Yellapura: ಬಸ್‌- ಬೈಕ್‌ ಡಿಕ್ಕಿ; ಟಯರ್‌ ತಲೆ ಮೇಲೆ ಹರಿದು ಇಬ್ಬರು ಸ್ಥಳದಲ್ಲೇ ಮೃತ್ಯು

Team Udayavani, Dec 29, 2024, 2:44 PM IST

ಯಲ್ಲಾಪುರ: ಬಸ್‌ ಹಾಗೂ ಬೈಕ್‌ ಡಿಕ್ಕಿ ಹೊಡೆದು ಇಬ್ಬರು ಸ್ಥಳದಲ್ಲೇ ಮೃತಪಟ್ಟು, ಒಬ್ಬರು ಗಂಭೀರ ಗಾಯಗೊಂಡ ಘಟನೆ ತಾಲೂಕಿನ ರಾಷ್ಟ್ರೀಯ ಹೆದ್ದಾರಿ 63ರ ಪಟ್ಟಣದ ಬಿಸಗೋಡಕ್ರಾಸ್ ಬಳಿ ಡಿ.28ರ ಶನಿವಾರ ತಡರಾತ್ರಿ ಸಂಭವಿಸಿದೆ.

ಉದ್ಯಮನಗರ ನಿವಾಸಿ ಕಸ್ತೂರಿ ಬಸವರಾಜ ಬ್ಯಾಡಗಿ (45) ಹಾಗೂ ಕೋಮಲ ಶಾಮ‌್ ಬೋವಿವಡ್ಡರ್ (12) ಮೃತಪಟ್ಟವರು. ಬಸವರಾಜ ಹನುಮಂತಪ್ಪ ಬ್ಯಾಡಗಿ ಗಾಯಗೊಂಡಿದ್ದು, ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಹುಬ್ಬಳ್ಳಿಗೆ ಕರೆದುಕೊಂಡು ಹೋಗಲಾಗಿದೆ. ಆರೋಪಿ, ಬಸ್ ಚಾಲಕ ಸಂಗಯ್ಯ ಗುರುಪಾದಯ್ಯ ದೊಡವಾಡ ಕಲಘಟಗಿ ಎಂದು ತಿಳಿದು ಬಂದಿದೆ.

ಶನಿವಾರ ರಾತ್ರಿ ಹುಬ್ಬಳ್ಳಿ ಕಡೆಯಿಂದ ಯಲ್ಲಾಪುರ ಕಡೆಗೆ ಬರುತ್ತಿದ್ದ ಸಾರಿಗೆ ಸಂಸ್ಥೆ ಬಸ್ಸಿನ ಚಾಲಕನ ಅತಿವೇಗ ಹಾಗೂ ನಿರ್ಲಕ್ಷ್ಯದಿಂದ ಬಸ್ ಚಲಾಯಿಸಿ ಬೈಕ್ ಗೆ ಡಿಕ್ಕಿ ಹೊಡೆದಿದ್ದಾನೆ. ಇದರಿಂದ ಬೈಕ್ ಹಿಂಬದಿ ಕುಳಿತ್ತಿದ್ದ ಕಸ್ತೂರಿ ಹಾಗೂ ಕೋಮಲ ಎಂಬವರಿಗೆ ಬಸ್ ನ‌ ಹಿಂಬದಿಯ ಟೈಯರ್ ತಲೆಯ ಮೇಲೆ ಹರಿದು ಮೆದುಳು ಹೊರಬಂದು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಬೈಕ್ ಸವಾರನ ಬಲಕೈ, ಬಲಗಾಲಿಗೆ ಗಂಭೀರ ಗಾಯವಾಗಿದೆ.

ಪೋಲಿಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.