Australian Open-2025: ದ್ವಿತೀಯ ಸುತ್ತಿಗೆ ಜೊಕೋ, ಸಿನ್ನರ್‌

Team Udayavani, Jan 13, 2025, 11:55 PM IST

ಮೆಲ್ಬರ್ನ್: ಆಸ್ಟ್ರೇಲಿಯನ್‌ ಓಪನ್‌ ಗ್ರ್ಯಾನ್‌ಸ್ಲಾಮ್‌ ಪಂದ್ಯಾವಳಿಯ ದ್ವಿತೀಯ ದಿನದಾಟದಲ್ಲಿ ನೆಚ್ಚಿನ ಆಟಗಾರ ನೊವಾಕ್‌ ಜೊಕೋವಿಕ್‌, ಹಾಲಿ ಚಾಂಪಿ ಯನ್‌ ಜಾನಿಕ್‌ ಸಿನ್ನರ್‌ ಗೆಲುವಿನ ಆರಂಭ ಪಡೆದಿದ್ದಾರೆ. ಆದರೆ ಗ್ರೀಸ್‌ನ ದೈತ್ಯ ಟೆನಿಸಿಗ ಸ್ಟೆಫ‌ನಸ್‌ ಸಿಸಿಪಸ್‌ ಮೊದಲ ಸುತ್ತಿನ ಆಘಾತಕ್ಕೆ ಸಿಲುಕಿದ್ದಾರೆ.

ನೊವಾಕ್‌ ಜೊಕೋವಿಕ್‌ ಭಾರತೀಯ ಮೂಲದ ಅಮೆರಿಕದ ಯುವ ಆಟಗಾರ ನಿಶೇಷ್‌ ಬಸವಾರೆಡ್ಡಿ ಅವರನ್ನು 4 ಸೆಟ್‌ಗಳ ಸೆಣಸಾಟದಲ್ಲಿ ಮಣಿಸಿದರು. ಜೊಕೋಗೆ ಮೊದಲ ಸೆಟ್‌ನಲ್ಲೇ ಆಘಾತವಿಕ್ಕುವ ಮೂಲಕ ದಕ್ಷಿಣ ಕ್ಯಾಲಿಫೋರ್ನಿಯಾದ ಟೆನಿಸಿಗ ಮಂದಹಾಸ ಬೀರಿದರು. ಆದರೆ ಅನಂತರದ ಮೂರೂ ಸೆಟ್‌ಗಳಲ್ಲಿ ಜೊಕೋ ಮೇಲುಗೈ ಸಾಧಿಸಿದರು. ಗೆಲುವಿನ ಅಂತರ 4-6, 6-3, 6-4, 6-2.

2006ರ ಆಸ್ಟ್ರೇಲಿಯನ್‌ ಓಪನ್‌ನಲ್ಲಿ ಜೊಕೋವಿಕ್‌ ಗ್ರ್ಯಾನ್‌ಸ್ಲಾಮ್‌ ಪಂದ್ಯಾವಳಿ ಯೊಂದರಲ್ಲಿ ಮೊದಲ ಸಲ ಮೊದಲ ಸುತ್ತಿನ ಆಘಾತಕ್ಕೆ ಸಿಲುಕಿದ್ದರು. ಅಂದು ಇವರನ್ನು ಸೋಲಿಸಿದ್ದು ಪೌಲ್‌ ಗೋಲ್ಡ್‌ಸ್ಟೀನ್‌. ಆಗಷ್ಟೇ ಬಸವಾರೆಡ್ಡಿ ಅವರ ಜನನವಾಗಿತ್ತು. ಈಗ ಅದೇ ಗೋಲ್ಡ್‌ಸ್ಟೀನ್‌, ಸ್ಟಾನ್‌ಫೋರ್ಡ್‌ ಯುನಿವರ್ಸಿಟಿಯಲ್ಲಿ ಬಸವಾರೆಡ್ಡಿ ಅವರಿಗೆ ಕೋಚಿಂಗ್‌ ನೀಡುತ್ತಿದ್ದಾರೆ!

