಿಸೆಂಬರ್‌ 18ರಂದು ಅಮೆರಿಕಾಕ್ಕೆ ತೆರಳಲಿದ್ದು, ಡಿ. 24ರಂದು ಅಲ್ಲಿ ಸರ್ಜರಿ ನಡೆಯಲಿದೆ. ಆ ಬಳಿಕ ಕೆಲವು ತಿಂಗಳುಗಳ ಕಾಲ ಅವರು ವಿಶ್ರಾಂತಿ ಪಡೆಯಲಿದ್ದಾರೆ. ಶಿವಣ್ಣ ಸಿನಿಮಾ ವಿಚಾರಕ್ಕೆ ಬರುವುದಾದರೆ ಸದ್ಯ “45′ ಚಿತ್ರದ ಚಿತ್ರೀಕರಣ ಪೂರ್ಣಗೊಳಿಸಿದ್ದಾರೆ. ಅನೌನ್ಸ್‌ ಆಗಿರುವ ಸಿನಿಮಾಗಳು ಸ್ವಲ್ಪ ದಿನಗಳ ಕಾಲ ಮುಂದೆ ಹೋಗಲಿವೆ. ಶಿವಣ್ಣ ಟ್ರೀಟ್‌ಮೆಂಟ್‌ ಮುಗಿಸಿಕೊಂಡು ಬಂದ ಬಳಿಕ ಈ ಎಲ್ಲಾ ಸಿನಿಮಾಗಳು ಆರಂಭವಾಗಲಿವೆ.

ಸದ್ಯ ಶಿವಣ್ಣ ಐದಾರು ಸಿನಿಮಾಗಳಿವೆ ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ಶಿವಣ್ಣ ದಂಪತಿ ತಿರುಪತಿಗೆ ತೆರಳಿ ಮುಡಿ ನೀಡಿದ್ದಾರೆ.