Telangana: ಕಾನೂನು ಪಾಲನೆ ಕಡ್ಡಾಯ: ತೆಲುಗು ಚಿತ್ರರಂಗಕ್ಕೆ ತೆಲಂಗಾಣ ಸಿಎಂ ಖಡಕ್‌ ಮಾತು

Team Udayavani, Dec 26, 2024, 8:00 PM IST

ಹೈದರಾಬಾದ್‌:ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಪಾಲನೆ ಮಾಡುವಲ್ಲಿ ಯಾವುದೇ ರಾಜಿ ಇಲ್ಲ. ಅದು ಸಿನಿಮಾ ರಂಗ ಸೇರಿ ಎಲ್ಲರಿಗೂ ಅನ್ವಯ ಎಂದು ತೆಲಂಗಾಣ ಸಿಎಂ ರೇವಂತ್‌ ರೆಡ್ಡಿ ಹೇಳಿದ್ದಾರೆ.

ಡಿ.4ರಂದು “ಪುಷ್ಪ-2′ ಪ್ರೀಮಿಯರ್‌ ಶೋ ವೇಳೆ ಉಂಟಾಗಿದ್ದ ಕಾಲ್ತುಳಿತದಲ್ಲಿ ಮಹಿಳೆ ಅಸುನೀಗಿ ಉಂಟಾದ ಬಳಿಕ ವಿವಾದ ಬೆನ್ನಲ್ಲಿ ತೆಲುಗು ಸಿನಿಮಾ ರಂಗದ ಪ್ರಮುಖರು ಗುರುವಾರ ಹೈದರಾಬಾದ್‌ನಲ್ಲಿ ಸಿಎಂ ರೇವಂತ್‌ ರೆಡ್ಡಿ ಜತೆಗೆ ಮಾತುಕತೆ ನಡೆಸಿದ ಸಂದರ್ಭದಲ್ಲಿ ಅವರು ಸ್ಪಷ್ಟ ಮಾತುಗಳ ಎಚ್ಚರಿಕೆ ನೀಡಿದ್ದಾರೆ.

“ತೆಲುಗು ಚಿತ್ರರಂಗ ರಾಜ್ಯಕ್ಕೆ ಬಂಡವಾಳ ತರುವಲ್ಲಿ ನೆರವಾಗಬೇಕು. ಮಾದಕ ವಸ್ತುಗಳ ವಿರುದ್ಧ ಪ್ರಚಾರ ನಡೆಸಬೇಕು’ ಎಂದು ಸಿನಿಮಾ ರಂಗದ ನಿಯೋಗಕ್ಕೆ ಮನವಿ ಮಾಡಿದ್ದಾರೆ.

ನಟರದ್ದೇ ಹೊಣೆ: ಪ್ರಮುಖ ನಿಮಾಗಳು ಬಿಡುಗಡೆಯಾಗುವ ಸಂದರ್ಭಗಳಲ್ಲಿ ಕಾಲ್ತುಳಿತ ಸೇರಿ ಜನಜಂಗುಳಿ ಉಂಟಾಗಿ ಅಹಿತಕರ ಘಟನೆ ನಡೆಯದೇ ಇರಲು ನಟರೇ ಸೂಕ್ತ ಮುನ್ನೆಚ್ಚರಿಕೆ ಕ್ರಮ ಕೈಗೊಳ್ಳಬೇಕು ಎಂದು ತಾಕೀತು ಮಾಡಿದ್ದಾರೆ. ಪ್ರಮುಖರಾದ ನಾಗಾರ್ಜುನ, ವೆಂಕಟೇಶ್‌, ಅಲ್ಲು ಅರವಿಂದ್‌, ಕೆ.ರಾಘವೇಂದ್ರ ರಾವ್‌ ಸೇರಿ ಪ್ರಮುಖರು ಇದ್ದರು.