ಅಕ್ರಮ ಹಣ : ಇಡಿ ಕೋರ್ಟ್‌ನಿಂದ ಜಯಚಂದ್ರ ಜಾಮೀನು ಅರ್ಜಿ ವಜಾ 

Team Udayavani, Jan 7, 2017, 5:21 PM IST

ಬೆಂಗಳೂರು: ಕಪ್ಪು ಬಿಳಿ ದಂಧೆಯಲ್ಲಿ ಸಿಲುಕಿರುವ ರಾಜ್ಯ ಹೆದ್ದಾರಿ ಪ್ರಾಧಿಕಾರದ ಯೋಜನಾಧಿಕಾರಿ ಎಸ್‌.ಸಿ.ಜಯಚಂದ್ರ ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು ಜಾರಿ ನಿರ್ದೇಶನಾಲಯ ಕೋರ್ಟ್‌ ಶುಕ್ರವಾರ ವಜಾಗೊಳಿಸಿದೆ. ಇದೇ ವೇಳೆ ಪ್ರಕರಣದ ಇನ್ನುಳಿದ 7 ಆರೋಪಿಗಳಿಗೆ ಜಾಮೀನು ಮಂಜೂರು ಮಾಡಿದೆ. 

ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿ ಜಯಚಂದ್ರ ಸಲ್ಲಿಸಿದ್ದ ಆರ್ಜಿ ವಿಚಾರಣೆ ನಡೆಸಿದ ಕೋರ್ಟ್‌ ಜಾಮೀನು ನೀಡಲು ನಿರಾಕರಿಸಿತು. ಇನ್ನುಳಿತ 7 ಆರೋಪಿಗಳಾದ ವೇಣುಗೋಪಾಲ್‌, ರೆಹಮತ್‌ ಪಾಷಾ , ರಾಘವೇಂದ್ರ , ಉಮೇಶ್‌ , ಪ್ರಶಾಂತ್‌ ,ಸುಪ್ರೀತ್‌ ಶೆಟ್ಟಿ ಗೆ ಜಾಮೀನು ನೀಡಿದೆ. 

ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಸರ್ಕಾರಿ ಅಧಿಕಾರಿಗಳಾದ ಚಿಕ್ಕರಾಯಪ್ಪ, ಜಯಚಂದ್ರ, ಗುತ್ತಿಗೆದಾರ ರಾಮಲಿಂಗಂ ಮತ್ತು ಉದ್ಯಮಿ ಇಬ್ರಾಹಿಂ ಷರೀಫ್ ಅವರ ಮನೆಗಳ ಮೇಲೆ ದಾಳಿ ನಡೆಸಿದ್ದರು. ಆ ವೇಳೆ ಈ ಆರೋಪಿಗಳ ಕಪ್ಪುಧಿಬಿಳಿ ದಂಧೆ ಮೂಕ ಅಕ್ರಮವಾಗಿ 4.78 ಕೋಟಿ ರೂ. ಮೊತ್ತದ ಹೊಸ ನೋಟು ಸಂಗ್ರಹಿಸಿದ್ದು ಬಯಲಾಗಿತ್ತು. ಇದರಿಂದ ಜಾರಿ ನಿರ್ದೇಶನಾಲಯ ಜಯಚಂದ್ರ ಅವರನ್ನು ವಶಕ್ಕೆ ಪಡೆದಿದ್ದು, ಸಿಬಿಐ ಮತ್ತು ಎಸಿಬಿಯೂ ತನಿಖೆ ನಡೆಸುತ್ತಿದೆ.