‘DigiLocker’; ಕ್ಲೇಮ್‌ ಮಾಡದ ಹೂಡಿಕೆಗೆ ಪರಿಹಾರ?

Team Udayavani, Dec 15, 2024, 12:08 PM IST

ಮುಂಬಯಿ: ಕ್ಲೇಮ್‌ ಆಗದೇ ಉಳಿಯುವ ಹೂಡಿಕೆಗಳಿಗೆ ಪರಿಹಾರ ಒದಗಿಸಲು ಸೆಬಿ, “ಡಿಜಿಲಾಕರ್‌’ನ ಮೊರೆ ಹೋಗಿದೆ. ಹೂಡಿಕೆದಾರರ ಮರಣಾನಂತರ ಡಿಜಿ­ಲಾ­ಕರ್‌ ಮೂಲಕ ನಾಮಿನಿಗೆ ಹೂಡಿಕೆ­ದಾರರ ಅಕೌಂಟ್‌ ಬಳಕೆ ಮಾಡಿಕೊ­ಳ್ಳಲು ಅವಕಾಶ ಒದಗಿಸುವ ಬಗ್ಗೆ ಸೆಬಿ ಚಿಂತನೆ ನಡೆಸಿದೆ.

ಡಿಜಿಲಾಕರ್‌ ಸರಕಾರದ ಒಡೆತನದಲ್ಲಿರುವುದರಿಂದ ಇಲ್ಲಿ ಮಾಹಿತಿಗೆ ಹೆಚ್ಚಿನ ಭದ್ರತೆ ಇರುತ್ತದೆ. ಹೀಗಾಗಿ ಡಿಜಿ ಲಾಕರನ್ನು ಬಳಕೆ ಮಾಡಿಕೊಳ್ಳಲು ನಿರ್ಧರಿಸಿರುವುದಾಗಿ ಸೆಬಿ ಹೇಳಿದೆ.

ಹೇಗೆ ಕಾರ್ಯನಿರ್ವಹಿಸಲಿದೆ?: ಹೂಡಿಕೆ ದಾರರು ತಮ್ಮ ಡಿ ಮ್ಯಾಟ್‌ ಮತ್ತು ಮ್ಯೂಚುವಲ್‌ ಫ‌ಂಡ್‌ ಮಾಹಿತಿಯನ್ನು ಡಿಜಿ ಲಾಕರ್‌ನಲ್ಲಿ ಅಪ್‌ಲೋಡ್‌ ಮಾಡಬೇಕು. ಇದರೊಂದಿಗೆ ನಾಮಿನಿ ಮಾಹಿತಿಯನ್ನೂ ನೀಡಬೇಕು. ಹೂಡಿಕೆ ದಾರರ ಮರಣದ ಅನಂತರ ಅದನ್ನು ಖಚಿತ ಪಡಿಸಿಕೊಂಡು ಕೆಆರ್‌ಎ(ಕೆವೈಸಿ ನೋಂದಣಿ ಸಂಸ್ಥೆ) ಡಿಜಿಲಾಕರ್‌ಗೆ ಮಾಹಿತಿ ನೀಡುತ್ತದೆ. ಡಿಜಿಲಾಕರ್‌ ನಾಮಿ­­­­­ನಿಗೆ ಮಾಹಿತಿ ನೀಡುತ್ತದೆ. ಈ ಮೂಲಕ ನಾಮಿನಿಗೆ ಎಲ್ಲ ಮಾಹಿತಿ ಲಭ್ಯವಾಗಲಿದೆ. ಎಲ್ಲ ಕೆಲಸಗಳು ಆನ್‌ಲೈನ್‌ನಲ್ಲಿ ನಡೆಯುವುದರಿಂದ ಅತ್ಯಂತ ವೇಗವಾಗಿ ಕೆಲಸವಾಗುತ್ತದೆ ಎಂದು ಸೆಬಿ ಹೇಳಿದೆ.