‌BBK11: ಬಾಯಿ ಮುಚ್ಕೊಂಡು ಇರು..‌ ಫೈಯರ್‌ ಬ್ರ್ಯಾಂಡ್ ಚೈತ್ರಾ ಕೋಪಕ್ಕೆ ಮನೆಮಂದಿ ಶಾಕ್.!

Team Udayavani, Dec 23, 2024, 9:07 AM IST

ಬೆಂಗಳೂರು: ಬಿಗ್‌ ಬಾಸ್‌ ಮನೆಯಲ್ಲಿ ಕಳೆದ ವಾರ ಯಾವುದೇ ಎಲಿಮಿನೇಷನ್‌ ನಡೆದಿಲ್ಲ. ತ್ರಿವಿಕ್ರಮ್‌ ಅವರನ್ನು ಆಚೆ ಕಳುಹಿಸುವ ಹಾಗೆ ಮಾಡಲಾಗಿದ್ದು, ಇದು ಪ್ರ್ಯಾಂಕ್‌ ಎಲಿಮಿನೇಷನ್‌ ಎನ್ನಲಾಗುತ್ತಿದೆ. ಆ ಮೂಲಕ ಡೇಂಜರ್‌ ಝೋನ್‌ ನಲ್ಲಿದ್ದ ಸ್ಪರ್ಧಿಗಳಿಗೆ ಮತ್ತೊಂದು ಅವಕಾಶ ಲಭಿಸಿದೆ.

ಫಿನಾಲೆಗೆ ದಿನಗಳು ಸಮೀಪವಾಗುತ್ತಿದ್ದಂತೆ ದೊಡ್ಮನೆ ಆಟ ರೋಚಕವಾಗಿ ಸಾಗುತ್ತಿದೆ. ಗುಂಪುಗಾರಿಕೆಯಲ್ಲಿದ್ದ ಸ್ನೇಹಿತರು ಆಟದ ವಿಚಾರದಲ್ಲಿ ಬೇರ್ಪಟ್ಟು ವೈಯಕ್ತಿಕವಾಗಿ ಆಡಲು ಮುಂದಾಗಿದ್ದಾರೆ.

ಬಿಗ್ಬಾಸ್‌ ಮನೆಯಲ್ಲಿ ಎಚ್ಚೆತ್ತುಕೊಳ್ಳಬೇಕಿರುವ ಸದಸ್ಯರು ಯಾರು ಎಂದು ಹೇಳಬೇಕು. ಅವರ ಮುಖಕ್ಕೆ ಕಾಫಿಯನ್ನು ಎಸೆಯಬೇಕು. ಮಂಜು ಅವರು ಗೌತಮಿ ಅವರ ಹೆಸರನ್ನು ಹೇಳಿ ಕಾಫಿಯನ್ನು ಮುಖಕ್ಕೆ ಎಸೆದಿದ್ದಾರೆ.

ಗೌತಮಿ ಅವರು ಇದ್ದಾಗ ಮಂಜು ಮಾತನಾಡಲ್ಲ. ಗೌತಮಿ ಅವರಿಗೆ ಹೆದರಿಕೊಳ್ಳುತ್ತಾರೆ. ಹಾಗಾಗಿ ಅವರು ಎಚ್ಚೆತ್ತುಕೊಳ್ಳಬೇಕೆಂದು ಹೇಳಿದ್ದಾರೆ.

ಐಶ್ವರ್ಯಾ ಅವರು ಚೈತ್ರಾ ಅವರ ಹೆಸರು ಹೇಳಿದ್ದಾರೆ. ನಿಮ್ಮ ಆಟಗಳಿಗೆ ನಾನು ಬಲಿಪಶು ಆದೆ ಈ ವಾರ ಎಂದಿದ್ದು, ಇದಕ್ಕೆ ಚೈತ್ರಾ ಅವರು, ಟಾರ್ಗೆಟ್‌ ನಾಮಿನೇಷನ್‌ ಎನ್ನುವ ಮಾತು ಇದೇ ಐಶ್ವರ್ಯಾ ಅವರ ಬಾಯಿಯಿಂದಲೇ ಬಂದಿದ್ದು ಎಂದಿದ್ದಾರೆ. ಐಶ್ವರ್ಯಾ ಅವರು, ಹೇ ತುಂಬಾ ಚೆನ್ನಾಗಿ ಸುಳ್ಳು ಹೇಳ್ತಾನೇ ಇದ್ದೀರಾ. ಬಾಯಿ ಮುಚ್ಚೆ ಸಾಕು ಎಂದು ಗರಂ ಆಗಿ ಹೇಳಿದ್ದಾರೆ. ಇತ್ತ ಚೈತ್ರಾ ಅವರು ನೀನ್ಯಾರು ನನಗೆ ಹೇ ಎನ್ನೋಕೆ. ಬಾಯಿ ಮುಚ್ಚು ಎಲ್ಲ ಹೇಳಿದ್ರೆ ಸುಮ್ಮನೇ ಇರಲ್ಲ. ಮುಚ್ಚುಕೊಂಡು ಇರು ನೀನು ಎಂದು ಚೈತ್ರಾ ಮೇಜಿಗೆ ಕೈ ಬಡಿದಿದ್ದಾರೆ. ಪರಿಣಾಮ ಅವರ ಬಳೆ ಒಡೆದು ಹೋಗಿದೆ. ಚೈತ್ರಾ ಅವರ ಕೋಪ ನೋಡಿ ಮನೆಮಂದಿ ಶಾಕ್‌ ಆಗಿದ್ದಾರೆ.

ಎಚ್ಚೆತ್ತಿಕೊಳ್ಳಬೇಕಿರೋ ಸ್ಪರ್ಧಿ ಯಾರು?

ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ ರಾತ್ರಿ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKSP pic.twitter.com/nEg6wf45f1

— Colors Kannada (@ColorsKannada) December 23, 2024

ಇಷ್ಟು ದಿನ ಸ್ನೇಹಿತರಂತಿದ್ದ ಧನರಾಜ್‌ ಅವರು ಹನುಮಂತು ಅವರ ಮುಖಕ್ಕೆ ಕಾಫಿ ಎಸೆದಿದ್ದಾರೆ. ರಜತ್‌ ಅವರು ಗೌತಮಿ ಮುಖಕ್ಕೆ ಕಾಫಿ ಎಸೆದಿದ್ದು, ಮಂಜು ಅವರು ಚೈತ್ರಾ ಅವರಿಗೆ, ಭವ್ಯ ಅವರು ಐಶ್ವರ್ಯಾ ಅವರ ಮುಖಕ್ಕೆ ಕಾಫಿ ಎಸೆದಿದ್ದಾರೆ.