Kasaragod Crime News: ರಸ್ತೆಯಲ್ಲಿ ಬಿಯರ್‌ ಬಾಟ್ಲಿ ಒಡೆದ ಮೂವರ ಬಂಧನ

Team Udayavani, Dec 19, 2024, 11:00 PM IST

ರಸ್ತೆಯಲ್ಲಿ ಬಿಯರ್‌ ಬಾಟ್ಲಿ ಒಡೆದ ಮೂವರ ಬಂಧನ
ಕಾಸರಗೋಡು: ಚೂರಿಯ ರಸ್ತೆಯಲ್ಲಿ ಬಿಯರ್‌ ಬಾಟ್ಲಿ ಒಡೆದ ಪ್ರಕರಣಕ್ಕೆ ಸಂಬಂಧಿಸಿ ಪಾರೆಕಟ್ಟೆಯ ಅಭಿಲಾಷ್‌, ಕೇಳುಗುಡ್ಡೆಯ ಮನೀಶ್‌ ಕುಮಾರ್‌, ಆರ್‌.ಡಿ.ನಗರದ ಅವಿನಾಶ್‌ನನ್ನು ಪೊಲೀಸರು ಬಂಧಿಸಿದ್ದಾರೆ.

ಅನರ್ಹ ಪಿಂಚಣಿ: ಅಮಾನತು
ಕಾಸರಗೋಡು: ಬಡ ಕುಟುಂಬಕ್ಕೆ ಸೇರಿದ ಹಿರಿಯ ನಾಗರಿಕರಿಗೆ ವಿತರಿಸುವ ಸಾಮಾಜಿಕ ಕಲ್ಯಾಣ ಪಿಂಚಣಿಯನ್ನು ಅನರ್ಹವಾಗಿ ಪಡೆದ ಸರಕಾರಿ ಸಿಬಂದಿಗಳ ಪೈಕಿ ಕಾಸರಗೋಡು ಜಿಲ್ಲೆಯ ಮಣ್ಣು ಸಂರಕ್ಷಣಾ ಇಲಾಖೆಯ ಸಿಬಂದಿ ಸಹಿತ ಆರು ಮಂದಿಯನ್ನು ಸೇವೆಯಿಂದ ಅಮಾನತುಗೊಳಿಸಿದೆ.

ನೇಣು ಬಿಗಿದು ಮಹಿಳೆ ಆತ್ಮಹತ್ಯೆ
ಕಾಸರಗೋಡು: ಹೊಸದುರ್ಗ ಮಡಿಕೈ ಅಡ್ಕತ್ತ್ಪರಂಬಿನ ಶೈಜು ಅವರ ಪತ್ನಿ ಅಂಜಲಿ (30) ಮನೆಯೊಳಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ. ಕಾರಣ ತಿಳಿದು ಬಂದಿಲ್ಲ.

ಇಲಿ ವಿಷ ಪ್ರಾಶನ: ವಿದ್ಯಾರ್ಥಿನಿ ಸಾವು
ಕಾಸರಗೋಡು: ಇಲಿ ವಿಷ ಸೇವಿಸಿದ ನರ್ಸಿಂಗ್‌ ವಿದ್ಯಾರ್ಥಿನಿ ಮಡಿಕೈ ತಾಯನ್ನೂರು ತೆರಳ ಚಪ್ಪಾರಪುರಯಿಲ್‌ ದರ್ಶನ(22) ಸಾವಿಗೀಡಾದರು. ಮಂಗಳೂರಿನ ನರ್ಸಿಂಗ್‌ ತರಬೇತಿ ಕೇಂದ್ರದಲ್ಲಿ ಅಂತಿಮ ವರ್ಷ ಬಿಎಸ್ಸಿ ನರ್ಸಿಂಗ್‌ ವಿದ್ಯಾರ್ಥಿನಿಯಾಗಿದ್ದು, ಇಲ್ಲಿನ ಹಾಸ್ಟೆಲ್‌ನಲ್ಲಿ ಇಲಿ ವಿಷ ಸೇವಿಸಿದ್ದರು.

ವಿದ್ಯುತ್‌ ತಂತಿ ಮೇಲೆ ಬಿದ್ದ ಹೆಬ್ಟಾವು ಸಾವು
ಕಾಸರಗೋಡು: ನಗರದ ಹಳೆ ಪ್ರಸ್‌ ಕ್ಲಬ್‌ ಸಮೀಪ ಅಮೈ ಜಂಕ್ಷನ್‌ನಲ್ಲಿರುವ ಮರದ ಮೇಲಿನಿಂದ ವಿದ್ಯುತ್‌ ತಂತಿ ಮೇಲೆ ಬಿದ್ದು ಹೆಬ್ಟಾವು ಸಾವಿಗೀಡಾದ ಘಟನೆ ಗುರುವಾರ ಬೆಳಗ್ಗೆ ನಡೆದಿದೆ.

ರೈಲು ಢಿಕ್ಕಿ ಹೊಡೆದು ಸಾವು
ಕಾಸರಗೋಡು: ಹೊಸದುರ್ಗ ಕುಶಾಲನಗರದಲ್ಲಿ ರೈಲು ಢಿಕ್ಕಿ ಹೊಡೆದು ಹೊಸದುರ್ಗ ಕೊವ್ವಲ್‌ಪಳ್ಳಿಯ ಕೆ.ವಿ.ಸುನಿಲ್‌ ಕುಮಾರ್‌(50) ಸಾವಿಗೀಡಾದರು.