Udupi: ಸ್ಕೂಟರ್‌ ಢಿಕ್ಕಿ; ಪಾದಚಾರಿಗೆ ಗಾಯ

Team Udayavani, Dec 18, 2024, 10:00 PM IST

ಉಡುಪಿ: ಸ್ಕೂಟರ್‌ ಢಿಕ್ಕಿ ಹೊಡೆದು ಪಾದಚಾರಿ ಶ್ರೀಧರ ಗಾಯಗೊಂಡಿದ್ದಾರೆ.

ಅವರು ಪೆರಂಪಳ್ಳಿ ಕಡೆಯಿಂದ ಪುತ್ತೂರು ಕಡೆಗೆ ಕಾಲ್ನಡಿಗೆಯಲ್ಲಿ ತೆರಳುತ್ತಿದ್ದರು. ಪೆರಂಪಳ್ಳಿ ಕ್ರಾಸ್‌ನಿಂದ ಸ್ವಲ್ಪ ಮುಂದೆ ತಲುಪಿದಾಗ ಅಂಬಾಗಿಲು ಕಡೆಯಿಂದ ಉಡುಪಿಯತ್ತ ಫಿಯಾಲ್ಲೋ ಡಿ’ಸೋಜಾ ಎಂಬವರು ಚಲಾಯಿಸಿಕೊಂಡು ಬಂದ ಸ್ಕೂಟರ್‌ ಢಿಕ್ಕಿ ಹೊಡೆಯಿತು. ಅವರು ರಸ್ತೆಗೆ ಎಸೆಯಲ್ಪಟ್ಟು ಗಾಯಗೊಂಡರು. ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಂಚಾರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬೈಕ್‌ ವೀಲಿಂಗ್‌: ಪ್ರಕರಣ ದಾಖಲು
ಉಡುಪಿ: ಅಂಬಲಪಾಡಿಯ ಬ್ರಾಹ್ಮೀ ರಾಯಲ್‌ಎನ್‌ಫೀಲ್ಡ್‌ ಮಳಿಗೆ ಬಳಿ ಸಾರ್ವಜನಿಕ ರಸ್ತೆಯಲ್ಲಿ ಅಪಾಯಕಾರಿ ಸ್ಥಿತಿಯಲ್ಲಿ ಬೈಕ್‌ ವೀಲಿಂಗ್‌ ಮಾಡುತ್ತಿದ್ದ ನಿರೀಕ್ಷಿತ್‌ ಎಂಬಾತನ ವಿರುದ್ಧ ಸಂಚಾರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.