2025 ‘ಸುಧಾರಣೆಗಳ ವರ್ಷ’ಎಂದು ಘೋಷಣೆ ಮಾಡಿದ ರಕ್ಷಣ ಸಚಿವಾಲಯ

Team Udayavani, Jan 1, 2025, 3:36 PM IST

ಹೊಸದಿಲ್ಲಿ: ರಕ್ಷಣ ಸಚಿವಾಲಯ 2025 ಅನ್ನು ”ಸುಧಾರಣೆಗಳ ವರ್ಷ”(year of reforms)ವೆಂದು ಬುಧವಾರ(ಜ1) ಘೋಷಿಸಿದೆ. ಮೂರು ಸೇನೆಗಳ ನಡುವೆ ಸಂಯೋಜಿತ ಥಿಯೇಟರ್ ಕಮಾಂಡ್‌ಗಳ ಸ್ಥಾಪನೆಯನ್ನು ಜಂಟಿಯಾಗಿ ಹೆಚ್ಚಿಸುವುದು ಮುಖ್ಯ ಗುರಿಯಾಗಿದೆ.

ರಕ್ಷಣ ಸಚಿವ ರಾಜನಾಥ್ ಸಿಂಗ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಉನ್ನತ ಮಟ್ಟದ ಸಭೆಯಲ್ಲಿ 2025 ಅನ್ನು ಸುಧಾರಣೆಗಳ ವರ್ಷವಾಗಿ ಆಚರಿಸುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.

ಸಶಸ್ತ್ರ ಪಡೆಗಳನ್ನು ತಾಂತ್ರಿಕವಾಗಿ-ಸುಧಾರಿತ ಯುದ್ಧ-ಸಿದ್ಧ ಪಡೆಯಾಗಿ ಬಹು ಕ್ಷೇತ್ರ ಸಮಗ್ರ ಕಾರ್ಯಾಚರಣೆಗಳ ಸಾಮರ್ಥ್ಯವನ್ನು ಪರಿವರ್ತಿಸಲು ಹೊರತರಲಾಗುತ್ತಿದೆ.

2025 ರಲ್ಲಿ ಸೈಬರ್ ಮತ್ತು ಬಾಹ್ಯಾಕಾಶದಂತಹ ಹೊಸ ಡೊಮೇನ್‌ಗಳು, ಕೃತಕ ಬುದ್ಧಿಮತ್ತೆ, ಯಂತ್ರ ಕಲಿಕೆ, ಹೈಪರ್‌ಸಾನಿಕ್ ಮತ್ತು ರೊಬೊಟಿಕ್ಸ್‌ನಂತಹ ಉದಯೋನ್ಮುಖ ತಂತ್ರಜ್ಞಾನಗಳ ಮೇಲೆ ಕೇಂದ್ರೀಕರಿಸಲಾಗುವುದು ಎಂದು ಸಚಿವಾಲಯ ಹೇಳಿದೆ.

“ಸುಧಾರಣೆಗಳ ವರ್ಷ” ಸಶಸ್ತ್ರ ಪಡೆಗಳ ಆಧುನೀಕರಣದ ಪಯಣದಲ್ಲಿ ಮಹತ್ವದ ಹೆಜ್ಜೆಯಾಗಿದೆ. ಇದು ದೇಶದ ರಕ್ಷಣ ಸನ್ನದ್ಧತೆಯಲ್ಲಿ ಅಭೂತಪೂರ್ವ ಪ್ರಗತಿಗೆ ಅಡಿಪಾಯವನ್ನು ಹಾಕಲಿದೆ, 21 ನೇ ಶತಮಾನದ ಸವಾಲುಗಳ ನಡುವೆ ರಾಷ್ಟ್ರದ ಭದ್ರತೆ ಮತ್ತು ಸಾರ್ವಭೌಮತ್ವವನ್ನು ಖಚಿತಪಡಿಸಿಕೊಳ್ಳಲು ತಯಾರಿ ನಡೆಸುತ್ತದೆ” ಎಂದು ರಕ್ಷಣ ಸಚಿವ ರಾಜನಾಥ್ ಸಿಂಗ್ ಹೇಳಿದ್ದಾರೆ.