Delhi polls: ದಿಲ್ಲಿಯಲ್ಲೀಗ ಬಿಜೆಪಿ-ಆಪ್‌ ಪೋಸ್ಟರ್‌ ವಾರ್‌!

Team Udayavani, Jan 3, 2025, 6:55 AM IST

ನವದೆಹಲಿ: ದಿಲ್ಲಿ ಚುನಾವಣೆ ಸಮೀಪವಿರುವಂತೆಯೇ ಬಿಜೆಪಿ ಹಾಗೂ ಆಪ್‌ ನಡುವಿನ ರಾಜಕೀಯ ತಿಕ್ಕಾಟ ಹೆಚ್ಚಾಗಿದೆ. ಮತದಾರರ ಪಟ್ಟಿ ವಿಚಾರ ಕುರಿತು ಪರಸ್ಪರ ವಾಗ್ಧಾಳಿ ನಡೆಸುತ್ತಿದ್ದ ಪಕ್ಷಗಳು ಈಗ ಪೋಸ್ಟರ್‌ ವಾರ್‌ಗಿಳಿದಿವೆ. “ಸ್ಕ್ಯಾಮ್‌ 1992′ ಹಾಗೂ “ಗೋಟ್‌’ ಸಿನಿಮಾದ ಪೋಸ್ಟರ್‌ ರಚಿಸಿ ಮೀಮ್‌ ಮೂಲಕ ಉಭಯ ಪಕ್ಷ ಗಳು ಜಟಾಪಟಿ ಆರಂಭಿಸಿವೆ.

ಷೇರುಪೇಟೆ ಬಿಗ್‌ಬುಲ್‌ ಹರ್ಷದ್‌ ಮೆಹ್ತಾನ ಷೇರು ವಂಚನೆ ಕುರಿತಾದ ವೆಬ್‌ ಸರಣಿ “ಸ್ಕ್ಯಾಮ್‌ 1992′ ರೀತಿಯಲ್ಲೇ “ಸ್ಕ್ಯಾಮ್‌ 2024′ ಎನ್ನುವ ಪೋಸ್ಟರ್‌ ರಚಿಸಿ, ಅದರಲ್ಲಿ ಆಪ್‌ ಮುಖ್ಯಸ್ಥ ಅರವಿಂದ್‌ ಕೇಜ್ರಿವಾಲ್‌ ಅವರ ಫೋಟೋ ಅಳವಡಿಸಿ ಬಿಜೆಪಿ ಮೀಮ್‌ ಮಾಡಿದೆ. ಮತಗಳನ್ನು ವಂಚಿಸಿ ಅಧಿಕಾರ ಹಿಡಿಯುವ ಹೊಸ ಆಟವನ್ನು ಕೇಜ್ರಿ ಆರಂಭಿಸಿದ್ದಾರೆ ಎಂದು ಟೀಕಿಸಿದೆ.

ಇದಕ್ಕೆ ತಿರುಗೇಟು ನೀಡಿರುವ ಆಪ್‌, ನಟ ವಿಜಯ್‌ ದಳಪತಿ ಅವರ “ಗೋಟ್‌- ದಿ ಗ್ರೇಟೆಸ್ಟ್‌ ಆಫ್ ಆಲ್‌ ಟೈಮ್‌’ ಸಿನಿಮಾ ರೀತಿಯ ಪೋಸ್ಟರ್‌ ರಚಿಸಿ, ಅದರಲ್ಲಿ ಕೇಜ್ರಿವಾಲ್‌ರ ಅಭಿವೃದ್ಧಿ ಕಾರ್ಯಗಳನ್ನು ಬಿಂಬಿಸುವ ಆಸ್ಪತ್ರೆ, ಶಾಲೆಗಳನ್ನೂ ಚಿತ್ರಿಸಿ, “ಅಭಿವೃದ್ಧಿಗಳ ರಾಜನೀತಿಯಲ್ಲಿ -ದಿ ಗ್ರೇಟೆಸ್ಟ್‌ ಆಫ್ ಆಲ್‌ ಟೈಮ್‌’ ಎಂದು ಬರೆದಿದೆ.