ಶೀಘ್ರವೇ ದೇಶದ ಬುಲೆಟ್‌; ರೈಲು ವಿನ್ಯಾಸ ಅಂತಿಮ: ಮುಂಬಯಿ-ಅಹ್ಮದಾಬಾದ್‌ ಬುಲೆಟ್‌ ರೈಲು ಯೋಜನೆ

Team Udayavani, Dec 24, 2024, 7:30 AM IST

ಹೊಸದಿಲ್ಲಿ: ಮುಂಬಯಿ-ಅಹ್ಮದಾಬಾದ್‌ ಹೈಸ್ಪೀಡ್‌ ರೈಲ್‌ ಕಾರಿಡಾರ್‌ ಅನ್ವಯ ಭಾರತ ಮತ್ತು ಜಪಾನ್‌ ಈಗ ಬುಲೆಟ್‌ ರೈಲಿನ ವಿನ್ಯಾಸವನ್ನು ಅಂತಿಮಗೊಳಿಸುವತ್ತ ಹೆಜ್ಜೆಯಿಟ್ಟಿವೆ. ಸದ್ಯದಲ್ಲೇ ವಿನ್ಯಾಸಕ್ಕೆ ಒಪ್ಪಿಗೆ ದೊರೆಯಲಿದ್ದು, ಬೆನ್ನಲ್ಲೇ ಟೆಂಡರ್‌ ಕರೆಯಲಾಗುತ್ತದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಭಾರತದಲ್ಲಿ ಸಂಚರಿಸಬೇಕೆಂದರೆ ಬುಲೆಟ್‌ ರೈಲಿನಲ್ಲಿ ಹಲವು ಸೂಕ್ತ ಬದಲಾವಣೆ ತರಬೇಕಾಗುತ್ತದೆ. ಲಗೇಜ್‌ ಹೊರುವ ಸಾಮರ್ಥ್ಯವನ್ನು ಹೆಚ್ಚಿಸುವಂತೆ, 50 ಡಿ.ಸೆ.ಗಿಂತ ಅಧಿಕ ತಾಪಮಾನದಲ್ಲೂ ಸಂಚರಿಸುವಂತೆ ರೈಲುಗಳನ್ನು ಮರುವಿನ್ಯಾಸಗೊಳಿಸ ಬೇಕಾ­ಗು­ತ್ತದೆ.

ಭಾರತದಲ್ಲಿ ಧೂಳು ಅತಿಯಾಗಿರುವ ಕಾರಣ, ಆ ಬಗ್ಗೆಯೂ ಹೆಚ್ಚಿನ ಗಮನ ಹರಿಸಲಾಗುತ್ತಿದೆ. ಆಸನ ವ್ಯವಸ್ಥೆಯನ್ನೂ ಮೂಲ ವಿನ್ಯಾಸದಲ್ಲಿರುವುದಕ್ಕಿಂತ ಭಿನ್ನವಾಗಿ ವಿನ್ಯಾಸಗೊಳಿಸಲಾ ಗುತ್ತಿದೆ. ಪ್ರತೀ ಬೋಗಿಯಲ್ಲೂ ಕಡಿಮೆ ಆಸನವಿರುವಂತೆ ನೋಡಿಕೊಳ್ಳಲಾಗುತ್ತದೆ.

ಒಂದು ಹಂತದಲ್ಲಿ ಜಪಾನ್‌ನ ಶಿಂಕಾನ್‌ಸೆನ್‌ ಸಂಸ್ಥೆ ಬುಲೆಟ್‌ ಟ್ರೈನ್‌ ಭಾರತಕ್ಕೆ ಅನುಗುಣವಾಗಿ ವಿನ್ಯಾಸಗೊಳಿ­ಸಲು ಒಪ್ಪಿಕೊಂಡಿಲ್ಲ.  ಹೀಗಾಗಿ, ದೇಶಿ ತಂತ್ರಜ್ಞಾನ ಬಳಕೆ ಮಾಡಿ ದೇಶದಲ್ಲೇ ಬುಲೆಟ್‌ ಟ್ರೈನ್‌ ಕೋಚ್‌ಗಳನ್ನು ನಿರ್ಮಿಸಲೂ ಚಿಂತನೆ ನಡೆಸಲಾಗಿತ್ತು.