ಮಂಗಳೂರು ಕಂಬಳ: 171 ಜತೆ ಕೋಣಗಳು ಭಾಗಿ

Team Udayavani, Dec 30, 2024, 6:37 AM IST

ಮಂಗಳೂರು: ಸಂಸದ ಹಾಗೂ ಮಂಗಳೂರು ಕಂಬಳ ಸಮಿತಿ ಅಧ್ಯಕ್ಷ ಕ್ಯಾ| ಬ್ರಿಜೇಶ್‌ ಚೌಟ ನೇತೃತ್ವದಲ್ಲಿ ಬಂಗ್ರಕೂಳೂರು ಗೋಲ್ಡ್‌ಫಿಂಚ್‌ ಸಿಟಿಯ ರಾಮ-ಲಕ್ಷ್ಮಣ ಜೋಡು ಕರೆಯಲ್ಲಿ ಜರಗಿದ 8ನೇ ವರ್ಷದ ಮಂಗಳೂರು ಕಂಬಳ ರವಿವಾರ ಸಂಜೆ ಸಮಾರೋಪಗೊಂಡಿತು.

ಮಂಗಳೂರು ಕಂಬಳದಲ್ಲಿ ಒಟ್ಟು 171 ಜತೆ ಕೋಣಗಳು ಭಾಗವಹಿಸಿದ್ದವು. ಇವುಗಳಲ್ಲಿ ಕನೆಹಲಗೆ 7 ಜತೆ, ಅಡ್ಡಹಲಗೆ 8 ಜತೆ, ಹಗ್ಗ ಹಿರಿಯ 20 ಜತೆ, ನೇಗಿಲು ಹಿರಿಯ 32 ಜತೆ, ಹಗ್ಗ ಕಿರಿಯ 23 ಜತೆ, ನೇಗಿಲು ಕಿರಿಯ 81 ಜತೆ ಇದ್ದವು.

ಕನೆಹಲಗೆ ವಿಭಾಗದಲ್ಲಿ ಭಾಗವಹಿಸಿದ 7 ಜತೆ ಕೋಣಗಳಿಗೆ ಸಮಾನ ಬಹುಮಾನ ದೊರೆಯಿತು. ಬೊಳ್ಳಂಬಳ್ಳಿ ಶ್ರೀ ರಾಮ ಚೈತ್ರ ಪರಮೇಶ್ವರ ಭಟ್‌ (ಹಲಗೆ ಮೆಟ್ಟಿದವರು: ಭಟ್ಕಳ ಪಾಂಡು), ಕಾಂತಾವರ ಬೇಲಾಡಿ ಬಾವ ಅಶೋಕ್‌ ಶೆಟ್ಟಿ (ಹಲಗೆ ಮೆಟ್ಟಿದವರು: ತೆಕ್ಕಟ್ಟೆ ಸುಧೀರ್‌ ದೇವಾಡಿಗ) ಹಂಕರಜಾಲು ಶ್ರೀನಿವಾಸ ಭಿರ್ಮಣ್ಣ ಶೆಟ್ಟಿ (ಹಲಗೆ ಮೆಟ್ಟಿದವರು: ಭಟ್ಕಳ ಪಾಂಡು), ವಾಮಂಜೂರು ತಿರುವೈಲುಗುತ್ತು ಅಭಿಷೇಕ್‌ ನವೀನ್‌ಚಂದ್ರ ಆಳ್ವ (ಹಲಗೆ ಮೆಟ್ಟಿದವರು: ಬೈಂದೂರು ಭಾಸ್ಕರ ದೇವಾಡಿಗ), ಬೋಳಾರ ತ್ರಿಶಾಲ್ ಕೆ. ಪೂಜಾರಿ (ಹಲಗೆ ಮೆಟ್ಟಿದವರು: ಮಂದಾರ್ತಿ ಶಿರೂರು ಮುದ್ದುಮನೆ ಭರತ ನಾಯ್ಕ), ಬಾರ್ಕೂರು ಶಾಂತಾರಾಮ ಶೆಟ್ಟಿ (ಹಲಗೆ ಮೆಟ್ಟಿದವರು: ಬೈಂದೂರು ಭಾಸ್ಕರ ದೇವಾಡಿಗ) ನಿಡ್ಡೋಡಿ ಕಾನ ರಾಮ ಸುವರ್ಣ (ಹಲಗೆ ಮೆಟ್ಟಿದವರು: ಕೊಕ್ಕರ್ಣೆ ವಡಾಪಿ ಸುರೇಶ್‌ ನಾಯ್ಕ) ಬಹುಮಾನ ಪಡೆದರು.

ಅಡ್ಡ ಹಲಗೆ
ಪ್ರಥಮ-ನಾರಾವಿ ಯುವರಾಜ್‌ ಜೈನ್‌ ಕಂಬಳಾಭಿಮಾನಿ ವಕೀಲರ ವೃಂದ ಮಂಗಳೂರು “ಎ’ (ಹಲಗೆ ಮೆಟ್ಟಿದವರು: ಭಟ್ಕಳ ಹರೀಶ್‌), ದ್ವಿತೀಯ- ನಾರಾವಿ ಯುವರಾಜ್‌ ಜೈನ್‌ ಕಂಬಳಾಭಿಮಾನಿ ವಕೀಲರ ವೃಂದ ಮಂಗಳೂರು “ಬಿ’. (ಹಲಗೆ ಮೆಟ್ಟಿದವರು- ಭಟ್ಕಳ ಹರೀಶ್‌).

