Bangaluru ಟೆಕ್ಕಿ ಮಾದರಿ ಕೇಸ್‌: ಪತ್ನಿ ಹೆಸರು ಬರೆದು ರಾಜಸ್ಥಾನ ವೈದ್ಯ ಆತ್ಮಹ*ತ್ಯೆ

Team Udayavani, Dec 14, 2024, 6:50 AM IST

ಜೈಪುರ: ರಾಜಸ್ಥಾನದ ಜೋಧ್‌ಪುರದಲ್ಲಿ ಹೋಮಿಯೋಪತಿ ವೈದ್ಯ ಅಜಯ್‌ ಕುಮಾರ್‌ ಜತೋಲಿಯಾ ನೇಣು ಬಿಗಿದು ಆತ್ಮಹ*ತ್ಯೆ ಮಾಡಿಕೊಂಡಿದ್ದಾರೆ. ತನ್ನ ಸಾವಿಗೆ ಪತ್ನಿಯೇ ಕಾರಣ ಎಂದು ವೈದ್ಯ ಬರೆದಿಟ್ಟಿದ್ದ ಆತ್ಮಹ*ತ್ಯಾ ಪತ್ರವೂ ಲಭಿಸಿದೆ. ಪತ್ನಿಯ ಕಿರುಕುಳ ತಾಳಲಾರದೆ, ಬೆಂಗಳೂರಿನಲ್ಲಿ ಅತುಲ್‌ ಸುಭಾಷ್‌ ಎಂಬ ಟೆಕ್ಕಿ ಆತ್ಮಹ*ತ್ಯೆ ಮಾಡಿಕೊಡ ಪ್ರಕರಣ ಸುದ್ದಿಯಾಗಿ­ರುವಾಗಲೇ ಈ ಪ್ರಕರಣ ಬೆಳಕಿಗೆ ಬಂದಿದೆ. ಪ್ರಾಧ್ಯಾ­ಪಕರಾಗಿ ಕೆಲಸ ಮಾಡುತ್ತಿದ್ದ ಅಜಯ್‌ ಕುಮಾರ್‌ ಕ್ಲಿನಿಕ್‌ ನಡೆಸುತ್ತಿದ್ದರು. ಜತೋಲಿಯಾರನ್ನು ಭೇಟಿ­ಯಾ­­ಗಲು ಸಹೋದ್ಯೋಗಿ ಕ್ಲಿನಿಕ್‌ಗೆ ಆಗಮಿಸಿದ್ದರು. ಹಲವು ಬಾರಿ ಅವರನ್ನು ಕೂಗಿ ಕರೆದರೂ ಪ್ರತಿಕ್ರಿಯೆ ಬಂದಿರಲಿಲ್ಲ. ಕಿಟಕಿ ಮೂಲಕ ಅವರು ನೋಡಿದಾಗ ವಿಚಾರ ಬೆಳಕಿಗೆ ಬಂತು. ಬಾಗಿಲು ಮುರಿದು ಒಳ ಪ್ರವೇಶಿಸಿದಾಗ ಅವರು ಮೃತರಾದದ್ದು ದೃಢಪಟ್ಟಿತ್ತು.