BBK11: ಮತ್ತೆ ಬಿಗ್ ಬಾಸ್ ಮನೆಗೆ ಗೋಲ್ಡ್ ಸುರೇಶ್..? ವಿಡಿಯೋದಲ್ಲಿ ಸುಳಿವು

Team Udayavani, Dec 18, 2024, 9:35 PM IST

ಬೆಂಗಳೂರು: ಇತ್ತೀಚೆಗಷ್ಟೇ ಬಿಗ್ ಬಾಸ್ ಮನೆಯಿಂದ ಗೋಲ್ಡ್ ಸುರೇಶ್ ಆಚೆ ಬಂದಿದ್ದಾರೆ. ಅವರು ಇದ್ದಕ್ಕಿದ್ದಂತೆ ಆಚೆ ಬಂದಿರುವ ಹಿಂದಿನ ಕಾರಣ ಏನು ಎನ್ನುವುದು ಇದುವರೆಗೆ ರಿವೀಲ್ ಆಗಿಲ್ಲ.

ದೊಡ್ಮನೆಯಲ್ಲಿ ಏಳು – ಬೀಳು ಪಯಣ ಕಂಡ ಸುರೇಶ್ ಅವರು ಕ್ಯಾಪ್ಟನ್ ಆದ ವಾರವೇ ಮನೆಯಿಂದ ಆಚೆ ಬಂದಿದ್ದರು. ವೈಯ ಕಾರಣದಿಂದ ಅವರು ಶೋ‌ ಕ್ವಿಟ್ ಮಾಡಿದ್ದಾರೆ ಎನ್ನಲಾಗಿದೆ.

ಅವರನ್ನು ಮನೆಯಿಂದ ಆಚೆ ಕಳುಹಿಸಲಾಗಿದೆ.ಆದರೆ ಅವರು ಆಚೆ ಬಂದಿರುವ ಹಿಂದಿನ ಕಾರಣ ಏನು ಎನ್ನುವುದರ ಬಗ್ಗೆ ವೀಕ್ಷಕರಿಗೆ ಇದುವರೆಗೆ ಸ್ಪಷ್ಟನೆ ಸಿಕ್ಕಿಲ್ಲ.

ಅವರ ತಂದೆ ನಿಧನರಾಗಿದ್ದಾರೆ ಎನ್ನುವ ಮಾತು ಹರಿದಾಡಿದ್ದು, ಅದು ಸುಳ್ಳು ಎನ್ನುವುದು ಈಗಾಗಲೇ ಬಹಿರಂಗವಾಗಿದೆ. ಇನ್ನು ಕೆಲವರು ಬ್ಯುಸಿನೆಸ್ ನಲ್ಲಿ ಏನೋ ತೊಂದರೆ ಆಗಿದೆ ಅದಕ್ಕಾಗಿ ಅವರು ಆಚೆ ಬಂದಿರಬಹುದು ಎನ್ನುವ ಮಾತುಗಳನ್ನು ಆಡುತ್ತಿದ್ದಾರೆ.

ಇದೀಗ ಮನೆಯಿಂದ ಅಚೆ ಬಂದು‌‌ ಮೊದಲ ಬಾರಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ.

“ಕೆಲವರು ನಾನು ಸೋಲನ್ನು ನೆನೆಸಿಕೊಳ್ಳುತ್ತಾರೆ. ಆದರೆ ಅವರಿಗೆ ಗೊತ್ತಾಗಲ್ಲ. ನನ್ನ ಆಟ ಆವಾಗಲೇ ಶುರುವಾಗುವುದು” ಅಂಥ ಎಂದು ವಿಡಿಯೋವೊಂದನ್ನು ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದಾರೆ.

ಸುರೇಶ್ ಅವರು ತಮ್ಮ ಹಳೆಯ ರೀಲ್ಸ್ ವಿಡಿಯೋವನ್ನು ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಮತ್ತೊಮ್ಮೆ ಹಂಚಿಕೊಂಡಿದ್ದಾರೆ.

ಬಿಗ್ ಬಾಸ್ ಮನೆಯಿಂದ ಆಚೆ ಬಂದ ಬಳಿಕ ಅವರು ಈ ವಿಡಿಯೋವನ್ನು ಮತ್ತೆ ಹಂಚಿಕೊಂಡಿರುವುದು ಅವರು ಮತ್ತೆ ಬಿಗ್ ಬಾಸ್ ಮನೆಗೆ ಬರಬಹುದಾ? ಎನ್ನುವ ಪ್ರಶ್ನೆ ಮೂಡುವಂತೆ ಮಾಡಿದೆ.

ಇದರಿಂದ ಅವರು ಮತ್ತೆ ದೊಡ್ಮನೆಯೊಳಗೆ ಬರಬಹುದು ಅದಕ್ಕಾಗಿ ಆ ರೀತಿಯ ವಿಡಿಯೋ ಹಂಚಿಕೊಂಡಿರಬಹುದು ಎನ್ನುವ ಮಾತು ಕೇಳಿ ಬರುತ್ತಿದೆ.