Rishab Shetty: ಬದಲಾದ ಹೇರ್‌ ಸ್ಟೈಲ್‌: ಹೊಸ ಲುಕ್‌ನಲ್ಲಿ ರಿಷಬ್‌ ಶೆಟ್ಟಿ

Team Udayavani, Jan 15, 2025, 11:12 AM IST

ಇತ್ತೀಚೆಗೆ ನಟ ರಿಷಬ್‌ ಶೆಟ್ಟಿ ಒಂದಿಲ್ಲೊಂದು ಕಾರಣಗಳಿಗೆ ಸದಾ ಸುದ್ದಿಯಲ್ಲಿ ಇರುತ್ತಿದ್ದಾರೆ. ಅವರ “ಕಾಂತಾರ 1′ ಕೆಲಸದ ಜೊತೆಗೆ ಹೊಸ ಸಿನಿಮಾಗಳ ಘೋಷಣೆ, ಅದರಲ್ಲಿ ನಟನೆ ಹೀಗೆ ಪ್ರಚಲಿತದಲ್ಲಿರುವ ರಿಷಬ್‌ ಅವರು ಇತ್ತೀಚೆಗೆ ತಮ್ಮ ಹೊಸ ಲುಕ್‌ನಿಂದ ಮತ್ತೆ ಅಭಿಮಾನಿಗಳ ಚರ್ಚೆಗೆ ಕಾರಣರಾಗಿದ್ದಾರೆ.

ಸಂಕ್ರಾಂತಿ ಹಬ್ಬದ ದಿನ ಪತ್ನಿ ಪ್ರಗತಿ ಹಾಗೂ ಮಕ್ಕಳ ಜೊತೆ ಫೋಟೋ ತೆಗೆಸಿಕೊಂಡಿರುವ ರಿಷಬ್‌ ಅವರು ಹೊಸ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇಲ್ಲಿವರೆಗೂ ಅವರು ತಮ್ಮ ಉದ್ದದ ಕೂದಲನ್ನು ಕಟ್ಟುತ್ತಿದ್ದರು. ಹೊಸ ಲುಕ್‌ನಲ್ಲಿ ಕೂದಲನ್ನು ಹಾಗೇ ಬಿಟ್ಟಿದ್ದು, ತೆಲುಗಿನ “ಜೈ ಹನುಮಾನ್‌’ ಹಾಗೂ ಹಿಂದಿಯ “ಛತ್ರಪತಿ ಶಿವಾಜಿ’ ಚಿತ್ರಕ್ಕಾಗಿ ಉದ್ದನೆಯ ಗಡ್ಡ ಹಾಗೂ ಕೂದಲನ್ನು ಬಿಟ್ಟಿದ್ದಾರೆ. ಸದ್ಯ ಅವರ ಹೊಸ ಲುಕ್‌ನ ಫೋಟೋ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ.