BBK11: ವಾರದ ಮಧ್ಯದಲ್ಲೇ ಒಬ್ಬ ಸ್ಪರ್ಧಿ ಔಟ್; ರಜತ್‌ ಮೇಲೆ ಭವ್ಯಾ, ಮೋಕ್ಷಿತಾ ಟಾರ್ಗೆಟ್

Team Udayavani, Jan 13, 2025, 9:22 AM IST

ಬೆಂಗಳೂರು: ಬಿಗ್‌ ಬಾಸ್‌ ಮನೆಯಿಂದ 14ನೇ ವಾರ ಚೈತ್ರಾ ಕುಂದಾಪುರ ಎಲಿಮಿನೇಟ್‌ ಆಗಿದ್ದಾರೆ. ಕಣ್ಣೀರಿಡುತ್ತಾ, ತಮ್ಮ ಪಯಣದ ಮಾತನಾಡುತ್ತಲೇ ಚೈತ್ರಾ ಅವರು ದೊಡ್ಮನೆಯಿಂದ ಆಚೆ ಬಂದಿದ್ದಾರೆ.

ಚೈತ್ರಾ ಅವರ ಎಲಿಮಿನೇಷನ್‌ ಬಳಿಕ ಬಿಗ್‌ ಬಾಸ್‌ ಮನೆಯ ಆಟ ರೋಚಕ ಘಟ್ಟದತ್ತ ಸಾಗುತ್ತಿದೆ. ಫಿನಾಲೆಗೆ ಉಳಿದಿರೋದು ಇನ್ನು ಕೆಲವೇ ದಿನಗಳಷ್ಟೇ. ಫಿನಾಲೆಗೆ ಈಗಾಗಲೇ ಹನುಮಂತು ಅವರು ಎಂಟ್ರಿ ಪಡೆದುಕೊಂಡಿದ್ದಾರೆ. ಉಳಿದ ಸ್ಪರ್ಧಿಗಳ ನಡುವೆ ಪೈಪೋಟಿ ಶುರುವಾಗಿದೆ.

ವಾರದ ಮಧ್ಯದಲ್ಲೇ ಒಬ್ಬರು ಮನೆಯಿಂದ ಆಚೆ ಬರಲಿದ್ದಾರೆ ಎಂದು ಬಿಗ್‌ ಬಾಸ್‌ ಸ್ಪರ್ಧಿಗಳಿಗೆ ಸೂಚನೆ ಕೊಟ್ಟಿದ್ದಾರೆ. ಟಾಸ್ಕ್‌ ಗೆಲ್ಲುವ ಒಬ್ಬ ಸ್ಪರ್ಧಿ ಮಿಡ್‌ ವೀಕ್‌ ಎಲಿಮಿನೇಷನ್‌ನಿಂದ ಸೇಫ್ ಆಗಲಿದ್ದಾರೆ.

ವಾರದ ಟಾಸ್ಕ್‌ ಗೆಲ್ಲುವ ಒಬ್ಬ ಸದಸ್ಯ ಮಿಡ್‌ ವೀಕ್‌ ಎಲಿಮಿನೇಷನ್‌ನಿಂದ ಪಾರಾಗಾಲಿದ್ದಾರೆ.  ಹೆಚ್ಚು ಮರದ ತುಂಡನ್ನು ನೆಟ್‌ನಲ್ಲಿ ಹೊಂದಿರುವ ಸದಸ್ಯ ಟಾಸ್ಕ್‌ ನಿಂದ ಹೊರಗೆ ಉಳಿಯಲಿದ್ದಾರೆ. ಈ ಅವಕಾಶವನ್ನು ಭವ್ಯಾ ಹಾಗೂ ಮೋಕ್ಷಿತಾ ಟೀಮ್‌ ಮಾಡಿಕೊಂಡು ಬಳಸಿದ್ದು, ರಜತ್‌ ಅವರನ್ನು ಟಾರ್ಗೆಟ್‌ ಮಾಡಿ ಮರದ ತುಂಡನ್ನು ಅವರ ಭಾವಚಿತ್ರವಿರುವ ನೆಟ್‌ ಒಳಗೆ ಹಾಕಿ, ಅವರನ್ನು ಟಾಸ್ಕ್‌ನಿಂದ ಹೊರಗೆ ಇಡಲು ಪ್ರಯತ್ನಿಸಿದ್ದಾರೆ.

ನನಗೆ ನೀವಿಬ್ಬರು ಮಾತನಾಡಿದ್ದೀರಿ ಅಂಥ ಚೆನ್ನಾಗಿ ಗೊತ್ತಿತ್ತು. ಆದರೆ ನಿನ್ನಿಂದ ನಾನು ಇದನ್ನು ನಿರೀಕ್ಷೆ ಮಾಡಿರಲಿಲ್ಲವೆಂದು ಮೋಕ್ಷಿತಾ ಮೇಲೆ ರಜತ್‌ ಅಸಮಾಧಾನ ಹೊರಹಾಕಿದ್ದಾರೆ.

ಸೆಮ್ಮಿ-ಫಿನಾಲೆಯಲ್ಲಿ ಮಣ್ಣು ಮುಕ್ಕಿಸೋಕೆ ಸ್ಕೆಚ್ ರೆಡಿ!ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ ರಾತ್ರಿ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKPromo pic.twitter.com/Jc90w663QG

— Colors Kannada (@ColorsKannada) January 13, 2025

ಟಿಕೆಟ್‌ ಟು ಫಿನಾಲೆಗೆ ಹೋಗಬಾರದು ಅಂಥ ನೀವು ಭವ್ಯಾ ಅವರ ಹೆಸರನ್ನು ತೆಗೆದುಕೊಳ್ಳುತ್ತೀರಿ. ನಾಮಿನೇಷನ್‌ ನಿಂದ ಉಳಿಯಬೇಕೆಂದು ಭವ್ಯಾ ಜತೆ ಸೇರಿ ಆಡ್ತೀರಾ ಎಂದು ತಿವಿಕ್ರಮ್‌ ಮೋಕ್ಷಿತಾಗೆ ಹೇಳಿದ್ದಾರೆ. ಇದಕ್ಕೆ ನಾವು ನಿಯತ್ತಾಗಿ ಆಡಿದ್ದೇವೆ ಎಂದಿದ್ದಾರೆ.  ಸಮರ್ಥನೆ ಬೇಡ ನಿಮ್ಮ ಮನಸ್ಸಿಗೆ ಗೊತ್ತಿದ್ರೆ ಸಾಕು ಎಂದು ರಜತ್‌ ಹೇಳಿದ್ದಾರೆ.