Maha Kumbh Mela 2025;ಮಂಗಳೂರು-ವಾರಾಣಸಿ ವಿಶೇಷ ರೈಲು ಸೇವೆ

Team Udayavani, Dec 30, 2024, 11:10 PM IST

ಮಂಗಳೂರು: ದಕ್ಷಿಣ ರೈಲ್ವೇಯಿಂದ ಮಹಾಕುಂಭ ಮೇಳ 2025 ರ ಅಂಗವಾಗಿ ಮಂಗಳೂರು ಸೆಂಟ್ರಲ್-ವಾರಾಣಸಿ ಮಧ್ಯೆ ವಿಶೇಷ ರೈಲು ಸಂಚರಿಸಲಿದೆ.

ನಂ.06019 ಮಂಗಳೂರು ಸೆಂಟ್ರಲ್-ವಾರಾಣಸಿ ವಿಶೇಷ ರೈಲು ಮಂಗಳೂರಿನಿಂದ ಜನವರಿ 18 ಹಾಗೂ ಫೆಬ್ರವರಿ 15 ರಂದು ಶನಿವಾರ ಮುಂಜಾನೆ 4.15 ಕ್ಕೆ ಹೊರಟು ವಾರಾಣಸಿಗೆ ಮೂರನೇ ದಿನ ಮಧ್ಯಾಹ್ನ 2.50 ಕ್ಕೆ ತಲಪುವುದು.

ನಂ.06020 ವಾರಾಣಸಿ- ಮಂಗಳೂರು ಸೆಂಟ್ರಲ್‌ ರೈಲು ವಾರಾಣಸಿಯಿಂದ ಜನವರಿ 21 ಹಾಗೂ ಫೆಬ್ರವರಿ 18ರಂದು ಮಂಗಳವಾರಗಳಂದು ಸಂಜೆ 6.20 ಕ್ಕೆ ಹೊರಟು ಮಂಗಳೂರು ಸೆಂಟ್ರಲ್‌ಗೆ ನಾಲ್ಕನೇ ದಿನದಂದು ಮುಂಜಾನೆ 2.30 ಕ್ಕೆ ತಲಪುವುದು.

ಈ ರೈಲುಗಳು ಕಾಸರಗೋಡು, ನೀಲೇಶ್ವರ, ಪಯ್ಯನ್ನೂರು, ಕೋಝಿಕೋಡ್‌, ಶೋರ್ನೂರು ಜಂಕ್ಷನ್‌, ಅರಕೋಣಮ್‌, ವಿಜಯವಾಡ,ವಾರಂಗಲ್‌, ನಾಗಪುರ್‌, ಇಟಾರ್ಸಿ, ಜಬಲ್ಪುರ ಮಾರ್ಗವಾಗಿ ಸಂಚರಿಸಲಿವೆ ಎಂದು ಪ್ರಕಟನೆ ತಿಳಿಸಿದೆ.