ಮುದ್ರಣ ದೋಷ: ಹೊಸ 2000 ದ ನೋಟಿನಲ್ಲಿ ಗಾಂಧಿ ಚಿತ್ರವೇ ಮಾಯ!

Team Udayavani, Jan 5, 2017, 10:47 AM IST

ಭೂಪಾಲ್‌ : ಅಪನಗದೀಕರಣದ ಬಳಿಕ ಬಿಡುಗಡೆಯಾದ ಹೊಸನೋಟುಗಳು ಜನರಲ್ಲಿ ಕೆಲ ಗೊಂದಲಗಳಿಗೆ ಕಾರಣವಾಗಿದ್ದವು .ಇದಕ್ಕೆ ಹೊಸ ಸೇರ್ಪಡೆಯೆಂಬಂತೆ ಮಹಾತ್ಮ ಗಾಂಧೀಜಿ ಅವರ ಚಿತ್ರವೇ ಇರದ 2000 ರೂಪಾಯಿ ಮುಖಬೆಲೆಯ ನೋಟುಗಳು ಮಧ್ಯಪ್ರದೇಶದಲ್ಲಿ ಪತ್ತೆಯಾಗಿವೆ. 

ಮಾಧ್ಯಮಗಳಲ್ಲಿ ವರದಿಯಾದಂತೆ ,ಬಿಚ್ಚುಗಾವ್ಡಿ ಎಂಬಲ್ಲಿ  ಹಿರಿಯ ರೈತರಾದ ಲಕ್ಷ್ಮಣ್‌ ಮೀನಾ ಮತ್ತು ಕಡುಖೇರಾ ಎಂಬಲ್ಲಿ ಗುರ್ಮಿತ್‌ ಸಿಂಗ್‌ ಎನ್ನುವವರಿಗೆ ಸ್ಟೇಟ್‌ ಬ್ಯಾಂಕ್‌ ಆಫ್ ಇಂಡಿಯಾ ನೀಡಿದ ನೋಟುಗಳಲ್ಲಿ ಗಾಂಧಿ ಚಿತ್ರವೇ ಇರಲ್ಲಿಲ್ಲ.

ಮನೆಗಳಿಗೆ ತೆರಳಿದ ಬಳಿಕ ಗಾಂಧಿ ಚಿತ್ರ ಇರದ ನೋಟುಗಳನ್ನು ಕಂಡು ರೈತರು ಶಾಕ್‌ ಆಗಿ ಬ್ಯಾಂಕ್‌ಗೆ ಕೂಡಲೇ ಮರಳಿ ಬಂದು ಮ್ಯಾನೇಜರ್‌ಗೆ ತೋರಿಸಿದರು. ನೋಟುಗಳನ್ನು ಪರಿಶೀಲಿಸಿದ ಮ್ಯಾನೇಜರ್‌ ಇದು ಅಸಲಿ ನೋಟುಗಳೇ ಆಗಿದ್ದು  ಮುದ್ರಣ ದೋಷ ದಿಂದ ಹಿಗಾಗಿದೆ ಎಂದು ತಿಳಿಸಿದರು. ಬ್ಯಾಂಕ್‌ ಅಧಿಕಾರಿಗಳು ನೋಟುಗಳನ್ನು ಕೂಡಲೇ ಬದಲಿಸಿ ನೀಡಿಲ್ಲ ಎಂದು ವರದಿಯಾಗಿದೆ.