L&T CEO ಹೇಳಿಕೆಗೆ ತಿರುಗೇಟು;ಮೊದಲು ಬಾಸ್‌ ವಾರಕ್ಕೆ 90 ಗಂಟೆ ದುಡಿಯಲಿ: ಬಜಾಜ್‌

Team Udayavani, Jan 11, 2025, 6:52 AM IST

ನವದೆಹಲಿ: ವಾರಕ್ಕೆ 90 ಗಂಟೆಗಳ ಕಾಲ ಕೆಲಸ ಮಾಡಬೇಕು ಎಂದಿದ್ದ ಎಲ್‌ ಆ್ಯಂಡ್‌ ಟಿ ಸಿಇಒ ಸುಬ್ರಮಣಿಯನ್‌ ಅವರಿಗೆ ಬಜಾಜ್‌ ಆಟೋದ ಮುಖ್ಯಸ್ಥ ರಾಜೀವ್‌ ಬಜಾಜ್‌ ತಿರುಗೇಟು ನೀಡಿದ್ದಾರೆ. ಮೊದಲಿಗೆ ಬಾಸ್‌ಗಳು 90 ಗಂಟೆ ದುಡಿಯುವ ಮೂಲಕ ಇದನ್ನು ಸಾಧಿಸಿ ತೋರಿಸಬೇಕು ಎಂದಿದ್ದಾರೆ.

ಮಾಧ್ಯಮವೊಂದರ ಜತೆ ಮಾತನಾ­ಡಿದ ಅವರು, “ಮಾತನಾಡುವುದು ಸುಲಭ. ಆದರೆ ಅದನ್ನು ಜಾರಿಗೆ ತರು­ವುದು ಕಷ್ಟ. ಓಡಾಟದ ಸಮಯವನ್ನು ಲೆಕ್ಕ ಹಾಕಿದರೆ ಜನ ಈಗಾಗಲೇ 12 ಗಂಟೆಗೂ ಹೆಚ್ಚು ಕೆಲಸ ಮಾಡು­ತ್ತಿದ್ದಾರೆ’ ಎಂದು ಹೇಳಿದರು.

ಜ್ವಾಲಾ ಗುಟ್ಟಾ ಆಕ್ರೋಶ: ಎಲ್‌ ಆ್ಯಂಡ್‌ ಟಿ ಮುಖ್ಯಸ್ಥರ ಹೇಳಿಕೆ ಸ್ತ್ರೀ ದ್ವೇಷ­ದಿಂದ ಕೂಡಿದೆ. ಮೊದಲು ತಮ್ಮ ಪತ್ನಿಯ ಬಳಿ ಇಂಥ ಹೇಳಿಕೆ ನೀಡಲಿ ಎಂದು ಮಾಜಿ ಬ್ಯಾಡ್ಮಿಂ­ಟನ್‌ ತಾರೆ ಜ್ವಾಲಾ ಗುಟ್ಟಾ ಆಗ್ರಹಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಮೀಮ್ಸ್‌: ಸುಬ್ರಮಣಿಯನ್‌ ಹೇಳಿಕೆ ವಿರೋಧಿಸಿ ವಿರೋಧಿಸಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಮೀಮ್ಸ್‌ ಗಳನ್ನು ಮಾಡಲಾಗಿದೆ. ಎಷ್ಟು ಹೊತ್ತು ನೌಕರರು ಕಂಪ್ಯೂಟರ್‌ ಸ್ಕ್ರೀನ್‌ ನೋಡಬಹುದು. ನಿಮ್ಮದು ಮಹಿಳಾ ವಿರೋಧಿ ನಡೆ ಎಂದೆಲ್ಲಾ ಹೇಳಿದ್ದಾರೆ.