ಸಿನ್ನರ್‌, ಅಲ್ಕರಾಜ್‌ ಜಯ
ಕಳೆದ ವರ್ಷ ಮೆಲ್ಬರ್ನ್ನಲ್ಲೇ ಮೊದಲ ಗ್ರ್ಯಾನ್‌ಸ್ಲಾಮ್‌ ಗೆದ್ದ ಜಾನಿಕ್‌ ಸಿನ್ನರ್‌ 7-6 (2), 7-6 (5), 6-1 ಅಂತರದಿಂದ ನಿಕೋಲಸ್‌ ಜರ್ರಿ ಅವರನ್ನು ಮಣಿಸುವಲ್ಲಿ ಯಶಸ್ವಿಯಾದರು.
4 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳ ಸರದಾರ ಕಾರ್ಲೋಸ್‌ ಅಲ್ಕರಾಜ್‌ ಕಜಾಕ್‌ಸ್ಥಾನದ ಅಲೆಕ್ಸಾಂಡರ್‌ ಶೆವೆÏಂಕೊ ಅವರನ್ನು 6-1, 7-5, 6-1ರಿಂದ ಮಣಿಸಿದರು.

ಸಿಸಿಪಸ್‌ಗೆ ಶಾಕ್‌!
2023ರ ಫೈನಲಿಸ್ಟ್‌, 11ನೇ ಶ್ರೇಯಾಂಕದ ಸ್ಟೆಫ‌ನಸ್‌ ಸಿಸಿಪಸ್‌ ಅಮೆರಿಕದ ಅಲೆಕ್ಸ್‌ ಮೈಕಲ್‌ಸೆನ್‌ ವಿರುದ್ಧ ಮೊದಲ ಸುತ್ತಿನಲ್ಲೇ ಸೋಲುಂಡು ಹೊರಬಿದ್ದದ್ದು ಈ ಕೂಟದ ಮೊದಲ ಬುಡಮೇಲು ಫ‌ಲಿತಾಂಶಕ್ಕೆ ಸಾಕ್ಷಿಯಾಯಿತು. ಮೈಕಲ್‌ಸೆನ್‌ ಅವರ ಗೆಲುವಿನ ಅಂತರ 7-5, 6-3, 2-6, 6-4.
ಕಳೆದ ವರ್ಷದ ಜಪಾನ್‌ ಓಪನ್‌ ಟೂರ್ನಿಯಲ್ಲೂ ಮೈಕಲ್‌ಸೆನ್‌ ಸಿಸಿಪಸ್‌ಗೆ ಸೋಲುಣಿಸಿದ್ದರು. ಇದರೊಂದಿಗೆ ಗ್ರೀಕ್‌ ಟೆನಿಸಿಗನ ವಿರುದ್ಧ ಅಜೇಯ ದಾಖಲೆ ಕಾಯ್ದುಕೊಂಡಂತಾಯಿತು.

ಸ್ವಿಯಾಟೆಕ್‌, ಗಾಫ್ ಮುನ್ನಡೆ
ವಿಶªದ ನಂ.2 ಆಟಗಾರ್ತಿ ಇಗಾ ಸ್ವಿಯಾಟೆಕ್‌ ಜೆಕ್‌ ಗಣರಾಜ್ಯದ ಕ್ಯಾಥರಿನಾ ಸಿನಿಯಕೋವಾ ಅವರನ್ನು 6-3, 6-4ರಿಂದ ಪರಾಭವಗೊಳಿಸಿದರು. ಕೊಕೊ ಗಾಫ್ 2020ರ ಚಾಂಪಿಯನ್‌ ಸೋಫಿಯಾ ಕೆನಿನ್‌ ಅವರಿಗೆ 6-3, 6-3 ಅಂತರದ ಸೋಲುಣಿಸಿದರು.

ನಂ.7 ಆಟಗಾರ್ತಿ ಜೆಸ್ಸಿಕಾ ಪೆಗುಲಾ ಆತಿಥೇಯ ಆಸ್ಟ್ರೇಲಿಯದ ಮಯಾ ಜಾçಂಟ್‌ ಅವರನ್ನು 6-3, 6-0 ಅಂತರದಿಂದ, ಎಲೆನಾ ಸ್ವಿಟೋಲಿನಾ ರೊಮೇನಿಯಾದ ಸೊರಾನಾ ಕ್ರಿಸ್ಟಿ ಅವರನ್ನು 6-4, 6-4 ಅಂತರದಿಂದ, ಡಯಾನಾ ಶ್ನೆ„ಡರ್‌ ಇಟಲಿಯ ಎಲಿಸಾಬೆಟ್ಟಾ ಕೋಕ್ಸಿಯಾರೆಟ್ಟೊ ಅವರನ್ನು 7-6 (7-4), 6-4 ಅಂತರದಿಂದ ಮಣಿಸಿ ದ್ವಿತೀಯ ಸುತ್ತು ತಲುಪಿದರು.