Delhi Election 2025: ದೆಹಲಿ ವಿಧಾನಸಭಾ ಚುನಾವಣೆ ದಿನಾಂಕ ಘೋಷಣೆ; ಬಿಜೆಪಿ V/s AAP

Team Udayavani, Jan 7, 2025, 3:00 PM IST

ನವದೆಹಲಿ: ರಾಷ್ಟ್ರರಾಜಧಾನಿ ದೆಹಲಿಯ 70 ವಿಧಾನಸಭಾ ಕ್ಷೇತ್ರಗಳಿಗೆ ನಡೆಯಲಿರುವ ಚುನಾವಣೆಗೆ ಕೇಂದ್ರ ಚುನಾವಣ ಆಯೋಗ(Election Commission) ಮಂಗಳವಾರ (ಜನವರಿ 07) ದಿನಾಂಕ ಘೋಷಿಸಿದೆ. ಫೆ. 5ರಂದು ದೆಹಲಿ ಚುನಾವಣೆ ನಡೆಯಲಿದ್ದು, ಫೆ.08ರಂದು ಫಲಿತಾಂಶ ಘೋಷಣೆಯಾಗಲಿದೆ.

ಫೆ.05ರಂದು ಒಂದೇ ಹಂತದಲ್ಲಿ ದೆಹಲಿಯ 70 ಕ್ಷೇತ್ರಗಳಿಗೂ ಒಂದೇ ಹಂತದಲ್ಲಿ ಚುನಾವಣೆ ನಡೆಯಲಿದೆ ಎಂದು ಕೇಂದ್ರ ಚುನಾವಣ ಆಯೋಗ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದೆ.

ದೆಹಲಿ ವಿಧಾನಸಭೆಯ 70 ಕ್ಷೇತ್ರಗಳಲ್ಲಿ 12 ಮೀಸಲು ಕ್ಷೇತ್ರವಾಗಿದೆ. ಒಟ್ಟು 1.55 ಕೋಟಿ ಮತದಾರರಿದ್ದು, ಚುನಾವಣೆಗೂ ಮುನ್ನ ಮತದಾರರು ತಮ್ಮ ಹೆಸರನ್ನು ಆನ್‌ ಲೈನ್‌ ನಲ್ಲಿ ಪರಿಶೀಲಿಸಿಕೊಳ್ಳಬೇಕು ಎಂದು ಆಯೋಗ ಮನವಿ ಮಾಡಿಕೊಂಡಿದೆ.

ಜನವರಿ 10ರಂದು ನಾಮಪತ್ರ ಸಲ್ಲಿಕೆ ಆರಂಭ

ಜನವರಿ 17 ನಾಮಪತ್ರ ಸಲ್ಲಿಕೆ ಕೊನೆಯ ದಿನಾಂಕ

ಜನವರಿ 18 ನಾಮಪತ್ರ ಪರಿಶೀಲನೆ

ಫೆಬ್ರುವರಿ 5ರಂದು ಚುನಾವಣೆ

ಫೆಬ್ರುವರಿ 8 ಫಲಿತಾಂಶ ಘೋಷಣೆ.

ರಾಜಧಾನಿಯಲ್ಲಿ ಒಟ್ಟು 1,55,24,858 ಕೋಟಿ ಮತದಾರರಿದ್ದರು. ಇದರಲ್ಲಿ 83,49,645 ಪುರುಷರು ಹಾಗೂ 71,73,952 ಲಕ್ಷ ಮಹಿಳಾ ಮತದಾರರಿದ್ದಾರೆ. ಅಂಕಿಅಂಶದ ಪ್ರಕಾರ, 2,08,302 ಲಕ್ಷ ಮತದಾರರು ಈ ಬಾರಿ ಮೊದಲ ಬಾರಿಗೆ ವಿಧಾನಸಭಾ ಚುನಾವಣೆಯಲ್ಲಿ ಮತ ಚಲಾಯಿಸಲಿದ್ದಾರೆ.