Uttarakhand: ಕಮರಿಗೆ ಬಿದ್ದವನ ರಕ್ಷಿಸಲು 20 ಕಿ.ಮೀ.ನಡೆದರು!

Team Udayavani, Jan 13, 2025, 7:05 AM IST

ಬಾಗೇಶ್ವರ್‌: ಕೆಲಸ ಮಾಡುವ ವೇಳೆ ಕಾಲು ಜಾರಿ 330 ಮೀಟರ್‌ ಆಳದ ನೀರ್ಗಲ್ಲು ಕಮರಿಗೆ ಬಿದ್ದಿದ್ದ ವ್ಯಕ್ತಿಯನ್ನು ರಕ್ಷಿಸಿದ ಘಟನೆ ಉತ್ತರಾಖಂಡದ ಬಾಗೇಶ್ವರ್‌ನಲ್ಲಿ ನಡೆದಿದೆ. ಸತತವಾಗಿ 6 ಗಂಟೆಗಳ ಕಾಲ ಮರಗಟ್ಟುವ ಚಳಿಗೆ ಸಿಲುಕಿದ್ದರೂ ವ್ಯಕ್ತಿ ಪವಾಡಸದೃಶ ಬದುಕುಳಿದಿದ್ದಾನೆ.

ಪರ್ವತವೊಂದರಲ್ಲಿ ಟ್ರೆಕ್ಕಿಂಗ್‌ ದಾರಿಯನ್ನು ಸರಿಪಡಿಸುತ್ತಿದ್ದ ಕಾರ್ಮಿಕರ ಮೇಲ್ವಿಚಾರಣೆ ನಡೆ ಸುತ್ತಿದ ಸ್ಥಳೀಯ ನಿವಾಸಿ ವಿಜಯ್‌ ಧನು, ಶುಕ್ರವಾರ ತಡರಾತ್ರಿ ಕಾಲು ಜಾರಿ 330 ಮೀ. ಆಳದ ಪಿಂಡಾರಿ ನೀರ್ಗಲ್ಲು ಕಣಿವೆಗೆ ಬಿದ್ದಿದ್ದರು.

ತತ್‌ಕ್ಷಣವೇ ಅಲ್ಲಿದ್ದ ಕಾರ್ಮಿಕರು ರಕ್ಷಣ ಪಡೆಗಳಿಗೆ ಮಾಹಿತಿ ರವಾನಿಸಿದ್ದರು. 13 ಮಂದಿಯ ತಂಡ ಕತ್ತಲಿನಲ್ಲಿ ಮಂಜನ್ನು ಲೆಕ್ಕಿಸದೆ 20 ಕಿ.ಮೀ. ದೂರ ನಡೆದು, ಕಣಿವೆಗೆ ಬಿದ್ದಿದ್ದ ವ್ಯಕ್ತಿಯನ್ನು ಸುರಕ್ಷಿತವಾಗಿ ಮೇಲ ಕ್ಕೆತ್ತುವಲ್ಲಿ ಸಫ‌ಲವಾಗಿದೆ.