Hubli: ಅಮಿತ್‌ ಶಾ ಅಣಕು ಶವ ಸಂಸ್ಕಾರದ ಅಸ್ಥಿ ವಿಸರ್ಜಿಸಿ ಪ್ರತಿಭಟನೆ

Team Udayavani, Jan 11, 2025, 2:48 PM IST

ಹುಬ್ಬಳ್ಳಿ: ಡಾ.ಬಿ.ಆರ್.ಅಂಬೇಡ್ಕರ್ ಅವರ ಬಗ್ಗೆ ಅಪಮಾನಕರವಾದ ಹೇಳಿಕೆ ನೀಡಿದ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರ ಅಣಕು ಶವ ಸಂಸ್ಕಾರದ ಅಸ್ಥಿಯನ್ನು ಇಲ್ಲಿನ ನಾಲಾವೊಂದರಲ್ಲಿ ವಿಸರ್ಜನೆ ಮಾಡಿ ಪ್ರತಿಭಟಿಸಲಾಯಿತು.

ಗುರುವಾರ ಹುಬ್ಬಳ್ಳಿ ಬಂದ್ ವೇಳೆ ಶಾ ಅವರ ಅಣಕು ಶವ ಸಂಸ್ಕಾರ‌ ಮಾಡಲಾಗಿತ್ತು. ಶನಿವಾರ (ಜ.11) ಅಸ್ಥಿಯನ್ನು‌ ವಿಸರ್ಜನೆ ಮಾಡಲಾಯಿತು.

ಡಾ.ಬಿ.ಆರ್ ಅಂಬೇಡ್ಕರ್ ಸ್ವಾಭಿಮಾನಿ, ಅಭಿಮಾನಿ ಅನುಯಾಯಿಗಳ‌ ಬಳಗದಿಂದ ಅಸ್ಥಿ ವಿಸರ್ಜನೆ ಮಾಡಲಾಗಿದೆ.

ಕಿತ್ತೂರು ರಾಣಿ ಚನ್ನಮ್ಮ‌ವೃತ್ತದಿಂದ ಮೆರವಣಿಗೆ ಮೂಲಕ ಹಳೇ ಹುಬ್ಬಳ್ಳಿಯ ಮುಖ್ಯ ರಸ್ತೆಯ ಮಟನ್ ಮಾರುಕಟ್ಟೆ ಬಳಿಯ ನಾಲೆಯಲ್ಲಿ ಅಸ್ಥಿ‌ ವಿಸರ್ಜಿಸಲಾಯಿತು.

ಬಳಗದ ಗುರುನಾಥ ಉಳ್ಳಿಕಾಶಿ, ಮಾರುತಿ‌ ದೊಡ್ಡಮನಿ ಇನ್ನಿತರ ದಲಿತ ಮುಖಂಡರು‌ ಪಾಲ್ಗೊಂಡಿದ್ದರು.