Kasaragod crime News: ಶಾಲಾ ತರಗತಿಯಲ್ಲಿ ವಿದ್ಯಾರ್ಥಿನಿಗೆ ಹಾವು ಕಡಿತ

Team Udayavani, Dec 21, 2024, 10:30 PM IST

ಶಾಲಾ ತರಗತಿಯಲ್ಲಿ ವಿದ್ಯಾರ್ಥಿನಿಗೆ ಹಾವು ಕಡಿತ
ಕಾಸರಗೋಡು: ಕ್ರಿಸ್ಮಸ್‌ ಆಚರಣೆ ನಡೆಯುತ್ತಿದ್ದಂತೆ ತಿರುವನಂತಪುರ ನೆಯ್ನಾಟಿಂಗರ ಚೆಂಗಲ್‌ ಸರಕಾರಿ ಯು.ಪಿ. ಶಾಲೆಯ ತರಗತಿ ಕೊಠಡಿಯಲ್ಲಿ 7 ನೇ ತರಗತಿ ವಿದ್ಯಾರ್ಥಿನಿ ನೇಹಾ (12) ಳಿಗೆ ಹಾವು ಕಡಿದ ಘಟನೆ ನಡೆದಿದೆ. ವಿದ್ಯಾರ್ಥಿನಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಹಾವನ್ನು ಶಾಲಾ ಅಧಿಕಾರಿಗಳು ಹೊಡೆದು ಸಾಯಿಸಿದ್ದಾರೆ.

ಸಾರಿಗೆ ಸಚಿವರ ಹೇಳಿಕೆಗೆ ಬಸ್‌ ಮಾಲಕರ ಖಂಡನೆ
ಕಾಸರಗೋಡು: ಖಾಸಗಿ ಬಸ್‌ಗಳು ಅಪಘಾತಕ್ಕೀಡಾದರೆ ಅದರ ಪರ್ಮಿಟ್‌ ಅಮಾನತುಗೊಳಿಸಲಾಗುವುದೆಂದು ಸಾರಿಗೆ ಖಾತೆ ಸಚಿವ ಕೆ.ಬಿ.ಗಣೇಶ್‌ ಕುಮಾರ್‌ ನೀಡಿರುವ ಹೇಳಿಕೆಯನ್ನು ಪ್ರತಿಭಟಿಸಿ ಖಾಸಗಿ ಬಸ್‌ ಮಾಲಕರು ರಂಗಕ್ಕಿಳಿದಿದ್ದಾರೆ. ಸಚಿವರ ಇಂತಹ ಹೇಳಿಕೆ ಖಾಸಗಿ ಬಸ್‌ ವಲಯವನ್ನು ಪತನದತ್ತ ಸಾಗಿಸುವಂತೆ ಮಾಡುವ ಗುರಿ ಹೊಂದಿದೆ ಎಂದು ಆರೋಪಿಸಿದ್ದಾರೆ.

ರಾ. ಹೆದ್ದಾರಿ ಕಾಮಗಾರಿ ನಡೆಯುತ್ತಿರುವುದರಿಂದ ಸರಿಯಾಗಿ ರಸ್ತೆಯೇ ಇಲ್ಲದಿರುವುದು ಅಪಘಾತಕ್ಕೆ ಕಾರಣವಾಗಿದೆ ಎಂದು ಕಾಸರಗೋಡು ಪ್ರಸ್‌ ಕ್ಲಬ್‌ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಬಸ್‌ ಮಾಲಕರ ಸಂಘಟನೆಯ ಜಿಲ್ಲಾ ಅಧ್ಯಕ್ಷ ಕೆ.ಗಿರೀಶ್‌ ಹೇಳಿದರು. ಸಿ.ಎನ್‌. ಮೊಹಮ್ಮದ್‌ ಕುಂಞಿ, ರಾಜೇಶ್‌, ಶಂಕರ ನಾೖಕ್‌, ಸಿ.ಎ. ಪದ್ಮನಾಭನ್‌, ಪಿ.ವಿ.ಮೊಹಮ್ಮದ್‌ ಕುಂಞಿ ಮೊದಲಾದವರಿದ್ದರು.