ಹಗ್ಗ ಹಿರಿಯ
ಪ್ರಥಮ-ನಂದಳಿಕೆ ಶ್ರೀಕಾಂತ್‌ ಭಟ್‌ ಎ. (ಓಡಿಸಿದ ವರು: ಬಂಬ್ರಾಣಬೈಲು ವಂದಿತ್‌ ಶೆಟ್ಟಿ), ದ್ವಿತೀಯ- ಕೊಳಕೆ ಇರ್ವತ್ತೂರು ಭಾಸ್ಕರ ಕೋಟ್ಯಾನ್‌ ಬಿ. (ಓಡಿಸಿ ದವರು: ಕಕ್ಕೆಪದವು ಪೆಂರ್ಗಾಲು ಕೃತಿಕ್‌ ಗೌಡ)

ಹಗ್ಗ ಕಿರಿಯ
ಪ್ರಥಮ- ಮಾಳ ಕಲ್ಲೇರಿ ಭರತ್‌ ಶರತ್‌ ಶೆಟ್ಟಿ (ಓಡಿಸಿದವರು: ಬಜಗೋಳಿ ಜೋಗಿಬೆಟ್ಟು ನಿಶಾಂತ್‌ ಶೆಟ್ಟಿ), ದ್ವಿತೀಯ- 80 ಬಡಗಬೆಟ್ಟು ಕಲ್ಲಪಾಪು ಶ್ರೀಕ ಸಂದೀಪ್‌ ಶೆಟ್ಟಿ ಬಿ. (ಓಡಿಸಿದವರು: ಬೈಂದೂರು ವಿಶ್ವನಾಥ ದೇವಾಡಿಗ)

ನೇಗಿಲು ಹಿರಿಯ
ಪ್ರಥಮ-ಬೋಳದಗುತ್ತು ಸತೀಶ್‌ ಶೆಟ್ಟಿ ಬಿ. (ಓಡಿಸಿದವರು: ಬೈಂದೂರು ವಿಶ್ವನಾಥ ದೇವಾಡಿಗ) ದ್ವಿತೀಯ- ಬಜಾಲ… ಶೈಲೇಶ್‌ ಶೆಟ್ಟಿ (ಓಡಿಸಿದವರು: ಕಕ್ಕೆಪದವು ಪೆಂರ್ಗಾಲು ಕೃತಿಕ್‌ ಗೌಡ).

ನೇಗಿಲು ಕಿರಿಯ
ಪ್ರಥಮ- ಎರ್ಮಾಳ್‌ ಪುಚ್ಚೊಟ್ಟುಬೀಡು ಬಾಲ ಚಂದ್ರ ಲೋಕಯ್ಯ ಶೆಟ್ಟಿ ಎ. (ಓಡಿಸಿದವರು: ಪಟ್ಟೆ ಗುರುಚರಣ್‌), ದ್ವಿತೀಯ-ಮುನಿಯಾಲು ಉದಯ ಕುಮಾರ್‌ ಶೆಟ್ಟಿ ಎ. (ಓಡಿಸಿದವರು: ಮಾಸ್ತಿಕಟ್ಟೆ ಸ್ವರೂಪ್‌).

2 ಜತೆಗೆ ಕೋಣಗಳ ಸಾಧನೆಯ ಓಟ!

ಪ್ರಸಕ್ತ ಕಂಬಳ ಋತುವಿನಲ್ಲಿ ಒಟ್ಟು 4 (ಕಕ್ಕೆಪದವು, ಕೊಡಂಗೆ, ಮೂಲ್ಕಿ, ಮಂಗಳೂರು) ಆಧುನಿಕ ಕಂಬಳಗಳು ನಡೆದಿವೆ. ಈ ಎಲ್ಲ ಕೂಟದ ಹಗ್ಗ ಹಿರಿಯ ವಿಭಾಗದಲ್ಲಿ ನಂದಳಿಕೆ ಶ್ರೀಕಾಂತ್‌ ಭಟ್‌ “ಎ’ ಕೋಣಗಳು ಪ್ರಥಮ ಬಹುಮಾನ ಗಳಿಸುವ ಮೂಲಕ ಒಟ್ಟು 4 ಚಿನ್ನದ ಪದಕ ಗಳಿಸಿದೆ. ನೇಗಿಲು ಕಿರಿಯ ವಿಭಾಗದಲ್ಲಿ ಮುನಿಯಾಲು ಉದಯ ಕುಮಾರ್‌ ಶೆಟ್ಟಿ ಎ. ಕೋಣಗಳು 11.21 (100 ಮೀಟರ್‌ಗೆ ಹೋಲಿಸಿದಾಗ 8.96) ಸೆಕೆಂಡ್‌ನ‌ಲ್ಲಿ ಓಡುವ ಮೂಲಕ ಮಂಗಳೂರು ಕಂಬಳದಲ್ಲಿ ಗುರುತಿಸುವಂತೆ ಮಾಡಿತು.