ಬದರೀನಾಥದಿಂದ ಶಬರಿಮಲೆಗೆ 8000 ಕಿ.ಮೀ ಪಾದಯಾತ್ರೆ; ಕಾಸರಗೋಡಿನ ಯುವಕರ ಸಾಧನೆ

Team Udayavani, Jan 13, 2025, 2:05 AM IST

ಕಾಸರಗೋಡು: ವಿಶ್ವದಲ್ಲಿ ಶಾಂತಿ ನೆಲೆಸಲೆಂಬ ಪ್ರಾರ್ಥನೆಯೊಂದಿಗೆ ಸ್ವಾಮಿ ಅಯ್ಯಪ್ಪನ ಇಬ್ಬರು ಭಕ್ತರು ಉತ್ತರ ಭಾರತದ ಬದರೀನಾಥದಿಂದ ಶಬರಿಮಲೆ ವರೆಗೆ 223 ದಿನಗಳ ಕಾಲ 8000 ಕಿ.ಮೀ ಪಾದಯಾತ್ರೆ ನಡೆಸಿದ್ದಾರೆ. ಶನಿವಾರ ಅವರು ಶಬರಿಮಲೆ ತಲುಪಿದ್ದಾರೆ ಎಂದು ತಿರುವಾಂಕೂರು ದೇವಸ್ವಂ ಮಂಡಳಿ (ಟಿಡಿಬಿ) ತಿಳಿಸಿದೆ.

ಕಾಸರಗೋಡು ಜಿಲ್ಲೆಯ ಸನತ್‌ಕುಮಾರ್‌ ನಾಯಕ್‌ ಹಾಗೂ ಸಂಪತ್‌ ಕುಮಾರ್‌ ಶೆಟ್ಟಿ 2024ರ ಮೇ 26ರಂದು ಬದರೀನಾಥಕ್ಕೆ ತೆರಳಿದ್ದರು. ಜೂ.3ರಿಂದ ಅವರು ಪಾದಯಾತ್ರೆ ಆರಂಭಿಸಿದ್ದರು. ಈ ವೇಳೆ ಸನತ್‌ ಹಾಗೂ ಸಂಪತ್‌ ಆದಿ ಶಂಕರಾಚಾರ್ಯರು ಸ್ಥಾಪಿಸಿದ 4 ಮಠಗಳು ಸಹಿತ ಹಲವು ದೇಗುಲಗಳಿಗೆ ಭೇಟಿ ನೀಡಿದ್ದಾರೆ. ಕೆಲವೆಡೆ ದೇಗುಲ ಪ್ರಸಾದ ಸೇವಿಸಿ, ಇನ್ನು ಕೆಲವೆಡೆ ತಾವೇ ಆಹಾರ ತಯಾರಿಸಿಕೊಂಡಿದ್ದಾರೆ. ಅಯೋಧ್ಯೆ, ಉಜ್ಜೆ„ನಿ, ದ್ವಾರಕ, ಪುರಿ, ರಾಮೇಶ್ವರಂ, ಅಚ್ಚಂ ಕೋವಿಲ್‌, ಎರಮೇಲಿ ಮೂಲಕ ಅವರು ಅಯ್ಯಪ್ಪನ ಸನ್ನಿಧಾನ ತಲುಪಿದ್ದಾರೆ.