Israeli attack; ಸಿರಿಯಾದ ಶೇ.80ರಷ್ಟು ಸೇನಾ ಸ್ವತ್ತು ನಾಶ

Team Udayavani, Dec 13, 2024, 6:43 AM IST

ಜೆರುಸಲೇಮ್‌: ಸಿರಿಯಾದಲ್ಲಿ ಅಧ್ಯಕ್ಷ ಬಶರ್‌ ಅಸಾದ್‌ ಪದಚ್ಯುತಿ ಬಳಿಕ, ಕೇವಲ 48 ಗಂಟೆಗಳಲ್ಲಿ ಸಿರಿಯಾದಲ್ಲಿ ಸೇನಾನೆಲೆಗಳನ್ನು ಗುರಿಯಾಗಿಸಿ 400ಕ್ಕೂ ಹೆಚ್ಚು ದಾಳಿಗಳನ್ನು ನಡೆಸಿದ್ದೇವೆ ಎಂದು ಇಸ್ರೇಲ್‌ ಬುಧವಾರ ತಿಳಿಸಿದೆ.

ಭಾನುವಾರ ಅಸಾದ್‌ ಪದಚ್ಯುತಿಬಳಿಕ ಸಿರಿಯಾ ಸೇನೆಯ ಶೇ.70 ರಿಂದ ಶೇ.80ರಷ್ಟು ಸ್ವತ್ತುಗಳನ್ನು ಇಸ್ರೇಲ್‌ ನಾಶ ಮಾಡಿದೆ. ಬಹುತೇಕ ಸೇನಾನೆಲೆ ಗಳನ್ನು ವಶಕ್ಕೆ ಪಡೆದಿದೆ. ಈ ಬಗ್ಗೆ ಇಸ್ರೇಲ್‌ ಸೇನೆ ಮಾಹಿತಿ ನೀಡಿ, “ಭಯೋತ್ಪಾದಕ ಶಕ್ತಿಗಳ ಕೈಗೆ ಶಸ್ತ್ರಾಸ್ತ್ರ ಗಳು ಸಿಗುವುದನ್ನು ತಡೆಯಲು ಸಿರಿಯಾದಲ್ಲಿ ಈ ದಾಳಿಗಳನ್ನು ನಡೆಸಲಾಗಿದೆ’ ಎಂದಿದೆ.

ಈ ದಾಳಿಗಳಿಂದ 2 ನೌಕಾನೆಲೆಗಳಲ್ಲಿರುವ 15 ನೌಕಾ ಹಡಗುಗಳು, ರಾಜಧಾನಿ ಡಮಾಸ್ಕಸ್‌ನಲ್ಲಿನ ಪ್ರಮುಖ ಶಸ್ತ್ರಾಸ್ತ್ರ ಉಗ್ರಾಣಗಳು, 80-190 ಕಿ.ಮೀ ಸಾಮರ್ಥ್ಯವುಳ್ಳ ಹಲವಾರು ಕ್ಷಿಪಣಿಗಳು, ಯುದ್ಧವಿಮಾನಗಳು, ಹೆಲಿಕಾಪ್ಟರ್‌ಗಳು, ರಾಡಾರ್‌ಗಳು, ಟ್ಯಾಂಕ್‌ ಸೇರಿ ಬಹುತೇಕ ಸೇನಾ ಸ್ವತ್ತು ನಾಶಗೊಂಡಿದೆ ಎಂದು ಇಸ್ರೇಲ್‌ ರಕ್ಷಣ ಪಡೆ ಮಾಹಿತಿ ನೀಡಿದೆ. 2011ರ ಬಳಿಕ ನಾಗರಿಕ ಯುದ್ದ ಆರಂಭವಾದಾಗಿನಿಂದಲೂ ಇಸ್ರೇಲ್‌ ಸಿರಿಯಾದಲ್ಲಿ ದಾಳಿ ನಡೆಸುತ್ತಿದೆ.