Mangaluru: ಹೊಸ ವರ್ಷ ಪಾರ್ಟಿಗೆ ಡ್ರಗ್ಸ್‌: ಮೂವರ ಬಂಧನ

Team Udayavani, Dec 19, 2024, 4:38 AM IST

ಮಂಗಳೂರು: ಹೊಸ ವರ್ಷದ ಆಚರಣೆಗೆಂದು ತರಲಾಗಿದ್ದ ಡ್ರಗ್ಸ್‌ ಅನ್ನು ಬುಧವಾರ ಕಾವೂರು ಪೊಲೀಸರು ಪತ್ತೆ ಹಚ್ಚಿ ಮೂವರನ್ನು ಬಂಧಿಸಿದ್ದಾರೆ.
ಉಡುಪಿ ಉದ್ಯಾವರ ಸಂಪಿಗೆನಗರದ ದೇವರಾಜ್‌(37), ಕಿನ್ನಿಮೂಲ್ಕಿ ರಾಮಚಂದ್ರ ಲೇನ್‌ನ ಮೊಹಮ್ಮದ್‌ ಫ‌ರ್ವೆಜ್‌ ಉಮರ್‌ (25) ಮತ್ತು ಉಡುಪಿ ಬ್ರಹ್ಮಗಿರಿಯ ಶೇಖ್‌ ತಹೀಂ (20) ಬಂಧಿತರು.

ಆರೋಪಿಗಳು ಕೂಳೂರು ನದಿ ದಂಡೆಯಲ್ಲಿ ಹೊಸ ವರ್ಷಾಚರಣೆ ಹಿನ್ನೆಲೆಯಲ್ಲಿ ಮಾರಾಟಕ್ಕೆಂದು ತಂದಿದ್ದ 5 ಕೆ.ಜಿ ಗಾಂಜಾ, 100 ಗ್ರಾಂ ಎಂಡಿಎಂಎ, 7 ಗ್ರಾಂ ಕೊಕೇನ್‌, 17 ಗ್ರಾಂ ತೂಕದ 35 ಎಂಡಿಎಂಎ ಪಿಲ್ಸ್‌, 100 ಗ್ರಾಂ ಚರಸ್‌, 8 ಗ್ರಾಂ ಹೈಡ್ರೋವಿಡ್‌ ಗಾಂಜಾ, 3 ಎಲ್‌ಎಸ್‌ಡಿ ಸ್ಟ್ರಿಪ್‌ಗ್ಳು ಸಹಿತ ಒಟ್ಟು 9 ಲ. ರೂ. ಮೌಲ್ಯದ ಡ್ರಗ್ಸ್‌ ಹಾಗೂ ಹ್ಯುಂಡೈ ಐ 10 ಕಾರು ಮತ್ತು ಸ್ಕೂಟರ್‌ನ್ನು ಪೊಲೀಸರು ಸ್ವಾಧೀನಪಡಿಸಿಕೊಂಡಿದ್ದಾರೆ.ಆರೋಪಿಗಳ ಪೈಕಿ ಪರ್ವೇಜ್‌ ಉಡುಪಿ ಜಿಲ್ಲೆಯಲ್ಲಿ ಒಟ್ಟು 3 ಗಾಂಜಾ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ.