American Airlines ಅಮೆರಿಕ: ವಿಮಾನಯಾನ ವ್ಯತ್ಯಯ,”ಕ್ರಿಸ್ಮಸ್‌’ಗೆ ಅಡ್ಡಿ

Team Udayavani, Dec 25, 2024, 12:46 AM IST

ವಾಷಿಂಗ್ಟನ್‌: ಅಮೆರಿಕದ ಅತೀದೊಡ್ಡ ವಿಮಾನಯಾನ ಸಂಸ್ಥೆ ಅಮೆರಿಕನ್‌ ಏರ್‌ಲೈನ್ಸ್‌ ಚಟುವಟಿಕೆಗಳಿಗೆ ಮಂಗಳವಾರ ಬೆಳಗ್ಗೆ ಅಡ್ಡಿಯಾಗಿದ್ದು, ಭಾರೀ ಸಮಸ್ಯೆ ಎದುರಿಸಬೇಕಾಯಿತು.

ತಾಂತ್ರಿಕ ತೊಂದರೆ ಕಾರಣದಿಂದಾಗಿ ಸಂಸ್ಥೆಯ ಬಹುತೇಕ ವಿಮಾನಗಳು ಹಾರಾಟ ನಡೆಸಲಿಲ್ಲ ಎಂದು ಅಮೆರಿಕದ ನಾಗರಿಕ ವಿಮಾಯಾನ ಸಂಸ್ಥೆ ಹೇಳಿದೆ.

ಕ್ರಿಸ್ಮಸ್‌ ಹಬ್ಬದ ಸಂದರ್ಭದಲ್ಲಿ ಅಮೆರಿಕನ್‌ ಏರ್‌ಲೈನ್ಸ್‌ ಕೈ ಕೊಟ್ಟಿದ್ದರಿಂದ ಅಮೆರಿಕದಾದ್ಯಂತ ಪ್ರಯಾಣಿಕರು ಭಾರೀ ಸಮಸ್ಯೆಯನ್ನು ಅನುಭವಿಸಿದರು.

ಇಷ್ಟಾಗಿಯೂ, ಕಂಪೆನಿಯು ಸ್ವಲ್ಪ ಹೊತ್ತಿನಲ್ಲಿ ತಾಂತ್ರಿಕ ಸಮಸ್ಯೆ ನೀಗಿಕೊಂಡು ಮತ್ತೆ ವಿಮಾನ ಹಾರಾಟವನ್ನು ಶುರು ಮಾಡಿತು. ವಿಮಾನ ಹಾರಾಟಕ್ಕೆ ಅಗತ್ಯವಿರುವ ತೂಕ ಮತ್ತು ಬ್ಯಾಲೆನ್ಸ್‌ ಲೆಕ್ಕಾಚಾರ ಹಾಕುವ ವ್ಯವಸ್ಥೆಯಲ್ಲಿ ತಾಂತ್ರಿಕ ತೊಂದ ರೆಯಿಂದ ಸಮಸ್ಯೆ ಎದು­ರಾಯಿತು ಎಂದು ಸಂಸ್ಥೆ ಹೇಳಿ­ಕೊಂಡಿದೆ.

ಮಂಗಳವಾರ ಸಂಸ್ಥೆ­ಯ 3,300 ವಿಮಾನಗಳು ಹಾರಾಟದ ವೇಳಾಪಟ್ಟಿಯಲ್ಲಿದ್ದವು. ತೊಂದರೆಗಾಗಿ ಸಂಸ್ಥೆಯು ಪ್ರಯಾಣಿ­ಕರಲ್ಲಿ ಕ್ಷಮೆಯನ್ನು ಕೋರಿದೆ. ಎಲ್ಲ ವಿಮಾನಗಳು ಹಾರಾಟ­ವನ್ನು ಸ್ಥಗಿತಗೊ­ಳಿ­ಸುತ್ತಿದ್ದಂತೆ ಪ್ರಯಾಣಿ­ಕರು ಸೋಶಿಯಲ್‌ ಮೀಡಿಯಾಗಳಲ್ಲಿ ಸಮಸ್ಯೆಗಳನ್ನು ಹಂಚಿಕೊಂಡಿದ್ದರು.