UPCL Kasaragod Power line: ಕಂಪೆನಿಯಿಂದ ತಪ್ಪು ಮಾಹಿತಿ: ಹೋರಾಟ ಸಮಿತಿ ಒಕ್ಕೂಟ

Team Udayavani, Jan 16, 2025, 12:05 AM IST

ಮಂಗಳೂರು: ಉಡುಪಿ ಜಿಲ್ಲೆಯ ಎಲ್ಲೂರಿನಲ್ಲಿರುವ ಯುಪಿಸಿಎಲ್‌ ವಿದ್ಯುತ್‌ ಸ್ಥಾವರದಿಂದ ಕೇರಳಕ್ಕೆ ವಿದ್ಯುತ್‌ ಲೈನ್‌ ಯೋಜನೆಯ ಗುತ್ತಿಗೆದಾರ ಕಂಪೆನಿ “ಯುಕೆಟಿಎಲ್‌-ಸ್ಟೆರ್‌ಲೈಟ್‌’ ಕಾಮಗಾರಿ ಕುರಿತು ತಪ್ಪು ಮಾಹಿತಿ ನೀಡಿ ಸಂತ್ರಸ್ತ ರೈತರ ಹೋರಾ ಟದ ದಿಕ್ಕು ತಪ್ಪಿಸಲು ಯತ್ನಿಸುತ್ತಿದೆ.

ಕೃಷಿಭೂಮಿಯ ಮೇಲೆ ಟವರ್‌, ಲೈನ್‌ ಹಾದುಹೋಗುವುದಕ್ಕೆ ಶೇ.95 ರಷ್ಟು ರೈತರ ವಿರೋಧವಿದೆ ಎಂದು ಹೋರಾಟ ಸಮಿತಿಗಳ ಒಕ್ಕೂಟ ಹೇಳಿದೆ.

ಬುಧವಾರ ಮಂಗಳೂರಿನಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ “ಉಡುಪಿ-ಕಾಸರಗೋಡು 400 ಕೆವಿ ವಿದ್ಯುತ್‌ ಪ್ರಸರಣ ಮಾರ್ಗ ವಿರೋಧಿ ಹೋರಾಟ ಸಮಿತಿಗಳ ಒಕ್ಕೂಟ’ದ ಪ್ರಧಾನ ಕಾರ್ಯದರ್ಶಿ ಇನ್ನಾ ಚಂದ್ರಹಾಸ ಶೆಟ್ಟಿ, ಕೇಂದ್ರ ಇಂಧನ ಸಚಿವಾಲಯದ ಕೇಂದ್ರೀಯ ವಿದ್ಯುತ್‌ ಪ್ರಾಧಿಕಾರದ(ಸಿಇಎಒ) ಡಿ.2024ರ ಪ್ರಗತಿ ವರದಿಯಲ್ಲಿ ದಾಖಲಾ ಗಿರುವಂತೆ ಕರ್ನಾಟಕ ವ್ಯಾಪ್ತಿಯ 177 ಟವರ್‌ಗಳ ಪೈಕಿ 128 ಟವರ್‌ ವ್ಯಾಪ್ತಿ ಪ್ರದೇಶದಲ್ಲಿ ತೀವ್ರ ವಿರೋಧವಿದೆ. ಈಗಾಗಲೇ ಅನೇಕ ಮಂದಿ ರೈತರು ಹೈಕೋರ್ಟ್‌, ಸುಪ್ರೀಂ ಕೋರ್ಟ್‌ ಮೆಟ್ಟಿಲು ಹತ್ತಿದ್ದಾರೆ ಎಂದರು.

ಜ.17ರಂದು ಮಂಗಳೂರಿನಲ್ಲಿ ರೈತರು ಸಿಎಂಗೆ ಹಕ್ಕೊತ್ತಾಯ ಸಲ್ಲಿಸಲಿ ದ್ದಾರೆ. ಶೀಘ್ರದಲ್ಲೇ ದ.ಕ., ಉಡುಪಿ ಜಿಲ್ಲಾ ಕೇಂದ್ರಗಳಲ್ಲಿ ಬೃಹತ್‌ ಪ್ರತಿಭಟನೆ ನಡೆಸಲಾಗುವುದು ಎಂದರು. ಒಕ್ಕೂಟದ ಸಂಚಾಲಕರಾದ ಅಲೊ#àನ್ಸ್‌ ಡಿ’ಸೋಜಾ, ಅಲೆಕ್ಸ್‌ ಸಿಕ್ವೇರಾ, ಸಂತ್ರಸ್ತೆ ಜೆಸಿಂತಾ ಲೋಬೋ ಉಪಸ್ಥಿತರಿದ್ದರು.