4 ತಿಂಗಳಲ್ಲಿ 5 ಕೇಜಿ ತೂಕ ಇಳಿಸಿದ್ರೆ ಕೇಳಿದಲ್ಲಿಗೆ ವರ್ಗ!

Team Udayavani, Jan 7, 2017, 3:45 AM IST

ಚಿಕ್ಕಮಗಳೂರು: 4 ತಿಂಗಳಲ್ಲಿ 5 ಕೇಜಿ ತೂಕ ಇಳಿಸಿಕೊಂಡಲ್ಲಿ ನೀವು ಕೇಳಿದಲ್ಲಿಗೆ ವರ್ಗಾವಣೆ ಮಾಡಿಕೊಡಲಾಗುವುದು… ಇದು ಜಿಲ್ಲಾ ರಕ್ಷಣಾಧಿಕಾರಿ ಅಣ್ಣಾಮಲೈ ಅವರು ಪೊಲೀಸರಿಗೆ ನೀಡಿರುವ ಆಫರ್‌. ಶುಕ್ರವಾರ ಪೊಲೀಸ್‌ ಕವಾಯತು ಮೈದಾನದಲ್ಲಿ ನಡೆದ ಜಿಲ್ಲಾ ಪೊಲೀಸರ ವಾರ್ಷಿಕ ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಪೊಲೀಸರು ಬೇರೆಯವರಿಗೆ ಮಾದರಿಯಾಗಿರಬೇಕು. ಸೇವೆಗೆ ಸೇರಿದಾಗಿನಿಂದ ನಿವೃತ್ತಿಯಾಗುವವರೆಗೂ ದೇಹದಾಡ್ಯìತೆಯನ್ನು ಒಂದೇ ರೀತಿ ಇಟ್ಟುಕೊಳ್ಳಬೇಕು. ಇದು ಕಷ್ಟವಾದರೂ ಸಾಧ್ಯವಾದಷ್ಟು ಮಟ್ಟಿಗೆ ಇದನ್ನು ಪಾಲಿಸಬೇಕು ಎಂದರು.ಈಗ ಇರುವ ತೂಕವನ್ನು 4 ತಿಂಗಳಲ್ಲಿ 5 ಕೇಜಿ ಇಳಿಸಿಕೊಳ್ಳಬೇಕು. ಅಂತಹ ಪೊಲೀಸರಿಗೆ ಏಪ್ರಿಲ್‌ ತಿಂಗಳಲ್ಲಿ ನಡೆಯುವ ಸಾಮೂಹಿಕ ವರ್ಗಾವಣೆ ಸಂದರ್ಭದಲ್ಲಿ ಅವರು ಕೇಳಿದ ಸ್ಥಳಕ್ಕೆ ವರ್ಗಾವಣೆ ಮಾಡಿಕೊಡಲಾಗುವುದು ಎಂದು ಘೋಷಿಸಿದರು.