ಬೈಕಿಗೆ ಟಿಪ್ಪರ್‌ ಢಿಕ್ಕಿ: ಸವಾರ ಸಾವು; ಅಪಘಾತಕ್ಕೀಡಾದ ಟಿಪ್ಪರ್‌ನಲ್ಲಿತ್ತು ಅಕ್ರಮ ಮರಳು

Team Udayavani, Jan 13, 2025, 1:41 AM IST

ಸಿದ್ದಾಪುರ: ಬೆಳ್ವೆ ಗ್ರಾಮದ ಗೋಳಿಯಂಗಡಿ ಕಾರಿಕೊಡ್ಲು ಕ್ರಾಸ್‌ ಬಳಿ ಜ. 11ರಂದು ಸಂಜೆ ಬೈಕ್‌ಗೆ ಟಿಪ್ಪರ್‌ ಢಿಕ್ಕಿ ಹೊಡೆದ ಪರಿಣಾಮ ಬೈಕ್‌ ಸವಾರ ನಾಲ್ಕೂರು ಗ್ರಾಮದ ಮೀಯ್ನಾರು ಉದಯ ನಾಯ್ಕ (30) ಅವರು ಸ್ಥಳದಲ್ಲೇ ಮೃತಪಟ್ಟರು. ಸಹಸವಾರ ಕೃಷ್ಣ ಪೂಜಾರಿ ಗಂಭೀರವಾಗಿ ಗಾಯಗೊಂಡು ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಉದಯ ನಾಯ್ಕ ಹಾಗೂ ಕೃಷ್ಣ ಪೂಜಾರಿ ಕೆಲಸ ಮುಗಿಸಿಕೊಂಡು ಕಾರಿಕೊಡ್ಲು ಕ್ರಾಸ್‌ ಬಳಿ ರಸ್ತೆ ಬದಿ ಯಲ್ಲಿ ಬೈಕ್‌ ನಿಲ್ಲಿಸಿಕೊಂಡು ಮಾತ ನಾಡುತ್ತಿದ್ದರು. ಆ ಸಮಯದಲ್ಲಿ ಮರಳು ತುಂಬಿದ ಟಿಪ್ಪರ್‌ ವೇಗವಾಗಿ ಬಂದು ಬೈಕ್‌ಗೆ ಢಿಕ್ಕಿ ಹೊಡೆದಿದ್ದು, ಇಬ್ಬರನ್ನೂ ಅನತಿ ದೂರದವರೆಗೆ ಎಳೆದುಕೊಂಡು ಹೋಗಿದೆ.

ಮರಳು ಅಕ್ರಮ ಸಾಗಾಟ
ಅಪಘಾತಕ್ಕೀಡಾದ ಟಿಪ್ಪರ್‌ನಲ್ಲಿ ಮರಳು ಅಕ್ರಮ ಸಾಗಾಟ ಮಾಡುತ್ತಿದ್ದುದು ಪತ್ತೆಯಾಗಿದೆ. ಚಾಲಕ ಟಿಪ್ಪರನ್ನು ನಿಲ್ಲಿಸಿ ಘಟನ ಸ್ಥಳದಿಂದ ಪರಾರಿಯಾಗಿದ್ದಾನೆ.